ത്രെഡ്സ് തുടങ്ങിയപ്പോൾ പറഞ്ഞ ഒരു പ്രധാനപ്രശ്നം ഇൻസ്റ്റാഗ്രാം അക്കൗണ്ട് കളയാതെ ത്രെഡ്സ് അക്കൗണ്ട് ഇല്ലാതാക്കാനാകില്ലെന്നതായിരുന്നു. എന്നാൽ ആ ആശങ്ക ഇനി വേണ്ട. ഉപയോക്താക്കൾക്ക് അവരുടെ ഇൻസ്റ്റാഗ്രാം പ്രൊഫൈൽ ഇല്ലാതാക്കാതെ തന്നെ ത്രെഡുകളിലെ അക്കൗണ്ട് ഇല്ലാതാക്കാൻ കഴിയും.

ഇൻസ്റ്റാഗ്രാം തലവൻ ആദം മൊസേരിയാണ് ഇതു സംബന്ധിച്ച അപ്ഡേറ്റ് പങ്കുവച്ചത്. കൂടുതൽ നിയന്ത്രണം വേണമെന്ന ഫീഡ്ബാകുകളുടെ അടിസ്ഥാനത്തിലാണ് ത്രെഡുകൾ ഇത്തരത്തിൽ ഇൻസ്റ്റാഗ്രാമിലും ഫെയ്സ്ബുകിലും പ്രത്യക്ഷപ്പെടുന്നതും ഒഴിവാക്കുന്നതുമായ സംവിധാനം അവതരിപ്പിക്കുന്നതെന്നു മൊസേരി പറയുന്നു.

ത്രെഡ്സ് പ്രൊഫൈൽ ഇല്ലാതാക്കാൻ

ഫോണിൽ ആപ്പ് തുറന്ന് താഴെ വലതുവശത്തുള്ള പ്രൊഫൈൽ ബട്ടണിൽ ടാപ്പുചെയ്‌തശേഷം സ്‌ക്രീനിന്റെ മുകളിൽ വലതുവശത്ത് ദൃശ്യമാകുന്ന ബട്ടണിൽ ക്ലിക്കുചെയ്‌ത് അപ്ലിക്കേഷൻ ക്രമീകരണങ്ങളിലേക്ക് പോകുക.

'ഡിലീറ്റ് ചെയ്യുക അല്ലെങ്കിൽ പ്രൊഫൈൽ നിർജ്ജീവമാക്കുക' എന്ന പുതിയ ഓപ്ഷൻകാണും . 'ഡിആക്ടിവേറ്റ് പ്രൊഫൈൽ' ഓപ്ഷൻ നിങ്ങൾ പ്ലാറ്റ്‌ഫോമിൽ പോസ്റ്റ് ചെയ്തതെല്ലാം ആർക്കൈവ് ചെയ്യുമെങ്കിലും, 'ഡിലീറ്റ്' ഓപ്ഷൻ ലിങ്ക് ചെയ്‌ത ഇൻസ്റ്റാഗ്രാം അക്കൗണ്ടിനെ ബാധിക്കാതെ ത്രെഡ്സ് അക്കൗണ്ട് ഇല്ലാതാക്കാനാകും.

ത്രെഡുകൾക്ക് ഇപ്പോൾ 100 ദശലക്ഷത്തിലധികം പ്രതിമാസ സജീവ ഉപയോക്താക്കളുണ്ടെന്നും  അടുത്ത രണ്ട് വർഷത്തിനുള്ളിൽ ആപ്പ് 1 ബില്യൺ ഉപയോക്താക്കളിലേക്ക് എത്താൻ നല്ല സാധ്യതയുണ്ടെന്നുമാണ് മെറ്റ സിഇഒ സക്കർബർഗ് പറയുന്നത്.