വ്യവസായ പരിശീലന വകുപ്പിൽ ജൂനിയർ ഇൻസ്ട്രക്ടർ: പകുതിയിലേറെ അപേക്ഷ അസാധു

വ്യവസായ പരിശീലന വകുപ്പിൽ ജൂനിയർ ഇൻസ്ട്രക്ടർ തസ്തികയിൽ അസാധുവായത് 57,911 അപേക്ഷകൾ.

2025 ജനുവരി 9 മുതൽ 30 വരെ 12 വിഷയങ്ങളിൽ നടക്കുന്ന പരീക്ഷയ്ക്ക് 99,564 പേർ അപേക്ഷ നൽകിയിരുന്നു. ഇതിൽ 41,653 പേരാണു കൺഫർമേഷൻ നൽകിയത്. ഡിസംബർ 26 മുതൽ വിവിധ തീയതികളിൽ ഹാൾ ടിക്കറ്റ് ഡൗൺലോഡ് ചെയ്യാം.

ഫുഡ് സേഫ്റ്റി ഒാഫിസർ: 9944 അപേക്ഷ അസാധു

ഭക്ഷ്യസുരക്ഷാ വകുപ്പിൽ ഫുഡ് സേഫ്റ്റി ഒാഫിസർ തസ്തികയിൽ 9,944 അപേക്ഷ അസാധുവായി. 36,650 പേരാണ് അപേക്ഷ നൽകിയിരുന്നത്. ഇതിൽ 26,706 പേർ കൺഫർമേഷൻ നൽകി. ജനുവരി 18നാണു പരീക്ഷ. കൺഫർമേഷൻ നൽകിയവർക്ക് ജനുവരി 4 മുതൽ ഹാൾ ടിക്കറ്റ് ഡൗൺലോഡ് ചെയ്യാം.