Manoramaonline.com no longer supports Internet Explorer 8 or earlier. Please upgrade your browser.  Learn more »

കാത്തിരുന്ന വാട്സാപ്പ് ഫീച്ചർ മെസഞ്ചറിലും, ഒഴിവായത് വൻ തലവേദന

fb-messenger

മെസഞ്ചറിലൂടെ അയച്ച സന്ദേശങ്ങൾ സ്വീകർത്താവിന്റെ ഇൻബോക്സിൽനിന്നു പിൻവലിക്കാനുള്ള സൗകര്യം എല്ലാ ഉപയോക്താക്കൾക്കും ഉടൻ ലഭ്യമാക്കുമെന്ന് ഫെയ്സ്ബുക്. ഈ ഫീച്ചർ വരാനിരിക്കുന്ന മെസഞ്ചർ പതിപ്പിൽ ഉണ്ടാകുമെന്നാണ് അറിയുന്നത്.

അയച്ച സന്ദേശങ്ങളും വിഡിയോയും ചിത്രങ്ങളും പത്ത് മിനിറ്റിൽ ഡിലീറ്റ് ചെയ്യാം. ട്വിറ്ററിലാണ് ഇത് സംബന്ധിച്ചുള്ള വെളിപ്പെടുത്തല്‍ വന്നിരിക്കുന്നത്. മുൻനിര ടെക് വെബ്സൈറ്റുകളിലും വാർത്ത വന്നിട്ടുണ്ട്. മെസഞ്ചറിന്റെ ഐഒഎസ് 191.0 പതിപ്പിൽ ഈ ഫീച്ചർ ഉണ്ടാകുമെന്നാണ് ട്വിറ്റർ ഉപയോക്താവിന്റെ വെളിപ്പെടുത്തല്‍.

അബദ്ധത്തിൽ അയച്ച സന്ദേശങ്ങൾ പിൻവലിക്കാനുളള സമയം പത്ത് മിനിറ്റാണ്. ഈ ഫീച്ചർ ഇപ്പോൾ തന്നെ വാട്സാപ്പിലുണ്ട്. ഉപയോക്താക്കൾക്ക് ഏറെ ഉപകാരപ്പെടുന്ന ഫീച്ചറാണിത്.

സിഇഒ മാർക്ക് സക്കർബർഗ് പലർക്കുമയച്ച സന്ദേശങ്ങൾ, പിന്നീട് അവരുടെ ഇൻബോക്സിൽ നിന്നു നീക്കിയിട്ടുണ്ടെന്ന ഫെയ്സ്ബുക്കിന്റെ വെളിപ്പെടുത്തൽ വിമർശനത്തിനിടയാക്കിയിരുന്നു. എല്ലാ ഫെയ്സ്ബുക് ഉപയോക്താക്കൾക്കും ലഭ്യമല്ലാത്ത ഈ സൗകര്യം കമ്പനിയിലെ ഉന്നതർ മാത്രം ഉപയോഗിക്കുന്നതു വഞ്ചനയാണെന്നായിരുന്നു ആക്ഷേപം.

ഈ സാഹചര്യത്തിലാണ് എല്ലാവർക്കും മെസഞ്ചറിൽ ‘അൺസെൻഡ്’ സൗകര്യം നൽകാൻ തീരുമാനിച്ചത്. മാസങ്ങൾക്കുള്ളിൽ സൗകര്യം ഒരുക്കാനാകുമെന്നാണു പ്രതീക്ഷയെന്നും അതുവരെ സക്കർബർഗിന്റെയോ, കമ്പനിയിലെ മറ്റ് ഉന്നതരുടെയോ സന്ദേശങ്ങൾ പിൻവലിക്കില്ലെന്നും ഫെയ്സ്ബുക് നേരത്തെ അറിയിച്ചിരുന്നു.

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.