ഉൽക്ക മഴ, സൂര്യഗ്രഹണം, രക്തചന്ദ്രന്‍, 'വളയങ്ങളില്ലാത്ത' ശനി സൗരക്കാറ്റ്; 2025 സാക്ഷ്യം വഹിക്കുന്ന അദ്ഭുതങ്ങൾ
Mail This Article
വാന നിരീക്ഷകരെ അവേശഭരിതരാക്കാന്‍ കഴിയുന്ന അദ്ഭുതകരമായ ആകാശ വിസ്മയങ്ങളാണ് 2025ല്‍ കാത്തിരിക്കുന്നത്. പൂർണ ചന്ദ്രഗ്രഹണം, ഭാഗീകമായ സൂര്യഗ്രഹണം, ഉൽക്കകൾ പെയ്തിറങ്ങുന്ന ആകാശവുമൊക്കെയായിരിക്കും 2025ൽ കാണാനാകുക. എന്തൊക്കെയാണ് ശാസ്ത്രകുതുകികളെ കാത്തിരിക്കുന്ന ആ വിസ്മയങ്ങളെന്നു പരിശോധിക്കാം.
∙ഈ വർഷത്തിലെ ഏറ്റവും ശക്തമായ ഉൽക്കാവർഷങ്ങളിൽ ഒന്നായ ക്വാഡ്രാന്റിഡോടെയായിരിക്കും 2025 ആരംഭിക്കുക. ജനുവരി 3, 4 തീയതികളിലായിരിക്കും ഇത് കാണാനാകുക.സെക്കൻഡിൽ 70 കിലോമീറ്റർ വേഗത്തിലായിരിക്കും ഉല്‍ക്കകള്‍ അന്തരീക്ഷത്തില്‍ പ്രവേശിക്കുക. മണിക്കൂറിൽ 120 ഉൽക്കകൾ വരെ കാണാം
∙ ജനുവരി 13ന് ഈ വർഷത്തെ ആദ്യത്തെ സൂപ്പർ മൂൺ അഥവാ വൂൾഫ് മൂൺ സംഭവിക്കും. ചൊവ്വ ഗ്രഹത്തെ പിന്നിലാക്കി ചന്ദ്രൻ മുന്നിലെത്തും( occultation). ഒരു മണിക്കൂറോളം ചൊവ്വ ചന്ദ്രനു പിന്നിൽ മറഞ്ഞു നിൽക്കും.
∙രക്ത ചന്ദ്രൻ: പൂര്‍ണ ചന്ദ്രഗ്രഹണ സമയത്ത് ചന്ദ്രന്‍ ചുവപ്പ് നിറത്തില്‍ കാണുന്നതിനാല്‍ അതിനെ ബ്ലഡ് മൂണ്‍ എന്ന് വിശേഷിപ്പിക്കാറുണ്ട്. മാർച്ച് 13, 14 എന്നിവിടങ്ങളിൽ യൂറോപ്, ഏഷ്യയുടെ ചില പ്രദേശങ്ങളിലും ഓസ്ട്രേലിയ, ആഫ്രിക്ക, അമേരിക്ക എന്നിവിടങ്ങളിലെല്ലാം ഗ്രഹണം കാണാൻ കഴിയും.
∙ യൂറോപ്പ്, ഏഷ്യ, ഓസ്ട്രേലിയ, ആഫ്രിക്ക, അമേരിക്കയുടെ ചില ഭാഗങ്ങൾ, ഇന്ത്യൻ മഹാസമുദ്ര മേഖല എന്നിവിടങ്ങളിൽ സമ്പൂർണ ചന്ദ്രഗ്രഹണം ദൃശ്യമാകും. മറ്റ് ഗ്രഹണങ്ങളിൽ നിന്ന് വ്യത്യസ്തമായി, ഇത് ഇന്ത്യയിലും കാണാനാകും, അതിനാൽ ജ്യോതിശാസ്ത്ര പ്രേമികൾ ഈ അവസരം നഷ്ടപ്പെടുത്തരുത്. ചന്ദ്രഗ്രഹണം നഗ്നനേത്രങ്ങൾ കൊണ്ട് കാണാൻ സുരക്ഷിതമാണ്.
ഭാഗിക സൂര്യഗ്രഹണം: സെപ്റ്റംബർ 21, 2025
∙2025-ലെ രണ്ടാം ഭാഗിക സൂര്യഗ്രഹണ സമയത്ത് ചന്ദ്രൻ സൂര്യന്റെ ചില ഭാഗങ്ങൾ മറയ്ക്കും. അൻ്റാർട്ടിക്ക, പസഫിക്, അറ്റ്ലാന്റിക്, തെക്കൻ ഓസ്ട്രേലിയ എന്നിവിടങ്ങളിലെല്ലാം ഇത് കാണാൻ കഴിയും. പക്ഷേ ഇത് ഇന്ത്യയില്‍ ദൃശ്യമാകില്ല.
∙ശനിയുടെ വലയങ്ങൾ യഥാർത്ഥത്തിൽ അപ്രത്യക്ഷമാകില്ല, പക്ഷേ മാർച്ചിൽ ഹ്രസ്വകാലത്തേക്ക് വലയങ്ങള്‍ അദൃശ്യമാകും. ശനിയുടെ വളയങ്ങൾ ചരിഞ്ഞതാണ് അതിനാല്‍ ഭൂമിയുടെ വീക്ഷണകോണിൽനിന്നും മാറുന്നതോടെയാണ് ഇത്തരത്തിലുള്ള കാഴ്ച ലഭ്യമാകുന്നത്.
∙ 2025ൽ സൂര്യനിലെ കൊറോണൽ മാസ് ഉജക്ഷൻ ഉച്ചസ്ഥായിയിലെത്തുമെന്ന് പ്രതീക്ഷിക്കുന്നത്. ഇത് കൂടുതല്‍ ശക്തമായ ധ്രുവദീപ്തിക്ക് കാരണമായേക്കാം.