എക്സ് പ്രവർത്തനരഹിതമായി; സാങ്കേതിക തകരാറല്ല, വമ്പൻ സൈബർ ആക്രമണമെന്ന് മസ്ക്

സോഷ്യൽ മീഡിയ പ്ലാറ്റ്‌ഫോമായ എക്‌സിനെതിരെ വൻ സൈബർ ആക്രമണം നടന്നതായി ഇലോൺ മസ്‌ക് അവകാശപ്പെട്ടു.എക്സിന്റെ പ്രവർത്തനമാകെ ചൊവ്വാഴ്ച തടസപ്പെട്ടു.  നിരവധി ഉപയോക്താക്കൾക്ക് ടൈംലൈൻ അപ്ഡേറ്റായില്ല, ദിവസം മുഴുവൻ ലോകത്തിന്റെ പല ഭാഗങ്ങളിലും ഈ പ്രശ്നമുണ്ടായെന്നാണ് റിപ്പോർട്ട്.

ആപ്പും വെബ്‌സൈറ്റും ശരിയായി പ്രവർത്തിക്കുന്നില്ലെന്നും പോസ്റ്റ് ചെയ്യാൻ കഴിയുന്നില്ലെന്നും ലോകമെമ്പാടുമുള്ള ഉപയോക്താക്കൾ റിപ്പോർട്ട് ചെയ്തു.

വലിയ സംഘടിതമായ ഗ്രൂപ്പോ അല്ലെങ്കിൽ ഒരു രാഷ്ട്രമോ ഇതിൽ ഉൾപ്പെട്ടിരിക്കാമെന്ന് മസ്കിന്റെ പ്രതികരണങ്ങൾ സൂചിപ്പിക്കുന്നു. അന്വേഷണം നടക്കുകയാണെന്നും മസ്ക് പറയുന്നു, പ്ലാറ്റ്‌ഫോമിന്റെ  സുരക്ഷയെക്കുറിച്ച് ഈ സംഭവം ആശങ്കകൾ ഉയർത്തിയിട്ടുണ്ട്.