‘രാത്രി മുഴുവൻ അവൾ ചാറ്റിലായിരുന്നു, അവളുടെ ജീവനെടുത്തത് സോഷ്യൽമീഡിയക്കാർ’
Mail This Article
ഫെയ്സ്ബുക്, ഇൻസ്റ്റാഗ്രാം, സ്നാപ്ചാറ്റ് പോലുള്ള സോഷ്യൽമീഡിയകളുടെ അമിതോപയോഗം കൗമാരക്കാരുടെ ജീവനെടുക്കൽ തുടരുന്നു. ബ്രിട്ടനിൽ നിന്നുള്ള ഒരു പതിനഞ്ചുകാരിയാണ് സോഷ്യൽമീഡിയ ജീവിതം അവസാനിപ്പിച്ച് ജീവനൊടുക്കിയത്. ഓൺലൈനിൽ ‘ലൈക്കുകൾ’ തേടാനുള്ള തീവ്രമായ അന്വേഷണത്തിനു ശേഷമാണ് സ്നാപ്ചാറ്റിന് അടിമയായ 15 വയസുള്ള പെൺകുട്ടി ജീവനൊടുക്കിയത്. മകൾ എങ്ങനെയാണ് ജീവനൊടുക്കിയതെന്ന് അമ്മ തന്നെ മാധ്യമങ്ങളോട് വെളിപ്പെടുത്തുന്നുണ്ട്.
സ്നാപ്ചാറ്റിന് അടിമയായ റൂബി സീൽ സുഹൃത്തുക്കൾക്ക് വേദനാജനകമായ സന്ദേശങ്ങൾ അയയ്ക്കാൻ ഓൺലൈൻ ചാറ്റുകളും പോസ്റ്റുകളും ഉപയോഗിച്ചിരുന്നു. അത്തരമൊരു പോസ്റ്റായിരുന്നു ‘ രാവിലെ ഞാൻ എന്നെത്തന്നെ കൊന്നേക്കാം’ എന്നത്. എന്നാൽ ഈ മുന്നറിയിപ്പ് പോസ്റ്റിന് ആരും തന്നെ ലൈക്കുകളോ മറുപടിയോ നൽകിയില്ല. ഇതിൽ മനംനൊന്താണ് അവൾ ആത്മഹത്യ ചെയ്തത്.
‘സോഷ്യൽ മീഡിയ റൂബിക്ക് മയക്കുമരുന്ന് പോലെയായിരുന്നു, അവൾ അടിമയായിരുന്നു, അവൾ കൂടുതൽ അസ്വസ്ഥനായിരുന്നു, യഥാർത്ഥ ജീവിതവുമായി അവൾ ഇടപഴകുന്നത് കുറഞ്ഞിരുന്നുവെന്നും അമ്മ പറഞ്ഞു. കുടുംബത്തിൽ നിന്ന് അവൾ പിന്മാറുകയും ഒറ്റപ്പെടുകയും ചെയ്തു. എല്ലായ്പ്പോഴും അവളുടെ മുറിയിലായിരുന്നു. ഫോണിൽ അവളുടെ പ്രശ്നങ്ങൾക്ക് ഇഷ്ടങ്ങളും പ്രതികരണങ്ങളും ഉത്തരങ്ങളും നൽകാൻ സോഷ്യൽമീഡിയ സുഹൃത്തുക്കളെ തിരഞ്ഞു.
‘സോഷ്യൽ മീഡിയ അവളുടെ മരണത്തിന് കാരണമായി. ദിവസം രാത്രി എട്ട് മണിക്കൂർ വരെ അവള് ഓൺലൈനിൽ ചെലവഴിച്ചിരുന്നു. ഇതിനാൽ തന്നെ നിരവധി മാനസികാരോഗ്യ പ്രശ്നങ്ങൾ അവൾ അനുഭവിക്കുകയും ചെയ്തു. ഇതോടെയാണ്
റൂബി സ്വയം ജീവനൊടുക്കാൻ തീരുമാനിച്ചത്.
മറ്റ് മൂന്ന് കൗമാരക്കാരായ പെൺമക്കളുള്ള കോളേജ് ലക്ചറർ കൂടിയായ അമ്മ ജൂലി പറഞ്ഞത് ‘സ്നാപ്ചാറ്റിലെ ലൈവ് ആശയവിനിമയത്തിന് അവൾ അടിമയായിരുന്നു എന്നാണ്. ഇത് ഫെയ്സ്ബുക്കിനേക്കാളും ഇൻസ്റ്റാഗ്രാമിനേക്കാളും വേഗമേറിയതാണെന്നും അവൾ പറയാറുണ്ടായിരുന്നു എന്നുമാണ്.