ഉപഭോക്താവിന് താങ്ങാവുന്ന സ്മാർട്ട് ഫോണുകളുടെ വർദ്ധിച്ചു വരുന്ന ആവശ്യകത കണക്കിലെടുത്ത് അൽക്കാടെൽ തങ്ങളുടെ പുതിയ വണ് ടച്ച് പരമ്പരയിലെ സ്മാർട്ട്ഫോണ്; 'വണ് ടച്ച് ഫിയേഴ്സ് എക്സ്എൽ' അമേരിക്കയിൽ പുറത്തിറക്കി. ക്രമേണ ആഗോള വിപണിയിലാകെ ലഭ്യമാകുമെന്ന് കരുതുന്ന ഈ ബജറ്റ് 4 ജി ഫോണ് 7,500 രൂപയ്ക്കടുത്താകും വിപണിയിൽ ലഭ്യമാവുക.
1280 x 720 പിക്സൽ റെസല്യൂഷൻനൽകുന്ന 5.5 ഇഞ്ച് ഡിസ്പ്ലേയോട് കൂടിയ ഈ സ്മാർട്ട്ഫോൺ 1 ജിബി റാം, 8 ജിബി ഇന്റേണൽ സ്റ്റോറേജ് എന്നീ സവിശേഷതകളോടെയാണെത്തുന്നത്. ഒരു എൻട്രി ലെവൽ 1.1 GHz ക്വാഡ് കോർ സ്നാപ്ഡ്രാഗണ് 210 പ്രൊസസർ കരുത്ത് പകരുന്ന ഈ ഫോണ് ഗെയിമിങ്ങിനു പ്രാപ്തമാകാൻ സഹായിക്കുന്ന ഒരു അഡ്രിനോ 304 ജിപിയു ഉൾപ്പടെയാണെത്തുന്നത്.
അൽക്കാടെൽ വൺ ടച്ച് ഫിയേഴ്സ് എക്സ് എൽ സ്മാർട്ട്ഫോണ് എൽഇഡി ഫ്ളാഷ് ,ഓട്ടോ ഫോക്കസ് ക്യാമറ എന്നീ പ്രത്യേകതകളുള്ള ഒരു 8 എംപി റിയർ ക്യാമറയോടെയാണ് വരുന്നത്. 2 മെഗാപിക്സൽ വ്യക്തത നൽകുന്ന ഒരു ഫ്രണ്ട് ക്യാമറയമുള്ള ഈ ഡിവൈസ് 2500 എം.എ.എച്ച് ബാറ്ററിയിലാണ് പ്രവർത്തിക്കുന്നത്. ഈ വർഷം തന്നെ ഇന്ത്യയിലെത്തുമെന്നു കരുതുന്ന ഈ ഫോണ് ആൻഡ്രോയിഡ് 5.1.1 ലോലിപോപ്പ് പതിപ്പ് അടിസ്ഥാനമാക്കിയാണ് പ്രവർത്തിക്കുന്നത്.
പഴഞ്ചൻ പോളറോയിഡ് ഇൻസ്റ്റന്റ് ക്യാമറകളെ അനുസ്മരിപ്പിക്കുന്ന ഫിൽട്ടറുകൾ ഉപയോഗിച്ച് ചിത്രങ്ങൾ എടുക്കാൻ സഹായിക്കുന്ന പോളറോയിഡ് മോഡ് ആണ് ഈ ഫോണിന്റെ ഒറു പ്രധാന ആകർഷണം. പോളറോയിഡ് മോഡിനൊപ്പം ചിത്രങ്ങൾ പകർത്തുന്ന തീയതി, സ്ഥാനം, ടെക്സ്റ്റ് ടാഗുകൾ എന്നിവ ചേർക്കാനും അൽക്കാടെൽ വൺ ടച്ച് ഫിയേഴ്സ് എക്സ് എൽ-ന്റെ ക്യാമറ ആപ്പ് അനുവദിക്കുന്നു. ഒറ്റ ലേഔട്ടിൽ ഒന്നിലധികം ഷോട്ടുകൾ സംയോജിപ്പിച്ച് ഒരു കൊളാഷ് സൃഷ്ടിക്കാൻ ഉപയോക്താക്കളെ ഈ ഫോണിലെ കൊളാഷ് മേക്കർ സഹായിക്കും.
Disclaimer
ഇവിടെ പോസ്റ്റ് ചെയ്യുന്ന അഭിപ്രായങ്ങൾ മനോരമയുടേതല്ല. അഭിപ്രായങ്ങളുടെ പൂർണ്ണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാറിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.