Activate your premium subscription today
അഹമ്മദാബാദ് വിമാനത്താവളത്തിനടുത്തുള്ള ബിജെ മെഡിക്കൽ കോളജിനു സമീപത്തെ മൈതാനത്തിലാണ് പൈലറ്റ് ക്രാഷ് ലാൻഡിങ്ങിനു ശ്രമിച്ചത്. എന്നാൽ വിമാനം ഇടിച്ചിറങ്ങിയത് മൈതാനത്തിനടുത്തുള്ള ഹോസ്റ്റൽ കെട്ടിടത്തിലാണ്. അപകടസ്ഥലം സന്ദർശിച്ച കേണൽ ശശികുമാർ മേനോൻ അതിന്റെ കാരണം വിശദീകരിക്കുന്നു. ‘‘കോളജിലെ ഗ്രൗണ്ടിൽ ഇത്രയും വലിയ വിമാനത്തിനു ക്രാഷ് ലാൻഡ് ചെയ്യാൻ സാധിക്കില്ല. ഒരു ഹെലികോപ്ടറിന് ഇറങ്ങാനുള്ള സ്ഥലമേ ആ മൈതാനത്തുള്ളൂ. പിന്നെ അവസാന ശ്രമമെന്ന നിലയിലാവും പൈലറ്റ് ആ ഗ്രൗണ്ട് തിര‍ഞ്ഞെടുത്തിരിക്കുക. റൺവേയിൽനിന്നുയർ‌ന്ന് അധിക ദൂരം പോകുന്നതിനു മുൻപ് വിമാനം ക്രാഷ് ആയി. ചക്രം അകത്തേക്കു വലിച്ചിരുന്നില്ല. ടേക്ക് ഓഫ് കഴിഞ്ഞ ഉടൻ ചക്രം ഉള്ളിലേക്ക് വലിക്കേണ്ടിയിരുന്നു. അതിൽ പൈലറ്റ് കാലതാമസം വരുത്തിയിട്ടുണ്ട്.
ന്യൂഡൽഹി∙ അഹമ്മദാബാദിൽ എയർ ഇന്ത്യ വിമാനം തകർന്ന് 270 ആളുകൾ മരിക്കാനിടയായ അപകടം ഉണ്ടായത് വിമാനത്തിന്റെ രണ്ട് എൻജിനുകളും പ്രവർത്തനരഹിതം ആയതിനാലാണെന്ന നിഗമനവുമായി വ്യോമയാന വിദഗ്ധൻ ക്യാപ്റ്റൻ സ്റ്റീവ്. റാം എയർ ടർബൈൻ (റാറ്റ്) വിമാനത്തിന് പുറത്തേക്കു വന്നത് ഇതാണ് തെളിയിക്കുന്നതെന്നും അദ്ദേഹം യുട്യൂബ് വിഡിയോയിൽ പറഞ്ഞു. എല്ലാ വൈദ്യുതി സ്രോതസുകളും പ്രവർത്തനരഹിതമാകുമ്പോഴാണ് വിമാനത്തിന്റെ അടിയിൽനിന്ന് റാറ്റ് തനിയെ പുറത്തു വരുന്നത്. റാറ്റ് പ്രവർത്തിച്ചു തുടങ്ങണമെങ്കിൽ ജനറേറ്ററും എപിയുവും (ആക്സിലറി പവർ യൂണിറ്റ്) ബാറ്ററികളും തകരാറിലാകണം. വൈദ്യുതി നിലയ്ക്കാൻ എൻജിൻ തകരാറിലാകണമെന്നില്ല.
ബാങ്കോക്ക് (തായ്‌ലൻഡ്) ∙ എയർ ഇന്ത്യയുടെ ബോയിങ് 787–8 ഡ്രീംലൈനർ വിമാനാപകടത്തെക്കുറിച്ചുള്ള വാർത്ത വായിക്കുമ്പോൾ തായ്‌ലൻഡിലെ നടനും ഗായകനുമായ റുവാങ്സോക് ജയിംസ് ലോയ്ചുസകിന്റെ കണ്ണുകൾ ഒരു സീറ്റ് നമ്പറിൽ തട്ടിനിന്നു–11എ.
അഹമ്മദാബാദ് ∙ എയർ ഇന്ത്യ വിമാനാപകടം നടന്നു രണ്ടുദിവസം കഴിഞ്ഞിട്ടും മരണസംഖ്യയിൽ വ്യക്തതയില്ല. 265 പേർ മരിച്ചുവെന്നാണു നേരത്തെ അധികൃതർ അനൗദ്യോഗികമായി പറഞ്ഞിരുന്നത്. എന്നാൽ സിവിൽ ആശുപത്രിയിൽ 270 പേരുടെ മൃതദേഹങ്ങൾ ലഭിച്ചുവെന്നു ബി.ജെ മെഡിക്കൽ കോളജ് ജൂനിയർ ഡോക്ടേഴ്സ് അസോസിയേഷൻ പ്രസിഡന്റ് ഡോ. ധവാൽ ഗമേതി പറഞ്ഞു.
ന്യൂഡൽഹി ∙ വിമാനാപകടവുമായി ബന്ധപ്പെട്ട് പ്രചരിക്കുന്ന എല്ലാ വിവരങ്ങളും അന്വേഷിക്കുമെന്ന് അറിയിച്ചെങ്കിലും മാധ്യമപ്രവർത്തകരുടെ ഒരു ചോദ്യത്തിനു പോലും മറുപടി നൽകാതെ കേന്ദ്ര വ്യോമയാന മന്ത്രി കെ.റാം മോഹൻ നായിഡു മടങ്ങി. ഉചിതമായ സമയത്ത് ഉത്തരം നൽകാമെന്ന് മാത്രമായിരുന്നു പ്രതികരണം.
