latest vacancies

റബർ ബോർഡിൽ 40 ഒഴിവിൽ നിയമനം; ബിരുദ/പിജി യോഗ്യതക്കാർക്ക് അപേക്ഷിക്കാം

കോട്ടയത്തെ റബർ ബോർഡ്, ഫീൽഡ് ഒാഫിസറുടെ 40 ഒഴിവിൽ അപേക്ഷ ക്ഷണിച്ചു. നേരിട്ടുള്ള നിയമനം. ഇന്ത്യയിൽ എവിടെയും നിയമനം ലഭിക്കാം. മാർച്ച് 10 വരെ ഒാൺലൈനായി അപേക്ഷിക്കാം.

∙ യോഗ്യത: അഗ്രികൾചർ ബിരുദം/ ബോട്ടണിയിൽ പിജി ബിരുദം.

∙ പ്രായപരിധി: 30.

∙ ശമ്പളം: 9300-34,800. ഗ്രേഡ് പേ: 4200.

∙ ഫീസ്: 1000 രൂപ. പട്ടികവിഭാഗക്കാർക്കും സ്ത്രീകൾക്കും ഫീസില്ല. ഒാൺലൈനായി അടയ്ക്കണം.

∙ പരീക്ഷാകേന്ദ്രം: കേരളത്തിൽ തിരുവനന്തപുരം, കോട്ടയം, തൃശൂർ, കണ്ണൂർ എന്നിവിടങ്ങളിൽ.

∙ അപേക്ഷിക്കേണ്ട വിധം: www.recruitments.rubberboard.org.in എന്ന വെബ്സൈറ്റിൽ ഇ–മെയിൽ അഡ്രസ്സും പാസ്‌വേഡും നൽകി ഒാൺലൈൻ റജിസ്ട്രേഷൻ നടത്തണം. തുടർന്ന് യോഗ്യത തെളിയിക്കുന്ന സർട്ടിഫിക്കറ്റുകളുടെ സ്വയം സാക്ഷ്യപ്പെടുത്തിയ പകർപ്പുകളും ഒാൺലൈൻ അപേക്ഷയോടൊപ്പം അപ്‌ലോഡ് ചെയ്യണം. വിശദ വിജ്ഞാപനം www.rubberboard.org.in എന്ന വെബ്സൈറ്റിൽ പ്രസിദ്ധീകരിക്കും.

എൻജിനീയർ ട്രെയിനി

കോട്ടയം റബർ ബോർഡിലെ എൻജിനീയറിങ് ആൻഡ് പ്രോസസിങ് ഡിവിഷനിൽ ഗ്രാജ്വേറ്റ് എൻജിനീയർ ട്രെയിനി അവസരം. സിവിൽ, ഇലക്ട്രിക്കൽ വിഭാഗങ്ങളിൽ ഒാരോ ഒഴിവു വീതം. 11 മാസ നിയമനം. ഇന്റർവ്യൂ ഫെബ്രുവരി 19 ന്.

∙ യോഗ്യത: ബിടെക് സിവിൽ/ ഇലക്ട്രിക്കൽ എൻജിനീയറിങ്, സമാന മേഖലയിൽ ഒരു വർഷ പരിചയം.

∙ പ്രായപരിധി: 27.

∙ സ്റ്റൈപൻഡ്: 20,000.

www.rubberboard.org.in

ലേറ്റസ്റ്റ് കരിയർ, ജോബ് അപ്ഡേറ്റുകൾ വാട്സാപ്പിൽ ലഭിക്കാൻ...

(http://whatsapp.com/channel/0029Vagapv69RZANx6yFbt2Y) ഫോളോ ചെയ്യൂ..