റിസർവ് ബാങ്ക് ഓഫ് ഇന്ത്യയിൽ ഓഫിസർ തസ്‌തികയിൽ 291 ഒഴിവ്. ജൂൺ 9 വരെ ഓൺലൈനായി അപേക്ഷിക്കാം.

തസ്‌തികയും ഒഴിവും:

∙ഓഫിസർ ഗ്രേഡ് ബി–ജനറൽ: 222 (ജനറൽ–109, ഒബിസി–49, ഇഡബ്ല്യുഎസ്–22, എസ്‌സി–25, എസ്ടി–17)

∙ഓഫിസർ ഗ്രേഡ് ബി–ഡിപ്പാർട്മെന്റ് ഓഫ് ഇക്കണോമിക്സ് ആൻഡ് പോളിസി റിസർച്: 38 (ജനറൽ–14, ഒബിസി–11, ഇഡബ്ല്യുഎസ്–3, എസ്‌സി–4, എസ്ടി–6)

∙ഓഫിസർ ഗ്രേഡ് ബി–ഡിപ്പാർട്മെന്റ് ഓഫ് സ്റ്റാറ്റിസ്റ്റിക്സ് ആൻഡ് ഇൻഫർമേഷൻ മാനേജ്മെന്റ്: 31 (ജനറൽ–9, ഒബിസി–6, ഇഡബ്ല്യുഎസ്–3, എസ്‌സി–8, എസ്ടി–5)

ശമ്പളം: 55,200 –99,750

∙യോഗ്യത: ഓഫിസർ ഗ്രേഡ് ബി–ജനറൽ: 60% മാർക്കോടെ (പട്ടികവിഭാഗത്തിനും ഭിന്നശേഷിക്കാർക്കും 50%) ബിരുദം/തത്തുല്യം. അല്ലെങ്കിൽ 55% മാർക്കോടെ (പട്ടികവിഭാഗത്തിനും ഭിന്നശേഷിക്കാർക്കും പാസ് മാർക്ക്)  പിജി ബിരുദം/തത്തുല്യം. മറ്റു തസ്തികകളിൽ, ബന്ധപ്പെട്ട വിഭാഗങ്ങളിലെ പിജി ബിരുദം, അനുബന്ധ യോഗ്യതകളുള്ളവർക്കാണ് അവസരം.

∙പ്രായം: 2023 മേയ് ഒന്നിന് 21–30. ഒബിസിക്കു മൂന്നും പട്ടികവിഭാഗത്തിന് അഞ്ചും വർഷം ഇളവ്. മറ്റ് ഇളവുകൾക്കു വിജ്ഞാപനം കാണുക.

∙തിരഞ്ഞെടുപ്പ്: എഴുത്തുപരീക്ഷ (രണ്ടു ഘട്ടം), ഇന്റർവ്യൂ എന്നിവയുടെ അടിസ്ഥാനത്തിൽ. ഓഫിസർ–ജനറൽ പ്രിലിമിനറി ഓൺലൈൻ പരീക്ഷ ജൂലൈ 9നും മറ്റുള്ളവ പരീക്ഷ ജൂലൈ 16 നും നടത്തും.കണ്ണൂർ, കൊച്ചി, ആലപ്പുഴ, കോട്ടയം, കോഴിക്കോട്, മലപ്പുറം, തൃശൂർ, പാലക്കാട്, തിരുവനന്തപുരം, കൊല്ലം എന്നിവിടങ്ങളിൽ ഓഫിസർ ഗ്രേഡ് ബി–ജനറൽ പ്രിലിമിനറി പരീക്ഷാകേന്ദ്രമുണ്ട്.

മറ്റു തസ്തികകളുടെ പ്രിലിമിനറി പരീക്ഷയ്ക്കുകൊച്ചിയും തിരുവനന്തപുരവും കേന്ദ്രങ്ങളാണ്. ആദ്യഘട്ട പരീക്ഷ ജയിക്കുന്നവർക്ക് ഒബ്ജെക്ടീവ് ആൻഡ് ഡിസ്‌ക്രിപ്‌റ്റീവ് പരീക്ഷ നടത്തും.

∙അപേക്ഷാ ഫീസ്: ജനറൽ, ഒബിസി വിഭാഗത്തിന് ഓഫിസർ ഗ്രേഡ് ബി തസ്തികകളിലേക്ക് 850 രൂപ. പട്ടികവിഭാഗം/ഭിന്നശേഷിക്കാർക്ക് 100 രൂപ.

ആർബിഐ ജീവനക്കാർക്കു ഫീസ് വേണ്ട. ഫീസ് ഓൺലൈനായി അടയ്ക്കണം. www.rbi.org.in