Activate your premium subscription today
കൽപറ്റ ∙ 2024-25 വർഷം 206.37 കോടി രൂപ ചെലവിൽ 43.76 ലക്ഷം തൊഴിൽ ദിനങ്ങളാണ് വയനാട് ജില്ലയിൽ സൃഷ്ടിച്ചത്. ഇതുവഴി 147.75 കോടി രൂപ കൂലി, 51.47 കോടി രൂപ മെറ്റീരിയൽ എന്നിവ ചെലവഴിച്ച് 61,051 കുടുംബങ്ങൾക്ക് തൊഴിൽ നൽകാനും സാധിച്ചു. 26,358 കുടുംബങ്ങൾ നൂറു ദിനം പൂർത്തീകരിച്ചു. ജില്ലയിൽ 22,442 പട്ടികവർഗ കുടുംബങ്ങൾക്ക് തൊഴിൽ നൽകുന്നതിലൂടെ 21.23 ലക്ഷം തൊഴിൽ ദിനങ്ങൾ സൃഷ്ടിക്കുകയും ഇതിൽ 11,452 കുടുംബങ്ങൾ 100 ദിനം പൂർത്തീകരിക്കുകയും ചെയ്തു.
മീനങ്ങാടി ∙ കൃഷിമേഖലയിൽ തൊഴിലുറപ്പ് പദ്ധതി നടത്തിപ്പിനു സാധ്യതകളേറുന്നു. മീനങ്ങാടി പഞ്ചായത്തിൽ 2 ലക്ഷം കാപ്പിത്തൈകളാണു തൊഴിലുറപ്പ് തൊഴിലാളികൾ ഉൽപാദിപ്പിച്ചത്. തൊഴിലുറപ്പ് പദ്ധതിയുടെ ഭാഗമായിത്തന്നെ ഈ തൈകൾ കൃഷിയിടങ്ങളിൽ നട്ടുനൽകാനും പദ്ധതിയുണ്ട്. കർഷകർക്ക് എല്ലാ വാർഡുകളിലും അവരുടെ ആവശ്യത്തിന്
തൊമ്മൻകുത്ത് ∙ വനംവകുപ്പ് കുരിശ് പിഴുതുമാറ്റിയ സംഭവത്തിൽ, മുറ്റത്ത് കുരിശു സ്ഥാപിച്ചു പ്രതിഷേധിച്ച് നാരങ്ങാനത്തെ മറ്റു മതസ്ഥരും. നാരങ്ങാനത്ത് തൊമ്മൻകുത്ത് സെന്റ് തോമസ് പള്ളി കൈവശഭൂമിയിൽ സ്ഥാപിച്ച കുരിശ് വനംവകുപ്പ് പിഴുതു കൊണ്ടുപോയതിൽ പ്രതിഷേധിച്ച് നാരങ്ങാനത്തുള്ള ഇടവകക്കാരുടെ വീട്ടുമുറ്റത്ത് കുരിശ് സ്ഥാപിക്കാൻ തീരുമാനിച്ചിരുന്നു. തുടർന്നാണ് നാട്ടുകാരായ മറ്റു മതസ്ഥരും തങ്ങളുടെ പറമ്പിലും മുറ്റത്തും കുരിശ് വച്ച് പ്രതിഷേധിക്കാൻ തീരുമാനിച്ചത്. ഇതിനു തുടക്കം കുറിച്ച് പ്രകാശൻ വടുതലായിലിന്റെ വീട്ടുമുറ്റത്ത് ഇന്നലെ 3.30ന് നാട്ടുകാരുടെയും തൊഴിലുറപ്പ് തൊഴിലാളികളുടെയും സാന്നിധ്യത്തിൽ പ്രകാശൻ കുരിശ് സ്ഥാപിച്ചു. പള്ളിയുടെ കൈവശഭൂമിയിൽ നിന്ന് പിഴുതുമാറ്റിയ കുരിശ് പുനഃസ്ഥാപിക്കുകയും നാരങ്ങാനത്തെ പട്ടയപ്രശ്നത്തിനു ശാശ്വത പരിഹാരം ഉണ്ടാകുകയും ചെയ്യുന്നതു വരെ കുരിശ് മുറ്റത്തുനിന്നു മാറ്റില്ലെന്ന തീരുമാനത്തിലാണ് നാരങ്ങാനം നിവാസികൾ.
തിരുവനന്തപുരം ∙ 2 വർഷത്തിനിടെ കുറഞ്ഞത് 20 ദിവസം ജോലി ചെയ്തവരെ കേരള തൊഴിലുറപ്പ് തൊഴിലാളി ക്ഷേമനിധി ബോർഡിൽ അംഗങ്ങള‍ാക്കി ആനുകൂല്യങ്ങൾ നൽകാൻ സംസ്ഥാന സർക്കാർ പ്രചാരണ പരിപാടി ആരംഭിച്ചു. ജൂലൈ 31 വരെയാണു പ്രചാരണം.
കോട്ടയം ∙ 4 വർഷത്തിനിടെ ജില്ലയിൽ കുറഞ്ഞത് 41,402 തൊഴിലുറപ്പ് തൊഴിലാളികൾ. കേന്ദ്ര ഗ്രാമീണ വികസന മന്ത്രാലയം പുറത്തുവിട്ട കണക്കുകളിലാണ് ഇതു സൂചിപ്പിക്കുന്നത്. വർഷത്തിൽ 100 ദിവസം തൊഴിൽ ഉറപ്പാക്കുന്ന പദ്ധതിയിൽ 2021–2022 വർഷം ജില്ലയിൽ 3,31,014 പേരുണ്ടായിരുന്നു. 2024–2025 വർഷം 2,89,612 പേരാണുള്ളത്. റജിസ്ട്രേഷൻ പുതുക്കാത്തതാണ് എണ്ണം കുറയുന്നതിനു കാരണം. പുതിയതായി റജിസ്റ്റർ ചെയ്യുന്നവരുടെ എണ്ണത്തിലും കുറവുണ്ട്. 2021–2022ൽ 17892 പേർ പുതിയതായി റജിസ്റ്റർ ചെയ്തിരുന്നു.
