ADVERTISEMENT

ഇന്ത്യയിലെ ഇന്റർനെറ്റ് വേഗം ഓരോ മാസവും താഴോട്ട് പോകുകയാണെന്ന് ഓക്‌ല റിപ്പോർട്ട്. മൊബൈൽ ഇന്റർനെറ്റ് വേഗത്തിന്റെ രാജ്യാന്തര കണക്കെടുത്താൽ ഇന്ത്യ ആദ്യ 100 രാജ്യങ്ങളുടെ പട്ടികയിൽ പോലുമില്ല. ലോകത്തെ ദരിദ്ര രാജ്യങ്ങളേക്കാൾ പിന്നിലാണ് ഇന്ത്യയുടെ സ്ഥാനം. 2021 ജനുവരിയിലെ റിപ്പോര്‍ട്ടിലും ഇന്റർനെറ്റ് വേഗത്തിൽ ഇന്ത്യയ്ക്ക് കാര്യമായ പുരോഗതിയില്ലെന്നാണ് ഓക്‌ല റിപ്പോർട്ട് വ്യക്തമാക്കുന്നത്.

ഇന്ത്യയിലെ ബ്രോഡ്‌ബാൻഡ് വേഗത്തിലും കാര്യമായ മാറ്റമില്ലെന്നാണ് ഓക്‌ലയുടെ സ്പീഡ്‌ടെസ്റ്റ് ഗ്ലോബൽ ഇൻഡെക്‌സ് പുറത്തുവിട്ട കണക്കുകൾ പറയുന്നത്. ബ്രോഡ്‌ബാൻഡ് വേഗത്തിൽ ഡിസംബറിലും ജനുവരിയിലും ഇന്ത്യ 65 ആം സ്ഥാനത്താണ്. ജനുവരിയിൽ ശരാശരി ബ്രോഡ്‌ബാൻഡ് ഡൗൺലോഡ് വേഗം 54.73 എംബിപിഎസ് ആണ്. കഴിഞ്ഞ വർഷം ഡിസംബറിൽ ഇത് 53.90 എംബിപിഎസ് ആയിരുന്നു. എന്നാൽ, മൊബൈൽ ഇന്റർനെറ്റ് വേഗത്തിൽ ഇന്ത്യ രണ്ടു സ്ഥാനം താഴോട്ട് പോയി 131 ലെത്തി.

2021 ജനുവരിയിലെ മൊബൈൽ ഇന്റർനെറ്റ് സ്പീഡ് റാങ്കിങ്ങിൽ യുഎഇയാണ് ഒന്നാമത്. മുൻ റാങ്കിങ്ങിൽ രണ്ടാം സ്ഥാനത്തായിരുന്ന യുഎഇ ഒന്നാം സ്ഥാനത്തേക്ക് മുന്നേറുകയായിരുന്നു. യുഎഇയിലെ ശരാശരി ഡൗൺ‌ലോഡ് വേഗം 183.03 എംബിപിഎസും ശരാശരി അപ്‌ലോഡ് വേഗം 29.50 എംബിപിഎസും ആണ്.

ജനുവരിയിലെ ഏറ്റവും പുതിയ കണക്കുകള്‍ പ്രകാരം മൊബൈൽ ഇന്റര്‍നെറ്റ് വേഗത്തില്‍ ഇന്ത്യ 131–ാം സ്ഥാനത്താണ്. കഴിഞ്ഞ വർഷം ഈ സമയത്ത് ഇന്ത്യ 109-ാം സ്ഥാനത്തായിരുന്നു എന്നും കൂടി ഓർക്കണം. ജനുവരി അവസാനത്തിലെ കണക്കുകൾ പ്രകാരം ലോകത്തെ ശരാശരി മൊബൈൽ ഇന്റർനെറ്റ് വേഗം ഡൗൺലോഡ് 46.74 എംബിപിഎസും അപ്‌ലോഡ് 12.49 എംബിപിഎസുമാണ്. ഫിക്സഡ് ബ്രോഡ്ബാൻഡ് വേഗം ഡൗൺലോഡ് 96.98 എംബിപിഎസും അപ്‌ലോഡ് 51.29 എംബിപിഎസുമാണ്.

131–ാം സ്ഥാനത്തുള്ള ഇന്ത്യയിലെ മൊബൈൽ ഇന്റർനെറ്റ് വേഗം ഡൗൺലോഡ് 12.41 എംബിപിഎസും അപ്‌ലോഡ് കേവലം 4.76 എംബിപിഎസുമാണ്. എന്നാൽ വികസനത്തിന്റെ കാര്യത്തിൽ ഏറെ പിന്നിലുള്ള പല രാജ്യങ്ങളും പട്ടികയിൽ ഇന്ത്യയേക്കാൾ മുന്നിലാണ്. ഇറാൻ, ഇറാക്ക്, പാക്കിസ്ഥാൻ തുടങ്ങി രാജ്യങ്ങളെല്ലാം ഇന്ത്യയ്ക്ക് മുന്നിലാണ്. പാക്കിസ്ഥാനിലെ ശരാശരി ഇന്റർനെറ്റ് വേഗം ഡൗൺലോഡ് 17.95 എംബിപിഎസും അപ്‌ലോഡ് 11.16 എംബിപിഎസുമാണ്. എന്നാൽ, പാക്കിസ്ഥാൻ ജനുവരി റിപ്പോർട്ടിൽ നാലു സ്ഥാനം താഴോട്ടു പോയി.

 

ട്രായിയുടെ കണക്കുകൾ പ്രകാരം ഇന്ത്യയിൽ ജിയോ നെറ്റ്‌വർക്ക് മാത്രമാണ് 20 എംബിപിഎസിനു മുകളിൽ വേഗം നൽകുന്നത്. എന്നാൽ മറ്റു ടെലികോം കമ്പനികളെല്ലാം 10 എംബിപിഎസിന് താഴെയാണ് വേഗം. ഏറ്റവും കൂടുതൽ പേര്‍ ഇന്റർനെറ്റ് ഉപയോഗിക്കുന്ന ചൈന പട്ടികയിൽ 4–ാം സ്ഥാനത്താണ്. നവംബറിൽ ചൈന 50–ാം സ്ഥാനത്തായിരുന്നു.

 

English Summary: India's position on the Internet lags behind China, Iran

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
അവശ്യസേവനങ്ങൾ കണ്ടെത്താനും ഹോം ഡെലിവറി  ലഭിക്കാനും സന്ദർശിക്കു www.quickerala.com