വാട്സാപ് വിടുന്നവരുടെ എണ്ണം കൂടി, 72 മണിക്കൂറിൽ ടെലഗ്രാമിന് 2.5 കോടി ഡൗൺലോഡ്, 50 കോടി ഉപയോക്താക്കൾ
Mail This Article
വാട്സാപ്പിന്റെ പുതിയ സ്വകാര്യതാ നയം വരുന്നതിനു മുൻപെ മറ്റു വഴികൾ തേടുന്നവരുടെ എണ്ണം കുത്തനെ കൂടിയെന്ന് റിപ്പോർട്ട്. കഴിഞ്ഞ ദിവസങ്ങളിൽ പുതിയ ടെലഗ്രാം ഉപയോക്താക്കളുടെ വർധനവിന് കാരണം ഇതാണെന്നും റിപ്പോർട്ടുകളുണ്ട്. ടെലഗ്രാം 50 കോടിയിലധികം ഉപയോക്താക്കളെ സ്വന്തമാക്കി കഴിഞ്ഞു. കഴിഞ്ഞ 72 മണിക്കൂറിനുള്ളിൽ 2.5 കോടി പുതിയ ഉപയോക്താക്കൾ ടെലഗ്രാമിൽ ചേർന്നുവെന്ന് കമ്പനി സിഇഒ പവൽ ദുരോവ് പറഞ്ഞു. വാട്സാപ്പിന്റെ പുതിയ സ്വകാര്യതാ നയത്തിലുള്ള അവ്യക്തത കാരണം ഉപയോക്താക്കൾ സിഗ്നലിലേക്കും ടെലഗ്രാമിലേക്കും കുടിയേറുന്നത് കൂടിയിട്ടുണ്ട്.
ജനുവരി ആദ്യ വാരത്തിൽ തന്നെ ടെലഗ്രാം പ്രതിമാസം 50 കോടി സജീവ ഉപയോക്താക്കളെ നേടിയിരുന്നു. ഇതിനുശേഷം ഇത് വർധിച്ചുകൊണ്ടിരുന്നു. കഴിഞ്ഞ 72 മണിക്കൂറിനുള്ളിൽ മാത്രം 2.5 കോടി പുതിയ ഉപയോക്താക്കൾ ടെലിഗ്രാമിൽ ചേർന്നു. ഇതിൽ 38% ഏഷ്യയിൽ നിന്നും 27% യൂറോപ്പിൽ നിന്നും 21% ലാറ്റിൻ അമേരിക്കയിൽ നിന്നും 8% എംഇഎൻഎയിൽ നിന്നും വന്നു. കഴിഞ്ഞ വർഷത്തെ അപേക്ഷിച്ച് ഇത് ഗണ്യമായ വർധനവാണ്, ഓരോ ദിവസവും 1.5 ദശലക്ഷം പുതിയ ഉപയോക്താക്കൾ സൈൻ അപ്പ് ചെയ്യുന്നുണ്ടെന്നും ദുരോവ് തന്റെ ടെലിഗ്രാം ചാനലിലൂടെ പറഞ്ഞു.
വാട്സാപ് സ്വകാര്യതാ നയം അപ്ഡേറ്റുചെയ്തതിനുശേഷം ടെലഗ്രാം ഉപയോക്താക്കളുടെ വർധനവിന് സാക്ഷ്യം വഹിച്ചു. പുതിയ നയങ്ങൾ എന്താണ് അർഥമാക്കുന്നത് എന്നതിനെക്കുറിച്ച് വ്യക്തതയില്ലാതെ, ലോകമെമ്പാടുമുള്ള ഉപയോക്താക്കൾ വാട്സാപ് ഉപേക്ഷിച്ച് ഇതിനേക്കാൾ കൂടുതൽ സുരക്ഷിതമെന്ന് തോന്നുന്ന മറ്റ് സന്ദേശമയയ്ക്കൽ ആപ്ലിക്കേഷനുകളിലേക്ക് മാറുകയും ചെയ്തു.
English Summary: Telegram surpasses 500 million users after WhatsApp updates its privacy policy