എട്ട് മിനിറ്റിനുള്ളിൽ കൊറോണയെ കണ്ടെത്താം, അദ്ഭുത ടെസ്റ്റ് കിറ്റുമായി ചൈനീസ് വിദഗ്ധർ
Mail This Article
ലോകത്ത് അതിവേഗം പടര്ന്നുപിടിക്കുന്ന കൊറോണ വൈറസ് ബാധിച്ചവരെ കണ്ടെത്താൻ ചൈനീസ് വിദഗ്ധർ പുതിയ സംവിധാനം വികസിപ്പിച്ചെടുത്തു. രോഗികളെ അതിവേഗം പരിശോധിച്ച് റിപ്പോർട്ട് തയാറാക്കാൻ സാധിക്കുന്ന ന്യൂക്ലിക് ടെസ്റ്റ് കിറ്റ് ചൈനയിൽ വിതരണം ചെയ്യുന്നുണ്ട്.
എട്ട് മുതൽ 15 മിനിറ്റിനുള്ളിൽ ഈ കിറ്റിന് വൈറസ് കണ്ടെത്താൻ കഴിയുമെന്ന് സിറ്റി ബ്യൂറോ ഓഫ് സയൻസ് ആൻഡ് ടെക്നോളജി അറിയിച്ചു. കിറ്റിന് ഉയർന്ന സംവേദനക്ഷമത ഉള്ളതിനാൽ ഉപയോഗിക്കാൻ എളുപ്പമുള്ളതും കൊണ്ടുപോകാൻ എളുപ്പവുമാണെന്ന് ബ്യൂറോ അഭിപ്രായപ്പെടുന്നു. വരും ദിവസങ്ങളിൽ പകർച്ചവ്യാധി തടയുന്നതിനും നിയന്ത്രിക്കുന്നതിനും ഇത് സുപ്രധാനമായിരിക്കുമെന്നാണ് വിദഗ്ധർ പറയുന്നത്.
നാഷണൽ ഇൻസ്റ്റിറ്റ്യൂട്ട് ഫോർ വൈറൽ ഡിസീസ് കൺട്രോൾ ആൻഡ് പ്രിവൻഷന്റെയും വുക്സി ആസ്ഥാനമായുള്ള ഹൈടെക് കമ്പനിയുടെയും വിദഗ്ധരുടെ സംയുക്ത പ്രവർത്തനമായിരുന്നു ഈ കിറ്റ്. കിറ്റ് വികസിപ്പിക്കുന്നതിനായി ജനുവരി 20 നാണ് കമ്പനിക്ക് നോട്ടീസ് കിട്ടിയത്.
കിറ്റ് വൻതോതിൽ ഉൽപാദനത്തിലാണ്. ഒരു ദിവസം 4,000 കിറ്റുകൾ നിർമ്മിക്കാൻ കഴിയുമെന്ന് കമ്പനി അറിയിച്ചു, ഉൽപാദനം വിപുലീകരിക്കാൻ സർക്കാരും കമ്പനിയെ സഹായിക്കുന്നു. ആദ്യ ബാച്ച് കിറ്റുകൾ ഇതിനകം തന്നെ ഹുബെ പ്രവിശ്യയിലെ ക്യാംപുകളിൽ ഉപയോഗത്തിലാണ്.