കൊറോണ ഭീതി: എട്ടു കോടി പാവപ്പെട്ട വരിക്കാര്‍ക്ക് സഹായവുമായി എയര്‍ടെല്‍
Mail This Article
കോവിഡ്-19 പ്രതിസന്ധിയില്‍പ്പെട്ട താഴ്ന്ന വരുമാന വിഭാഗക്കാര്‍ക്ക് സഹായവുമായി ഇന്ത്യയിലെ ഏറ്റവും വലിയ സംയോജിത ടെലികമ്മ്യൂണിക്കേഷന്‍സ് കമ്പനി ഭാരതി എയര്‍ടെല്‍ (എയര്‍ടെല്‍). എല്ലാ എയര്‍ടെല്‍ പ്രീ-പെയ്ഡ് പാക്കിന്റെയും വാലിഡിറ്റി ഏപ്രില്‍ 17വരെ നീട്ടി. എട്ടു കോടി വരിക്കാര്‍ക്ക് ഇത് ഉപകാരപ്രദമാകും. അവരവരുടെ പ്ലാന്‍ കാലാവധി കഴിഞ്ഞാലും ഈ വരിക്കാര്‍ക്ക് തുടര്‍ന്നും ഇന്‍കമിങ് കോളുകള്‍ ലഭിക്കും.
ഈ എട്ടു കോടി പ്രീ-പെയ്ഡ് അക്കൗണ്ടുകള്‍ക്കും എയര്‍ടെല്‍ 10 രൂപയുടെ ടോക്ക് ടൈം അധികമായി നല്‍കും. വരിക്കാര്‍ക്ക് പ്രിയപ്പെട്ടവരെ അടിയന്തരമായി വിളിക്കാനും എസ്എംഎസ് അയക്കാനും വേണ്ടിയാണിത്. പരിപാടി നടപ്പിലായി കഴിഞ്ഞു. 48 മണിക്കൂറിനകം എല്ലാ വരിക്കാര്‍ക്കും ഈ നേട്ടങ്ങള്‍ ലഭ്യമാകും. എയര്‍ടെല്‍ നെറ്റ്‌വര്‍ക്കിന് കീഴില്‍ വരുന്ന പാര്‍ശ്വവല്‍ക്കരിക്കപ്പെട്ടവരുടെ ഉള്‍പ്പടെ എല്ലാ വീടുകളും ഈ എട്ടു കോടി വരിക്കാരില്‍ ഉള്‍പ്പെടും.
കോവിഡ്-19 പ്രതിരോധത്തിന്റെ ഭാഗമായി പ്രഖ്യാപിച്ച രാജ്യവാപക ലോക്ക്ഡൗണില്‍ കുടുങ്ങിപ്പോയ കുടിയേറ്റ തൊഴിലാളികള്‍ക്കും ദിവസ വേതന ജീവനക്കാര്‍ക്കും ഈ പ്രത്യേക നടപടികള്‍ ഗുണം ചെയ്യും. എയര്‍ടെല്‍ നെറ്റ്‌വര്‍ക്കിലുള്ള മറ്റ് വരിക്കാര്‍ ഓണ്‍ലൈന്‍ പ്ലാറ്റ്‌ഫോമിലൂടെ ഇതിനകം റീചാര്‍ജ് ചെയ്യുന്നുണ്ട്.
ഈ നടപടികളോടെ എയര്‍ടെല്‍ വരിക്കാര്‍ക്ക് പ്രാദേശിക അധികൃതരില്‍ നിന്നുള്ള നിര്‍ണായകമായി വിവരങ്ങള്‍ അറിയാനും അവര്‍ക്ക് ഇഷ്ടമുള്ളവരുമായി ബന്ധപ്പെടാനും സൗകര്യമാകും. തടസമില്ലാത്ത നെറ്റ്‌വര്‍ക്ക് 24 മണിക്കൂറും ഉറപ്പു നല്‍കുന്നതിനായി എയര്‍ടെല്‍ ടീം രംഗത്തുണ്ട്.
കോവിഡ്-19നെ പ്രതിരോധിക്കുന്ന ശ്രമകരമായ ഈ വേളയില്‍ ആളുകളെ തമ്മില്‍ ബന്ധിപ്പിക്കുന്നതില്‍ എയര്‍ടെല്‍ പ്രതിജ്ഞാബദ്ധമാണെന്നും പാര്‍ശ്വവല്‍ക്കരിക്കപ്പെട്ട ദിവസ വേദനക്കാരെ സംരക്ഷിക്കേണ്ടത് ഈ ഘട്ടത്തില്‍ നിര്‍ണായകമാണെന്നും ലോക്ക്ഡൗണ്‍ ഏറ്റവും കൂടുതല്‍ ബാധിച്ചിരിക്കുന്നത് ഇവരെയാണെന്നും ഭാരതി എയര്‍ടെല്‍ ചീഫ് മാര്‍ക്കറ്റിങ് ഓഫിസര്‍ ശാശ്വത് ശര്‍മ പറഞ്ഞു.
