നിരോധിച്ച ടിക് ടോക്കിലേക്ക് പിൻവാതിൽ വഴി എത്തുന്നവർ കൂടി, കണക്കുകൾ പുറത്ത്!
Mail This Article
രണ്ട് മിനിറ്റ് ദൈർഘ്യമുള്ള വിഡിയോ പ്ലാറ്റ്ഫോം ടിക് ടോക്കിനെ ഇന്ത്യൻ സർക്കാർ നിരോധിച്ചിരിക്കാം. പക്ഷേ ഇന്ത്യക്കാർ ഇപ്പോഴും ആപ്ലിക്കേഷൻ ഡൗൺലോഡ് ചെയ്യുന്നുണ്ട്. ജനപ്രിയ എപികെ ഡൗൺലോഡിങ് വെബ്സൈറ്റായ എപികെമിററിലെ ടിക്ടോകിന്റെ ആൻഡ്രോയിഡ് ആപ്ലിക്കേഷൻ പാക്കേജിനായുള്ള (APK) ഡൗൺലോഡുകൾ നിരോധനത്തിനുശേഷം ഏകദേശം ഇരട്ടിയായിട്ടുണ്ട്. ഗൂഗിൾ പ്ലേയിൽ നിന്ന് ടിക്ടോക് അപ്രത്യക്ഷമാകുമ്പോൾ, എപികെ–കളിലൂടെ ആപ്ലിക്കേഷൻ സൈഡ്ലോഡുചെയ്യുന്നത് പുതിയ ഉപയോക്താക്കൾക്ക് ആപ്ലിക്കേഷൻ നേടാനുള്ള ഏക മാർഗമാണ്.
കഴിഞ്ഞ തവണ ടിക് ടോക്കിനെ ഇന്ത്യയിൽ നിരോധിച്ച സംഭവത്തെ അനുസ്മരിപ്പിക്കുന്നതാണ് സംഭവം. 2019 ൽ, രാജ്യത്ത് ടിക് ടോക്ക് നിരോധിച്ച കോടതി ഉത്തരവിന് നാല് ദിവസത്തിന് ശേഷം, എപികെ മിറർ ഡൗൺലോഡ് ചെയ്യുന്നത് ഏകദേശം 15 മടങ്ങ് വർധിച്ചിരുന്നു. ഇന്ത്യയിൽ ഈ ആപ്ലിക്കേഷനുകൾ തടയാൻ ടെലികമ്മ്യൂണിക്കേഷൻ വകുപ്പ് ടെലികോം കമ്പനികളോട് ആവശ്യപ്പെട്ടിട്ടുണ്ട്. ചൊവ്വാഴ്ച രാജ്യത്ത് ടിക് ടോക് സേവനം സ്വമേധയാ നിർത്തി, ഉപയോക്താക്കളെ അറിയിച്ചുകൊണ്ട് ഒരു അറിയിപ്പ് നൽകിയിരുന്നു.
ഇന്ത്യയുടെ പരമാധികാരത്തിനും സുരക്ഷയ്ക്കും ഭീഷണിയായതിനാൽ ടിക് ടോക്ക്, ഹലോ, വിഗോ വിഡിയോ, മറ്റ് 56 ചൈനീസ് ആപ്ലിക്കേഷനുകൾ എന്നിവ സർക്കാർ തിങ്കളാഴ്ചയാണ് നിരോധിച്ചത്. ഇക്കാര്യം ചർച്ച ചെയ്യാൻ സർക്കാരിനെ കാണുമെന്ന് ടിക് ടോക്ക് വക്താവ് പറഞ്ഞു.
പ്രതികരിക്കാനും വിശദീകരണങ്ങൾ സമർപ്പിക്കാനുമുള്ള അവസരത്തിനായി കമ്പനിയെ ഇന്ത്യൻ സർക്കാർ ക്ഷണിച്ചുവെന്ന് ടിക് ടോക്കിന്റെ ഇന്ത്യ മേധാവി നിഖിൽ ഗാന്ധി പറഞ്ഞു. യുസി ബ്രൗസർ, യുസി ന്യൂസ് പോലുള്ള ജനപ്രിയ ആപ്ലിക്കേഷനുകളും നിരോധനത്തിൽ ഉൾപ്പെടുന്നു. ഇവ രണ്ടും യുസിവെബിന്റെ പരിധിയിൽ വരും. ഇത് ആലിബാബ ഗ്രൂപ്പിന്റെ ഉടമസ്ഥതയിലുള്ളതാണ്. ടെൻസെന്റിന്റെ ഉടമസ്ഥതയിലുള്ള ഒരു കൂട്ടം അപ്ലിക്കേഷനുകളും നിരോധിച്ച 59 ന്റെ ഭാഗമാണ്, അതേസമയം, ഷഓമിയുടെ മി കമ്മ്യൂണിറ്റി ആപ്ലിക്കേഷനും നിരോധിച്ചു.
English Summary: TikTok is banned in India but users find ways to download short video platform