Activate your premium subscription today
ഫ്ലോറിഡ∙ ഫ്ലോറിഡയിലെ മുൻ റിപ്പബ്ലിക്കൻ കോൺഗ്രസ് സ്ഥാനാർഥിയ്ക്ക് മൂന്ന് വർഷം തടവ്. സെന്റ് പീറ്റേഴ്‌സ്ബർഗിലെ വില്യം റോബർട്ട് ബ്രാഡോക്ക് മൂന്നാമനാണ് (41) ടാമ്പ ഫെഡറൽ കോടതി മൂന്ന് വർഷത്തെ ശിക്ഷ വിധിച്ചത്.
ന്യൂഡൽഹി ∙ ജുഡീഷ്യൽ സർവീസിലേക്ക് അടിസ്ഥാന യോഗ്യതകളിൽ 3 വർഷ അഭിഭാഷക പരിചയം എന്ന വ്യവസ്ഥ സുപ്രീം കോടതി പുനഃസ്ഥാപിച്ചു. അഭിഭാഷകയായി പ്രൊവിഷനൽ എൻറോൾമെന്റ് നേടിയ കാലയളവു മുതൽ പരിഗണിക്കും. ജുഡീഷ്യൽ സർവീസിലേക്കുള്ള പരീക്ഷയെഴുതാൻ 3 വർഷ അഭിഭാഷക പരിചയമെന്ന വ്യവസ്ഥയോടെ സർവീസ് ചട്ടത്തിൽ ഭേദഗതി വരുത്താൻ സുപ്രീം കോടതി സംസ്ഥാന സർക്കാരുകളോടും ഹൈക്കോടതികളോടും നിർദേശിച്ചു.
തിരുവനന്തപുരം∙ കോടതികൾ വിവരാവകാശ നിയമത്തിനു പുറത്തല്ലെന്നും എല്ലാ വിവരങ്ങളും നിഷേധിക്കാനാവില്ലെന്നും സംസ്ഥാന വിവരാവകാശ കമ്മിഷൻ. ജുഡീഷ്യൽ ഓഫിസർമാരുടെ പരിഗണനയിലുള്ള വിഷയങ്ങളും കോടതി നടപടിക്രമങ്ങളുമൊഴികെയുള്ള മറ്റു വിവരങ്ങൾ ലഭിക്കാൻ പൗരന് അവകാശമുണ്ടെന്ന് വിവരാവകാശ കമ്മിഷണർ എ.അബ്ദുൽ ഹക്കീം ഉത്തരവിട്ടു.
ന്യൂഡൽഹി ∙ ഇന്ത്യൻ ജഡ്ജിമാരുടെ ‘കോപ്പിയടി’ വീണ്ടും സിംഗപ്പൂരിൽ പിടിക്കപ്പെട്ടു. ഇക്കുറി ജഡ്ജിമാർ ആരെന്നു വെളിപ്പെടുത്തിയിട്ടില്ല. പകരം, ജഡ്ജി എ, ജഡ്ജി ബി എന്നു മാത്രമാണ് സൂചിപ്പിച്ചിട്ടുള്ളത്. നേരത്തേ, ഇന്ത്യയുടെ സുപ്രീം കോടതി മുൻ ചീഫ് ജസ്റ്റിസ് ദീപക് മിശ്ര പുറപ്പെടുവിച്ച ആർബിട്രേഷൻ ഉത്തരവിലെ ‘കോപ്പിയടി’ സിംഗപ്പൂരിൽ പിടിക്കപ്പെട്ടതു നാണക്കേടായിരുന്നു. ഇതു സിംഗപ്പുരിലെ സുപ്രീം കോടതിയാണ് റദ്ദാക്കിയതെങ്കിൽ ഇപ്പോഴത്തേത് സിംഗപ്പൂർ ഇന്റർനാഷനൽ കമേഴ്സ്യൽ കോടതിയാണ് പിടികൂടിയത്.
