ചരിത്രത്തിൽ ഇന്ന്
Mail This Article
1986
എഡ്മണ്ട് ഹിലറിയോടൊപ്പം എവറസ്റ്റ് കീഴടക്കിയ ആദ്യ മനുഷ്യൻ ടെൻസിങ് നോർഗെ ഡാർജിലിങ്ങിൽ അന്തരിച്ചു
∙ നേപ്പാളിലെ ഖുംബു പ്രദേശത്തു സാധാരണ
ഷെർപ കുടുംബത്തിൽ 1914 ൽ ജനിച്ച
നാംഗ്യാൽ വാങ്ദിയാണു
ടെൻസിങ് നോർഗെയായത്.
അദ്ദേഹത്തിന്റെ പേരിൽ നേപ്പാളിൽ കൊടുമുടിയും
വിമാനത്താവളവുമുണ്ട്.
∙ 1935 മേയ് 21ന് എറിക് ഷിപ്ടന്റെ
കൂടെയായിരുന്നു ടെൻസിങ്ങിന്റെ
ആദ്യ എവറസ്റ്റ് ദൗത്യം. തുടർന്നു ജോൺ മോറിസ്, ഏൾ ഡെൻമാൻ തുടങ്ങിയവരോടൊപ്പം
നടത്തിയ ദൗത്യങ്ങളും പരാജയമായിരുന്നു.
∙ 1953 മേയ് 29 രാവിലെ 11.30നാണ്
ഹിലറിയോടൊപ്പം എവറസ്റ്റ് കീഴടക്കിയത്.
തന്റെ ജീവിതത്തിലെ ഏറ്റവും മഹത്തായ
കാര്യം നടന്ന മേയ് 29 ജന്മദിനമായി
ആഘോഷിക്കാൻ ടെൻസിങ് തീരുമാനിച്ചു.
∙∙∙∙∙∙
∙മഹാത്മാഗാന്ധിയുടെ രാഷ്ട്രീയ ഗുരു
ഗോപാലകൃഷണ ഗോഖലെ മഹാരാഷ്ട്രയിലെ രത്നഗിരിയിൽ ജനിച്ചു (1866). ‘സർവന്റ്സ് ഓഫ്
ഇന്ത്യ സൊസൈറ്റി’യുടെ സ്ഥാപകനാണ്.
∙∙∙∙∙∙
∙മസച്യുസെറ്റ്സ് ഇൻസ്റ്റിറ്റ്യൂട്ട് ഓഫ്
ടെക്നോളജിയിലെ (MIT) ശാസ്ത്രജ്ഞർ
വിജയകരമായി ആദ്യം ചന്ദ്രനിലേക്കു
ലേസർ ബീം അയച്ചു (1962).
ഇതിലൂടെ ഭൂമിയും ചന്ദ്രനും തമ്മിലുള്ള
ദൂരം കൃത്യമായി കണക്കാക്കാൻ സാധിച്ചു.
∙∙∙∙∙∙
∙‘ഗസലുകളുടെ രാജാവ്’ എന്നു
വിശേഷിപ്പിക്കപ്പെട്ട തലത് മഹമൂദ്
അന്തരിച്ചു (1998). 12 ഇന്ത്യൻ ഭാഷകളിലായി
750 ഗാനങ്ങൾ ആലപിച്ചു. മലയാളത്തിൽ ‘ദ്വീപ്’ എന്ന ചിത്രത്തിലെ ‘കടലേ നീലക്കടലേ...’
എന്ന ഗാനം പാടിയതു ഇദ്ദേഹമാണ്.