sections
MORE

ദിവസം 2 ജിബി ഫ്രീ ഡേറ്റാ ഓഫറുമായി ജിയോ, സൗജന്യം തുടർച്ചയായി നാലാം മാസം

PTI12_1_2016_000342A
SHARE

കൊറോണവൈറസ് ഭീഷണിയെത്തുടർന്ന് രാജ്യത്ത് നടപ്പിലാക്കിയ നിയന്ത്രണങ്ങൾ ജനങ്ങളെ വീട്ടിൽ നിന്ന് ജോലി ചെയ്യാനും പഠിക്കാനും നിർബന്ധിതരാക്കിയിരിക്കുകയാണ്. നിലവിലെ സാഹചര്യങ്ങളെ മറികടക്കാൻ റിലയൻസ് ജിയോ ഉപഭോക്താക്കൾക്കായി നിരവധി പദ്ധതികളാണ് അവതരിപ്പിച്ചിരിക്കുന്നത്. ചില ഓഫറുകൾ വീട്ടിലിരിക്കുന്നവരെ സഹായിക്കാൻ കൂടി ലക്ഷ്യമിട്ടുള്ളതാണ്. ഇതിന്റെ ഭാഗമായി കമ്പനിയുടെ 4ജി പാക്കിൽ ഡേറ്റയും ജിയോ ഇതര കോളിങ് മിനിറ്റുകളും ഇരട്ടിയാക്കിയും ചിലർക്ക് സൗജന്യമായും നൽകുന്നുണ്ടെന്ന് ദേശീയ മാധ്യമങ്ങൾ റിപ്പോർട്ട് ചെയ്യുന്നു. തിരഞ്ഞെടുത്ത ഉപഭോക്താക്കൾക്ക് നാല് ദിവസത്തെ കാലാവധിയോടെ 2 ജിബി സൗജന്യ 4ജി ഡേറ്റ ജിയോ വാഗ്ദാനം ചെയ്യുന്നു. ജിയോ പ്രമോഷണൽ ഡേറ്റ പായ്ക്ക് വാഗ്ദാനം ചെയ്യുന്നത് തുടർച്ചയായ നാലാം മാസമാണിത്.

വീട്ടിലിരുന്ന് ജോലി ചെയ്യുന്നവർക്കായി ജിയോ പ്രതിദിനം 2 ജിബി ഡേറ്റ ഫ്രീയായി നൽകുന്നുണ്ടെന്നാണ്. ഉപയോക്താക്കളുടെ ഈ പരിധി (2ജിബി) അവസാനിപ്പിക്കുമ്പോൾ ഇന്റർനെറ്റ് വേഗം 64Kbps ആയി കുറയും. എന്നാൽ, ഈ പ്ലാൻ പ്രകാരം ഉപയോക്താക്കൾക്ക് വോയ്സ് കോൾ ആനുകൂല്യങ്ങളൊന്നും ലഭിക്കില്ല. ഏപ്രിൽ, മാർച്ച് മാസങ്ങളിൽ ചില ജിയോ ഉപയോക്താക്കൾക്ക് സമാനമായ ആനുകൂല്യങ്ങൾ നൽകുമെന്ന റഫറൻസുകളുണ്ടെങ്കിലും മെയ് മാസത്തിലാണ് അവസാനമായി ഇത്തരം ഓഫർ ലഭിച്ചത്. ജിയോയുടെ എല്ലാ ഉപഭോക്താക്കൾക്കും അധിക അതിവേഗ ഡേറ്റ നൽകുന്നില്ല. നിലവിലുള്ള ഡേറ്റാ പ്ലാനിനോടൊപ്പം ചിലർക്ക് മാത്രം അധിക 2 ജിബി അതിവേഗ-ദിവസ ഡേറ്റ ആക്സസ് ആഡ്-ഓൺ ഡേറ്റ പായ്ക്കായാണ് നൽകുന്നത്. ഇതിനർഥം ഉപയോക്താക്കൾക്ക് പ്ലാനിന്റെ ഡേറ്റാ അലോക്കേഷൻ മാത്രമല്ല 2 ജിബി ഹൈ സ്പീഡ് ഡേറ്റാ ആനുകൂല്യവും ലഭിക്കും.

അതായത് ഉപയോക്താക്കൾക്ക് നാലു ദിവസത്തേക്ക് അധിക ചെലവില്ലാതെ 8 ജിബി ഡേറ്റ ലഭിക്കും. കമ്പനി തന്നെ ഈ പ്ലാൻ‌ സ്വപ്രേരിതമായി അപ്‌ഡേറ്റ് ചെയ്യും. എന്നാൽ, ഉപയോക്താക്കൾക്ക് ഈ പ്ലാൻ‌ ആക്‌സസ് ചെയ്യാൻ‌ കഴിയുന്നില്ലെങ്കിൽ‌, പ്ലാൻ‌ ലഭ്യമാണോയെന്ന് പരിശോധിക്കുന്നതിന് മൈ ജിയോ ആപ്പ് സന്ദർശിച്ചാൽ മതി.

English Summary: Jio Brings Free 2GB High-Speed Data Back for Select Users

മൊബൈൽ, ലാപ്ടോപ് സർവീസ് സെന്ററുകളെക്കുറിച്ചറിയാൻ, തിരയാംwww.quickerala.com

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN TECHNOLOGY NEWS
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
FROM ONMANORAMA