റെഡ്മി നോട്ട് 12 പ്രോ സ്പീഡ് എഡിഷൻ ചൈനയിൽ അവതരിപ്പിച്ചു. സാധാരണ റെഡ്മി നോട്ട് 12 പ്രോ മോഡലിന് സമാനമായ സ്പെസിഫിക്കേഷനുകളാണ് ഷഓമി സബ് ബ്രാൻഡിന്റെ പുതിയ സ്മാർട് ഫോണും വരുന്നത്. എന്നാൽ, റെഡ്മി നോട്ട് 12 പ്രോ സ്പീഡ് എഡിഷനിൽ സ്നാപ്ഡ്രാഗൺ 778ജി ആണ് പ്രോസസർ. മൂന്ന് കളർ ഓപ്ഷനുകളിലാണ് ഹാൻഡ്സെറ്റ് വരുന്നത്.

റെഡ്മി നോട്ട് 12 പ്രോ സ്പീഡ് എഡിഷന്റെ അടിസ്ഥാന 8 ജിബി റാം + 256 ജിബി സ്റ്റോറേജ് മോഡലിന് 1,699 യുവാൻ (ഏകദേശം 20,200 രൂപ) ആണ് വില. 8 ജിബി റാം + 256 ജിബി സ്റ്റോറേജ് വേരിയന്റിന് 1,799 യുവാനും (ഏകദേശം 21,400 രൂപ) ടോപ്പ് എൻഡ് 12 ജിബി റാം + 256 ജിബി സ്റ്റോറേജ് മോഡലിന് 1,999 യുവാനുമാണ് (ഏകദേശം 23,700 രൂപ) വില. മിഡ്‌നൈറ്റ് ബ്ലാക്ക്, ഷിമ്മർ ഗ്രീൻ, ടൈം ബ്ലൂ എന്നീ കളർ ഓപ്ഷനുകളിൽ ഇത് നിലവിൽ ചൈനയിലെ മി.കോം വഴി വാങ്ങാം. റെഡ്മി നോട്ട് 12 പ്രോ സ്പീഡ് എഡിഷന്റെ ആഗോള ലോഞ്ചിനെക്കുറിച്ചുള്ള ഔദ്യോഗിക വിവരങ്ങൾ ഇതുവരെ ലഭ്യമല്ല.

ഡ്യുവൽ സിം (നാനോ) സ്ലോട്ടുള്ള റെഡ്മി നോട്ട് 12 പ്രോ സ്പീഡ് എഡിഷനിൽ ആൻഡ്രോയിഡ്-12 അടിസ്ഥാനമാക്കിയുള്ള MIUI 14 ലാണ് പ്രവർത്തിക്കുന്നത്. 6.67-ഇഞ്ച് ഫുൾ-എച്ച്ഡി+ (1,080x2,400 പിക്സലുകൾ) ഓലെഡ് ഫ്ലെക്സിബിൾ ഡിസ്പ്ലേയ്ക്ക് 120Hz വരെ റിഫ്രഷ് റേറ്റ്, 240Hz ടച്ച് സാംപ്ലിങ് റേറ്റ്, HDR10+ പിന്തുണ എന്നിവയുണ്ട്. ഡിസ്പ്ലേയ്ക്ക് 1920Hz PWM ഡിമ്മിങ്ങും ഡിസിഐ-പി3 കളർ ഗാമറ്റും ഉണ്ട്. 12 ജിബി വരെയുള്ള LPDDR4x റാമിനൊപ്പം ഒക്ടാ കോർ 6nm സ്‌നാപ്ഡ്രാഗൺ 778 ജി ആണ് പ്രോസസർ.

റെഡ്മി നോട്ട് 12 പ്രോ സ്പീഡ് എഡിഷനിൽ ട്രിപ്പിൾ റിയർ ക്യാമറ യൂണിറ്റ് ഉണ്ട്. ഇതിൽ f/1.89 ലെൻസുള്ള 100 മെഗാപിക്സൽ സാംസങ് HM2 സെൻസർ ഉൾപ്പെടുന്നു. ക്യാമറ സജ്ജീകരണത്തിൽ 119 ഡിഗ്രി ഫീൽഡ് വ്യൂ ഉള്ള 8 മെഗാപിക്സൽ അൾട്രാ വൈഡ് ആംഗിൾ സെൻസറും 2 മെഗാപിക്സൽ മാക്രോ സെൻസറും ഉൾപ്പെടുന്നു. സെൽഫികൾക്കും വിഡിയോ കോളുകൾക്കുമായി മുൻവശത്ത് 16 മെഗാപിക്സൽ സെൽഫി സെൻസറും ഉണ്ട്. 256 ജിബി യുഎഫ്എസ് 2.2 സ്റ്റോറേജ് വരെ സ്‌മാർട് ഫോൺ പായ്ക്ക് ചെയ്യുന്നു.

5ജി, വൈ-ഫൈ 6, ബ്ലൂടൂത്ത് വി5.2, യുഎസ്ബി ടൈപ്പ് സി പോർട്ട് എന്നിവയാണ് പ്രധാന കണക്റ്റിവിറ്റി ഓപ്ഷനുകൾ. ആക്സിലറോമീറ്റർ, ആംബിയന്റ് ലൈറ്റ് സെൻസർ, ആക്സിലറേഷൻ സെൻസർ, ഇ-കോമ്പസ്, ഡിസ്റ്റൻസ് സെൻസർ, ഐആർ റിമോട്ട് കൺട്രോൾ, ഗൈറോസ്കോപ്പ് എന്നിവയാണ് പ്രധാന സെൻസറുകൾ. റെഡ്മി നോട്ട് 12 പ്രോ പോലെ സ്പീഡ് എഡിഷനും 67W ഫാസ്റ്റ് ചാർജിങ് ശേഷിയുള്ള 5,000 എംഎഎച്ച് ബാറ്ററിയുടെ പിന്തുണയുണ്ട്.

English Summary: Redmi Note 12 Pro Speed Edition with 100-Megapixel Rear Camera Launched