കേരള ബാർ കൗൺസിലിന്റെ കഴിഞ്ഞ 2 വർഷത്തെ എൻറോൾമെന്റ് കണക്കനുസരിച്ച് അഭിഭാഷകവൃത്തിയിലേക്ക് എത്തിയവരിലേറെയും പെൺകുട്ടികളാണ്. ഈ ജോലിയിൽ പച്ചപിടിക്കാൻ സമയമെടുക്കും എന്നതിനാൽ ഒപ്പമുള്ളവർ ജൂനിയേഴ്സിനു തണലാകണം; അതൊരു പെൺകുട്ടിയാണെങ്കിൽ സുരക്ഷിതത്വബോധം കൂടി പകർന്നുനൽകേണ്ടിവരും. തിരുവനന്തപുരത്ത് ജൂനിയർ അഭിഭാഷകയ്ക്ക് ഓഫിസിൽ ക്രൂരമർദനമേറ്റ സംഭവം നമ്മുടെ കണ്ണുതുറപ്പിക്കേണ്ടതാണ്. അച്ഛനും ഭർത്താവും ഈ മേഖലയിൽത്തന്നെയായതിനാൽ, ആദ്യകാലങ്ങളിൽ എനിക്കു മറ്റുള്ളവരുടെ പ്രശ്നങ്ങൾ മനസ്സിലാക്കാനോ ഉൾക്കൊള്ളാനോ കഴിഞ്ഞിരുന്നില്ല. ഞാൻ അനുഭവിച്ച ‘പ്രിവ്‌ലിജ്’ മറ്റു പലർക്കും ഇല്ലെന്നു മനസ്സിലായതു പിന്നീടാണ്. സ്വന്തമായി ഓഫിസ് ആയപ്പോൾ, ജൂനിയറായും ഇന്റേണായും എത്തിയ പെൺകുട്ടികളുടെ മാതാപിതാക്കളുടെ ആശങ്ക കണ്ടപ്പോഴാണ് ഇതിന്റെ ഗൗരവം ബോധ്യപ്പെട്ടത്. പല പെൺകുട്ടികളും അവരുടെ കൂട്ടുകാരും മറ്റ് ഓഫിസുകളിൽ നേരിട്ട അനുഭവം പറഞ്ഞപ്പോഴാണു യഥാർഥ ചിത്രം മനസ്സിലായത്.
യുഎസിന്റെ ഇസ്രയേൽ അനുകൂല വിദേശനയത്തെ എതിർക്കുന്നുവെന്നാരോപിച്ച് അറസ്റ്റിലായ ഇന്ത്യൻ വിദ്യാർഥി ജയിൽ മോചിതനായി.
ന്യൂഡൽഹി∙ ഇന്ത്യയുടെ 52-ാം ചീഫ് ജസ്റ്റിസായി ജസ്റ്റിസ് ഭൂഷൺ രാമകൃഷ്ണ ഗവായ് സത്യപ്രതിജ്ഞ ചെയ്തു. രാഷ്ട്രപതി ഭവനിൽ നടന്ന ചടങ്ങിൽ രാഷ്ട്രപതി ദ്രൗപദി മുർമു സത്യവാചകം ചൊല്ലിക്കൊടുത്തു. ജസ്റ്റിസ് സഞ്ജീവ് ഖന്നയുടെ പിൻഗാമിയായാണ് ബി.ആർ.ഗവായ് സ്ഥാനമേറ്റത്.
ന്യൂഡൽഹി∙ ഇന്ത്യയുടെ പുതിയ ചീഫ് ജസ്റ്റിസ് ആയി ജസ്റ്റിസ് ബി.ആർ.ഗവായിയെ രാഷ്ട്രപതി ദ്രൗപതി മുർമു നിയമിച്ചു. രാജ്യത്തിന്റെ 52–ാമത് ചീഫ് ജസ്റ്റിസ് ആയി നിയമിതനായ ബി.ആർ. ഗവായ്, മേയ് 14നു സത്യപ്രതിജ്ഞ ചെയ്യും. മേയ് 13നു വിരമിക്കുന്ന നിലവിലെ ചീഫ് ജസ്റ്റിസ് സഞ്ജീവ് ഖന്നയുടെ പിൻഗാമിയായാണ് ഗവായ് എത്തുന്നത്.
ഹൈക്കോടതി സർവീസിൽ ഓരോ ജൂനിയർ ടെക്നിക്കൽ ഓഫിസർ, റജിസ്ട്രാർ (പ്രോട്ടോകോൾ ആൻഡ് സെക്യൂരിറ്റി കൺട്രോൾ) തസ്തിക വീതം സൃഷ്ടിക്കാൻ സംസ്ഥാന മന്ത്രിസഭായോഗം തീരുമാനിച്ചു. ഫയലിങ് സ്ക്രൂട്ടിനി ഓഫിസറുടെ 2 തസ്തികയും ഒരു ലിഫ്റ്റ് ഓപ്പറേറ്റർ തസ്തികയും നിർത്തലാക്കിയാണ് ഈ തസ്തികകൾ സൃഷ്ടിച്ചത്. 4 ലിഫ്റ്റ് ഓപ്പറേറ്റർ
ന്യൂഡൽഹി∙ സുപ്രീം കോടതിക്ക് എതിരായ പ്രസ്താവനയിൽ ഉപരാഷ്ട്രപതിക്ക് എതിരെ കോടതിയലക്ഷ്യ കേസ് എടുക്കാൻ അനുമതി നൽകണമെന്ന് ആവശ്യപ്പെട്ട് മലയാളി അഭിഭാഷകൻ. ഹർജി നൽകാനുള്ള അനുമതിക്കായി അറ്റോർണി ജനറലിന് കത്തയച്ചു. ബിജെപി എംപി നിഷികാന്ത് ദുബെയ്ക്കെതിരെയും കേസ് എടുക്കണമെന്നാണ് ആവശ്യം. കോടതിയലക്ഷ്യ നിയമത്തിലെ 15–ാം വകുപ്പ് അനുസരിച്ച് കേസ് എടുക്കണമെന്നാണ് ആവശ്യപ്പെട്ടിരിക്കുന്നത്.
Results 1-10 of 125