മുണ്ടക്കയം. തൊഴിലുറപ്പ് ജോലിക്കിടെ മിന്നലേറ്റ് 7 സ്ത്രീകൾക്ക് പരുക്ക്. മുണ്ടക്കയം ടൗണിനു സമീപം കിച്ചൻ പാറയിലാണ് സംഭവം. പുതുപ്പറമ്പിൽ ഷീന നജ്മോൻ, മാമ്പറമ്പിൽ അനിതമ്മ വിജയൻ, ആഞ്ഞിലിമൂട്ടിൽ സുബി മനു, ആഞ്ഞിലിമൂട്ടിൽ ജോസിനി മാത്യു, ആഞ്ഞിലിമൂട്ടിൽ സിയാന ഷൈജു, പുത്തൻ പുരയ്ക്കൽ ശോഭ റോയ്, ഇടമ്പാടത്ത് അന്നമ്മ ആന്റണി എന്നിവർക്കാണ് പരുക്കേറ്റത്.
ന്യൂഡൽഹി ∙ തൊഴിലുറപ്പു പദ്ധതിയെ പടിപടിയായി ബിജെപി സർക്കാർ ഇല്ലായ്മ ചെയ്യാൻ ശ്രമിക്കുകയാണെന്നു കോൺഗ്രസ് പാർലമെന്ററി പാർട്ടി അധ്യക്ഷ സോണിയ ഗാന്ധി രാജ്യസഭയിൽ ആരോപിച്ചു. പദ്ധതി വഴി നൽകുന്ന മിനിമം വേതനം രാജ്യത്താകെ 400 രൂപയാക്കണമെന്നും തൊഴിലുറപ്പു ദിനങ്ങൾ പ്രതിവർഷം 100 ൽ നിന്ന് 250 ആക്കണമെന്നും സോണിയ ആവശ്യപ്പെട്ടു.
ആലപ്പുഴ ∙ സാധാരണക്കാരുടെ സാമ്പത്തിക പ്രയാസത്തിനു പരിഹാരമായി ആരംഭിച്ച മഹാത്മാ ഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയിലെ (എംജിഎൻആർഇജിഎസ്) സംസ്ഥാനത്തെ 14 ലക്ഷത്തിൽപരം തൊഴിലാളികൾക്കു രണ്ടു മാസമായി വേതനമില്ല. ഏകദേശം 450 കോടി രൂപയാണു കുടിശിക. ഓണറേറിയം കൂട്ടണമെന്ന് ആവശ്യപ്പെട്ട് ആശ വർക്കർമാർ സമരം നടത്തുന്നതിനിടെയാണു തൊഴിലുറപ്പ് തൊഴിലാളികളുടെ കോടിക്കണക്കിനു രൂപ വേതന കുടിശികയുടെ കണക്കുകൾ പുറത്തുവരുന്നത്. തൊഴിൽദിന ബജറ്റ് കേന്ദ്രം പുതുക്കി നൽകാത്തതിനാലാണു വേതനം ലഭിക്കാത്തതെന്നു സംസ്ഥാന അധികൃതർ വ്യക്തമാക്കി.
ന്യൂഡൽഹി ∙ ദേശീയ ഗ്രാമീണ തൊഴിലുറപ്പു പദ്ധതിയിൽ നിന്ന് 6 വർഷത്തിനിടെ നീക്കിയത് 1.08 കോടി തൊഴിലാളികളെ. ഈ സാമ്പത്തിക വർഷം 15.12 ലക്ഷം പേരെയും 2023–24ൽ 34.84 ലക്ഷം പേരെയും 2022–23ൽ 54.55 ലക്ഷം പേരെയും നീക്കിയതായും രാജ്യസഭയിൽ കേന്ദ്ര ഗ്രാമവികസന സഹമന്ത്രി കമലേഷ് പാസ്വാൻ നൽകിയ മറുപടിയിൽ പറയുന്നു.6 വർഷത്തിനിടെ കേരളത്തിൽ നിന്ന് 31,045 പേരെ ഒഴിവാക്കി. ഈ വർഷം 2602 പേരെയും കഴിഞ്ഞവർഷം 21,418 പേരെയും നീക്കി. നടപ്പുവർഷം ഏറ്റവുമധികം പേരെ നീക്കിയത് അസമിൽ നിന്നാണ് – 3.80 ലക്ഷം പേരെ. ബിഹാറിൽ നിന്ന് 2.51 ലക്ഷം പേരെയും ഒഡീഷയിൽ നിന്ന് 2.22 ലക്ഷം പേരെയും നീക്കം ചെയ്തു.
കുറവിലങ്ങാട് ∙മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയിൽ മേറ്റുമാരും തൊഴിലാളികളും ചേർന്നു പദ്ധതിയിൽ പങ്കെടുക്കാത്ത തൊഴിലാളികളുടെ പ‌േരിൽ ആൾക്കാരെ നിർത്തി ഫോട്ടോ എടുത്തു അപ്‌ലോഡ് ചെയ്യുന്നതായി കണ്ടെത്തൽ. തൊഴിലുറപ്പ് പദ്ധതി സംബന്ധിച്ചു പരാതികൾ വർധിച്ചതോടെ മിഷൻ ഡയറക്ടർ കർശന നിർദേശങ്ങൾ
Results 1-10 of 55
