ഡോ. സുരേഷ് ബാബുവിന് ഭൗമശാസ്ത്ര പുരസ്കാരം

ന്യൂഡൽഹി ∙ ഭൗമശാസ്ത്ര മന്ത്രാലയം മികച്ച ഗവേഷകർക്ക് ഏർപ്പെടുത്തിയിരിക്കുന്ന ശാസ്ത്ര ഗവേഷണ പുരസ്കാരത്തിന് (ഒരു ലക്ഷം രൂപയും പ്രശസ്തി പത്രവും) തിരുവനന്തപുരം വിക്രം സാരാഭായി സ്പേസ് സെന്റർ സ്പേസ് ഫിസിക്സ് ലബോറട്ടറിയിലെ ശാസ്ത്രജ്ഞനായ ഡോ. എസ്. സുരേഷ് ബാബു അർഹനായി. അന്തരീക്ഷ പഠനവും സാങ്കേതിക വിദ്യയും എന്ന വിഭാഗത്തിലാണ് പുരസ്കാരം. കാലാവസ്ഥാ മാറ്റത്തിനു കാരണമാകുന്ന അന്തരീക്ഷത്തിലെ കാർബൺ ധൂളികളെപ്പറ്റിയുള്ള പഠനമാണ് പരിഗണിച്ചത്.

മലയാളി കാലാവസ്ഥാ ശാസ്ത്രജ്ഞയായിരുന്ന ഡോ. അന്ന മാണിയുടെ സ്മരണയ്ക്ക് ഏർപ്പെടുത്തിയിരിക്കുന്ന വനിതാ ശാസ്ത്ര ഗവേഷണ പുരസ്കാരം ഗോവയിലെ സിഎസ്ഐആർ ദേശീയ ഇൻസ്റ്റിറ്റ്യൂട്ടിലെ ഡോ. ലിഡിത ഖണ്ടേപാർക്കർക്ക് ലഭിക്കും.

ആജീവനാന്ത പുരസ്കാരത്തിന് പ്രശസ്ത ഫോസിൽ ശാസ്ത്ര ഗവേഷകൻ പ്രഫ. അശോക് സാഹ്നിയെ തിര‍ഞ്ഞെടുത്തു. പഞ്ചാബ് സർവകലാശാലയിൽ ഇമെരിറ്റസ് പ്രഫസറാണ്.

ഡോ.സുരേഷ് ബാബു അടൂർ ഇളമണ്ണൂർ ശാന്താലയത്തിൽ പരേതനായ സുരേന്ദ്രൻനായരുടെയും ശാന്തകുമാരിയുടെയും മകനാണ്.

English Summary: Dr. Suresh Babu wins Geography Award