പോക്കറ്റിലൊതുങ്ങുന്ന വിലയിൽ ഒരു കിടിലൻ ലാപ്ടോപ്; ഇന്ത്യയിലെ ആദ്യ 'ലേണിങ് ബുക്', വില 16,499 രൂപ: വിഡിയോ

പോക്കറ്റിലൊതുങ്ങുന്ന വിലയിൽ 4 ജി കണക്ടിവിറ്റിയും 11.6 ഇഞ്ച് സ്ക്രീനുമായി റിലയൻസ് റീട്ടെയിലിന്റെ  ജിയോബുക് വിപണിയിലേക്കെത്തുന്നു. നൂതന ജിയോ ഓഎസ്, സ്റ്റൈലിഷ് ഡിസൈൻ, ഇന്റർനെറ്റ് കണക്റ്റിവിറ്റി എന്നീ  സവിശേഷതകളുണ്ടായിരിക്കും.ആഗസ്റ്റ് 5 മുതൽ വിപണിയിൽ ലഭ്യമാകും; റിലയൻസ് ഡിജിറ്റൽ ഓൺലൈൻ, ഓഫ്‌ലൈൻ സ്റ്റോറുകളിൽ നിന്നും ആമസോണിലൂടെയും വാങ്ങാം. വില 16,499 രൂപ. വിഡിയോ കാണാം.

മാറ്റ് ഫിനിഷ്, അൾട്രാ സ്ലിം ബിൽറ്റ്, ലൈറ്റ് വെയ്റ്റ് (990ഗ്രാം) എന്നിങ്ങനെയുള്ള ഡിസൈനിലാണ്  ജിയോബുക്ക്  ഒരുക്കിയിരിക്കുന്നത്. 2.0 GHz ഒക്ടാ കോർ പ്രോസസർ, 4 GB LPDDR4 റാം, 64GB സ്റ്റോറേജ് (SD കാർഡ് ഉപയോഗിച്ച് 256GB വരെ വികസിപ്പിക്കാം) , ഇൻഫിനിറ്റി കീബോർഡ്, വലിയ മൾട്ടി-ജെസ്റ്റർ ട്രാക്ക്പാഡ്, ഇൻ-ബിൽറ്റ് USB/HDMI പോർട്ടുകൾ എന്നിവയുണ്ടായിരിക്കും.

വിദ്യാർത്ഥികൾക്ക് ഓൺലൈൻ ക്ലാസുകളിൽ പങ്കെടുക്കാനും കോഡിങ്ങ് പഠിക്കാനുമെല്ലാം അനുയോജ്യമാണെന്നു കമ്പനി പറയുന്നു. എല്ലാ പ്രായത്തിലുമുള്ള പഠിതാക്കൾക്ക് പുതിയ ടെക്നോളജിയും  തടസമില്ലാത്ത കണക്റ്റിവിറ്റി ഓപ്ഷനുകളും നൽകുന്നതിനാൽ ജിയോബുക് വിപ്ലവം സൃഷ്ടിക്കുമെന്ന് വിശ്വസിക്കുന്നുവെന്നു റിലയൻസ് റീട്ടെയിൽ വക്താവ് പറഞ്ഞു

ജിയോബുക്കിന്റെ ഹാർഡ്‌വെയർ സവിശേഷതകൾ:

∙കട്ടിംഗ് എഡ്ജ് ഓപ്പറേറ്റിംഗ് സിസ്റ്റം - ജിയോ ഒ എസ് 

∙4G, ഡ്യുവൽ-ബാൻഡ് വൈഫൈ കണക്റ്റിവിറ്റി

∙അൾട്രാ സ്ലിം, സൂപ്പർ ലൈറ്റ് (990ഗ്രാം), മോഡേൺ  ഡിസൈൻ

∙സുഗമമായ മൾട്ടി ടാസ്കിംഗിനായി ശക്തമായ ഒക്ടാ-കോർ ചിപ്സെറ്റ്

∙11.6” (29.46CM) ആന്റി-ഗ്ലെയർ HD ഡിസ്‌പ്ലേ

∙ഇൻഫിനിറ്റി കീബോർഡും വലിയ മൾട്ടി-ജെസ്റ്റർ ട്രാക്ക്പാഡും

∙USB, HDMI, ഓഡിയോ തുടങ്ങിയ ഇൻബിൽറ്റ് പോർട്ടുകൾ