അഹമ്മദാബാദ് ∙ ഐടി ജീവനക്കാരായ അഷ്ദീപ് സിങ് ബംഗ, സംഗീത സംവിധായകനായ മഹേഷ് കൽവാഡിയ, വിമാനം തകർന്നു വീണ ഹോസ്റ്റൽ മെസ്സിലെ ജീവനക്കാരി സരള, ഇവരുടെ കൊച്ചുമകൾ തുടങ്ങി പലരെയും കാണാതായിട്ടുണ്ട്. മരണസംഖ്യ ഉയർന്നേക്കുമെന്ന സംശയമുയരാൻ പ്രധാന കാരണവും ഇതു തന്നെ.
വാഷിങ്ടൻ∙ അഹമ്മദാബാദ് വിമാനദുരന്തത്തിനു പിന്നാലെ ബോയിങ് 787 ഡ്രീംലൈനർ വിമാനത്തിന്റെ പോരായ്മകളും സുരക്ഷാ വീഴ്ചയും ചൂണ്ടിക്കാട്ടിയ കമ്പനിയിലെ മുൻ ഉദ്യോഗസ്ഥന്റെ കണ്ടെത്തലുകൾ വീണ്ടും ചർച്ചയാകുന്നു. ബോയിങിലെ മുൻ ക്വാളിറ്റി കൺട്രോൾ മാനേജറായ ജോൺ ബാർനെറ്റിന്റെ കണ്ടെത്തലുകളാണ് വീണ്ടും ചർച്ചയാകുന്നത്. ജോൺ ബാർനെറ്റ് കഴിഞ്ഞ വർഷം ദുരൂഹസാഹചര്യത്തിൽ മരിച്ചിരുന്നു.
അഹമ്മദാബാദ്∙ വിമാനദുരന്തത്തിൽ മരിച്ചവരുടെ കുടുംബാംഗങ്ങൾക്ക് 25 ലക്ഷം രൂപ വീതം നഷ്ടപരിഹാരം പ്രഖ്യാപിച്ച് എയർ ഇന്ത്യ. നേരത്തെ ടാറ്റ സൺസ് പ്രഖ്യാപിച്ച ഒരു കോടി രൂപയുടെ സഹായത്തിനു പുറമേയാണ് എയർ ഇന്ത്യ കൂടി 25 ലക്ഷം രൂപയുടെ നഷ്ടപരിഹാരം പ്രഖ്യാപിച്ചിരിക്കുന്നത്. വിമാനദുരന്തത്തിൽ 274 പേരുടെ മരണമാണ് ഇതുവരെ സ്ഥിരീകരിച്ചിരിക്കുന്നത്. ഇതിൽ 241 പേർ വിമാനത്തിൽ ഉണ്ടായിരുന്നവരാണ്. ദുരന്തത്തിൽനിന്ന് അതിജീവിച്ച വിശ്വാസ് കുമാറിനും എയർ ഇന്ത്യ 25 ലക്ഷം രൂപ നഷ്ടപരിഹാരം നൽകും.
ന്യൂഡൽഹി∙ അഹമ്മദാബാദ് വിമാനദുരന്തത്തിൽനിന്നു രക്ഷപ്പെട്ട ഏക വ്യക്തിയായ വിശ്വാസ് കുമാർ രമേഷിന്റെ വാർത്ത പുറത്തുവന്നതിനു പിന്നാലെ തായ് നടനും ഗായകനുമായ ജെയിംസ് റുവാങ്‌സാക് ലോയ്‌ചുസാക് സമൂഹമാധ്യമത്തിലിട്ട പോസ്റ്റ് വൈറലാകുന്നു. 1998ലെ തായ്‌ലൻഡിലെ സൂററ്റ്തായിനിൽ നടന്ന വിമാനദുരന്തത്തിൽനിന്നാണ് നടനായ ജെയിംസ് അന്ന് രക്ഷപ്പെട്ടത്.
ന്യൂഡൽഹി∙ അഹമ്മദാബാദ് വിമാനാപകടം 15 വർഷത്തിനിടെ ഇന്ത്യ കണ്ട ഏറ്റവും വലിയ വ്യോമയാന ദുരന്തമാണെന്ന് വ്യോമയാന മന്ത്രാലയം. ഇതുവരെ 274 പേരുടെ മരണം സ്ഥിരീകരിച്ചുവെന്നും പറന്നുയർന്ന് 36 സെക്കൻഡുകൾക്കുള്ളിൽ വിമാനം നിലംപതിച്ചെന്നും വ്യോമയാന മന്ത്രാലയം നടത്തിയ വാർത്താ സമ്മേളനത്തിൽ പറഞ്ഞു. 1.39ന് എയർ ട്രാഫിക് കൺട്രോളിലേക്ക് അവസാനമായി ലഭിച്ച സന്ദേശം മേയ്ഡേ എന്നായിരുന്നു. വിമാനത്തന് 650 അടിക്കു മുകളിലേക്ക് ഉയരാൻ സാധിച്ചില്ല. ഇതോടെയാണ് പൈലറ്റുമാർ അപകട വിവരം അറിയിച്ചത്. എടിസിയുടെ പ്രതികരണങ്ങൾക്ക് മറുപടി ലഭിച്ചില്ലെന്നും അപ്പോഴേക്കും വിമാനം തകർന്നിരുന്നുവെന്നും വ്യോമയാന മന്ത്രാലയം സെക്രട്ടറി എസ്.കെ.സിൻഹ പത്രസമ്മേളനത്തിൽ പറഞ്ഞു.
Results 1-10 of 278
