sections
MORE

ഇന്ത്യയുടെ ബഹിരാകാശ മുന്നേറ്റം ലോകത്തിനു വൻ ഭീഷണിയെന്ന് പാക്ക് മന്ത്രി

chandrayan2
SHARE

വിവാദ പ്രസ്താവനകൾക്കും ഇന്ത്യാ വിരുദ്ധ നിലപാടിനും പേരുകേട്ട പാക്കിസ്ഥാൻ ശാസ്ത്ര സാങ്കേതിക മന്ത്രി ഫവാദ് ചൗധരി  വീണ്ടും രംഗത്ത്. മികവോടെ മുന്നേറുന്ന ഇന്ത്യയുടെ ബഹിരാകാശ പദ്ധതിയെ ‘ഉത്തരവാദിത്തമില്ലാത്തത്’ എന്നാണ് അദ്ദേഹം വിശേഷിപ്പിച്ചത്. ബഹിരാകാശ അവശിഷ്ടങ്ങളുടെ വലിയ സ്രോതസ്സായി ഇന്ത്യ മാറുകയാണ്, ഇന്ത്യയുടെ നിരുത്തരവാദപരമായ ബഹിരാകാശ ദൗത്യങ്ങൾ മുഴുവൻ പരിസ്ഥിതി വ്യവസ്ഥയ്ക്കും അപകടകരവും. ഇന്റന്റ് ഓർഗനൈസേഷനുകളുടെ മുന്നറിയിപ്പ് ഈ വിഷയത്തില്‍ ആവശ്യമാണെന്നും ചൗധരി ട്വീറ്റ് ചെയ്തു.

അതേസമയം, ശാസ്ത്ര സാങ്കേതിക മേഖലയിലെ പരാജയങ്ങളെ മഹത്വപ്പെടുത്തി നരേന്ദ്ര മോദി സർക്കാർ ഇന്ത്യൻ ജനതയെ കബളിപ്പിക്കുകയാണെന്നും ചൗധരി ആരോപിച്ചു. ജമ്മു കശ്മീരിലെ ആളുകൾക്ക് പാക്കിസ്ഥാന്‍ ഇന്റർനെറ്റ് നൽകാമെന്ന് ചൗധരിയുടെ നിർദ്ദേശം ട്വിറ്ററിൽ വൻ വിവാദമായിരുന്നു. കശ്മീരിൽ സാറ്റലൈറ്റ് ഇന്റർനെറ്റ് നൽകാനുള്ള സാധ്യതയെക്കുറിച്ച് പാക്കിസ്ഥാന്റെ സ്പേസ് ആൻഡ് അപ്പർ അറ്റ്മോസ്പിയർ റിസർച്ച് കമ്മിഷനോട് (സൂപ്പർകോ) ചോദിച്ചതായാണ് അദ്ദേഹം അവകാശപ്പെട്ടിരുന്നത്.

ലഹോറിലെ വായു മലിനീകരണത്തിന് നരേന്ദ്ര മോദിയുടെ നേതൃത്വത്തിലുള്ള ബിജെപി സർക്കാരിനെ കുറ്റപ്പെടുത്തിയും ചൗധരി മുൻപ് ട്വീറ്റ് ചെയ്തിരുന്നു. അതേസമയം ഇന്ത്യയെ വിമർശിക്കുന്ന, 1961 ൽ സ്ഥാപിതമായ പാക്കിസ്ഥാന്റെ ദേശീയ ബഹിരാകാശ ഏജൻസിയായ സൂപ്പർകോ ചൈനീസ് നിർമിത വിക്ഷേപണ വാഹനം ഉപയോഗിച്ച് ആദ്യത്തെ ആശയവിനിമയ ഉപഗ്രഹത്തെ ഭ്രമണപഥത്തിലെത്തിക്കാൻ 50 വർഷമെടുത്തു. അതാകട്ടെ ചൈന എയ്‌റോസ്‌പേസ് ആൻഡ് ടെക്‌നോളജി കോർപ്പറേഷന്റെ അനുബന്ധ സ്ഥാപനത്തിന്റെ സഹായത്തോടെയായിരുന്നു.

2022 ൽ രാജ്യത്തെ ആദ്യ യാത്രികനെ ബഹിരാകാശത്തേക്ക് അയക്കുമെന്ന് ചൗധരി അടുത്തിടെ പ്രഖ്യാപിച്ചിരുന്നു. ഇത് ചൈനയുടെ ബഹിരാകാശ വാഹനത്തിലായിരിക്കാമെന്നാണ് റിപ്പോർട്ട്. ഇന്ത്യൻ വ്യോമസേനയിലെ രാകേഷ് ശർമ 35 വർഷം മുൻപ് സോവിയറ്റ് പേടകത്തിലാണ് ബഹിരാകാശത്തേക്ക് പറന്നുത്. മുൻ സോവിയറ്റ് യൂണിയനിലെ മറ്റ് രണ്ട് ബഹിരാകാശയാത്രികരും അദ്ദേഹത്തോടൊപ്പം ഉണ്ടായിരുന്നു.

ഇന്ത്യ ബഹിരാകാശ ദൗത്യങ്ങളിൽ വലിയ മുന്നേറ്റം നടത്തി. കുറഞ്ഞ ചെലവിൽ, ഉയർന്ന വിജയ ദൗത്യങ്ങളിൽ ഇടം നേടി. 2013 ൽ ഇന്ത്യ ചൊവ്വയിലേക്ക് പേടകം അയച്ചു. 2008 ൽ ഇന്ത്യ ചന്ദ്രനിലേക്കും പേടകം അയച്ചു. ചന്ദ്രയാൻ -1 ചന്ദ്രനിൽ ജലാംശം കണ്ടെത്തി. ഇന്ത്യയ്ക്ക് ബഹിരാകാശത്ത് ‘ആസ്ട്രോസാറ്റ്’ എന്ന നിരീക്ഷണ കേന്ദ്രമുണ്ട്. സൂര്യന്റെ കൊറോണയെക്കുറിച്ച് പഠിക്കാൻ ‘ആദിത്യ’ എന്ന പേടകം ഉടൻ വിക്ഷേപിക്കും. ഗഗൻയാന് ശേഷം ഇന്ത്യ സ്വന്തമായി ബഹിരാകാശ നിലയം സ്ഥാപിക്കുമെന്ന് ഇസ്രോ ചെയർമാൻ കെ. ശിവൻ അറിയിച്ചുകഴിഞ്ഞു. ശുക്രനെ പര്യവേക്ഷണം ചെയ്യാനുള്ള പദ്ധതിയും ഇന്ത്യയ്ക്കുണ്ട്.

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN SCIENCE
SHOW MORE
FROM ONMANORAMA