ആ പരിപ്പ് വേവില്ല, സിലിക്കൺ വാലിയിൽ പുതു ടെക്നോളജി നിരോധിച്ചു
Mail This Article
ഗൂഗിളും ഫെയ്സ്ബുക്കും മൈക്രോസോഫ്റ്റും ഉൾപ്പെടെ ലോകത്തെ ഏറ്റവും വലിയ ഐടി കമ്പനികളുടെ ആസ്ഥാനമായ യുഎസിലെ സാൻഫ്രാൻസിസ്കോ ഫേഷ്യൽ റെക്കഗ്നിഷൻ സംവിധാനങ്ങളുടെ ഉപയോഗത്തിന് വിലക്കേർപ്പെടുത്തി.
കുറ്റവാളികളെ തിരിച്ചറിയാനും സുരക്ഷ ഉറപ്പാക്കാനും വിവിധ രാജ്യങ്ങൾ ഫേഷ്യൽ റെക്കഗ്നിഷൻ സാങ്കേതികവിദ്യ ഉപയോഗിച്ചു തുടങ്ങുമ്പോഴാണ് സാൻഫ്രാൻസിസ്കോ നിരോധനം ഏർപ്പെടുത്തിയിരിക്കുന്നത്. സാധാരണ ജനങ്ങളോ സ്വകാര്യ കമ്പനികളോ എന്നല്ല, പൊലീസ് ഉൾപ്പെടെ ആർക്കും സാൻഫ്രാൻസിസ്കോയിൽ ഫേഷ്യൽ റെക്കഗ്നിഷൻ സംവിധാനം ഉപയോഗിക്കാനാവില്ല.
ഫേഷ്യൽ റെക്കഗ്നിഷൻ കുറ്റവാളികളെ കണ്ടെത്താൻ പൊലീസിനെ സഹായിക്കുമെന്ന വാദം ശരിവയ്ക്കുമ്പോഴും സാധാരണ പൗരന്മാരുടെ സ്വകാര്യതയുടെ മേലുള്ള കടന്നുകയറ്റമാണ് അതെന്ന വാദം അംഗീകരിച്ചാണ് സിറ്റി കൗൺസിൽ ഒന്നിനെതിരെ 8 വോട്ടുകൾക്ക് നിരോധനം നിയമമാക്കിയത്.