Activate your premium subscription today
കണ്ണൂർ ∙ റോഡ് തടഞ്ഞ് സമരം ചെയ്തതിന് സിപിഎം ജില്ലാ സെക്രട്ടറി എം.വി.ജയരാജനും കണ്ടാലറിയാവുന്ന പതിനായിരം പേർക്കുമെതിരെ കേസെടുത്ത് പൊലീസ്. കേന്ദ്ര സർക്കാർ കേരളത്തോടു കാണിക്കുന്ന അവഗണനയ്ക്കും സാമ്പത്തിക ഉപരോധത്തിനുമെതിരെ സിപിഎം നടത്തിയ ഹെഡ് പോസ്റ്റ് ഓഫിസ് ഉപരോധത്തിനിടെയായിരുന്നു റോഡ് തടയൽ. ഹൈക്കോടതി ഉത്തരവ് ലംഘിച്ച് വഴി തടഞ്ഞ് സമരം ചെയ്തതിന് ടൗൺ പൊലീസാണ് എഫ്ഐആർ റജിസ്റ്റർ ചെയ്തത്. കെ.വി.സുമേഷ് എംഎൽഎ, ജില്ലാ പഞ്ചായത്ത് പ്രസിഡന്റ് കെ.കെ.രത്നകുമാരി, സിപിഎം ജില്ലാ സെക്രട്ടേറിയറ്റ് അംഗങ്ങൾ ഉൾപ്പെടെയുള്ളവരും പ്രതികളാണ്.
പട്ന ∙ ഭാഗൽപുർ റാലിയിൽ പ്രധാനമന്ത്രി നരേന്ദ്ര മോദിയെ ‘മഖാന മാല’ അണിയിച്ചു സ്വീകരിച്ച് മുഖ്യമന്ത്രി നിതീഷ് കുമാർ. ബിഹാറിലെ കാർഷികോൽപന്നമായ മഖാന രാജ്യത്തെ വൻ നഗരങ്ങളിലെ പ്രാതൽ വിഭവമായി മാറിയിട്ടുണ്ടെന്നു മോദി പറഞ്ഞു. വർഷത്തിൽ 300 ദിവസമെങ്കിലും താൻ സൂപ്പർ ഫുഡ് ഗണത്തിലുളള മഖാന കഴിക്കാറുണ്ടെന്നും മോദി വെളിപ്പെടുത്തി.
കൊച്ചി ∙ യുഎസ് ഡോളറുമായുള്ള വിനിമയത്തിൽ ഒരു പരിധിക്കപ്പുറത്തേക്കു രൂപയുടെ വില വർധിക്കുന്നത് അഭിലഷണീയമല്ലെന്നു പ്രശസ്‌ത സാമ്പത്തിക വിദഗ്‌ധൻ ഡോ. രാജീവ് കുമാർ. രൂപ കൂടുതൽ കരുത്തു നേടുന്നതു മധ്യവർഗത്തിനു ഗുണകരമാണെങ്കിലും രാജ്യത്തിനു നല്ലതല്ലെന്നാണ് അദ്ദേഹത്തിന്റെ അഭിപ്രായം. ഡോളർ കരുത്താർജിക്കുന്നതിന്റെ പ്രധാന നേട്ടം കയറ്റുമതി വർധിക്കുമെന്നതാണ്. കയറ്റുമതി കൂടുന്നത് ഉൽപാദന വർധനയ്‌ക്കും അതുവഴി തൊഴിലവസരങ്ങളുടെയും ഉപഭോഗത്തിന്റെയും വർധനയ്‌ക്കു സഹായിക്കും. രാജ്യത്തിന്റെ സാമ്പത്തിക വളർച്ചയാണ് അങ്ങനെ കൈവരുന്നതെന്നു മലയാള മനോരമയുടെ ബജറ്റ് പ്രഭാഷണത്തിൽ രാജീവ് കുമാർ വിശദീകരിച്ചു.
കോഴിക്കോട്∙ നിർമല സീതാരാമൻ അവതരിപ്പിച്ച കേന്ദ്ര ബജറ്റിൽ കേരളത്തിനു ലഭിച്ചത് ചരിത്രത്തിലെ ഏറ്റവും മുന്തിയ പരിഗണനയാണെന്ന് ബിജെപി സംസ്ഥാന അധ്യക്ഷൻ കെ.സുരേന്ദ്രൻ. യുപിഎ സർക്കാർ ഭരിച്ച 10 വർഷത്തിൽ നൽകിയതിനേക്കാൾ മൂന്നിരട്ടിയിലധികം തുക മോദി സർക്കാർ കേരളത്തിന് നൽകി.
ദുബായ് ∙ പ്രവാസി ഇന്ത്യക്കാർ, വിദേശ രാജ്യങ്ങളിൽ പഠിക്കുന്ന വിദ്യാർഥികൾ എന്നിവർ ഇന്ത്യയിലേക്ക് അയയ്ക്കുന്ന പണം ഇനി കർശനമായി നിരീക്ഷിക്കപ്പെടും.
ന്യൂഡൽഹി∙ കേരളത്തിനുള്ള റെയിൽവേ വിഹിതം 3,042 കോടിയെന്ന് കേന്ദ്ര റെയിൽവേ മന്ത്രി അശ്വിനി വൈഷ്ണവ്. ഇത് യുപിഎ കാലത്തേക്കാൾ എട്ട് ഇരട്ടി അധികമാണെന്നും മന്ത്രി കൂട്ടിച്ചേർത്തു. ഡൽഹിയിൽ നടത്തിയ വാർത്താസമ്മേളനത്തിലാണ് മന്ത്രിയുടെ പ്രസ്താവന. ബജറ്റിൽ പ്രഖ്യാപിച്ച പദ്ധതികളെക്കുറിച്ചു വിശദീകരിക്കുകയായിരുന്നു അദ്ദേഹം.
സുസ്ഥിര വികസനത്തിലേക്ക് രാജ്യത്തെ നയിക്കുന്നതാണോ ബജറ്റ്. പ്രതീക്ഷകളും സംശയങ്ങളും കലർന്ന ബജറ്റാണ് ധനമന്ത്രി അവതരിപ്പിച്ചതെന്ന് ഹരിത ഊർജ മേഖലയിലെയും പരിസ്ഥിതി മേഖലയിലെയും വിദഗ്ധർ. കാർബൺ പുറന്തള്ളൽ കുറയ്ക്കുക എന്ന ലക്ഷ്യത്തോടെയും പൊതുഗതാഗത മേഖലയെ കൂടുതൽ ഹരിതാഭമാക്കകയും ചെയ്യുക എന്നതിലായിരുന്നു ധനമന്ത്രിയുടെ ഊന്നൽ.
തിരുവനന്തപുരം ∙ 200 വന്ദേഭാരത് ട്രെയിനുകളും 50 നമോഭാരത് ട്രെയിനുകളും 100 അമൃത് ഭാരത് നോൺ എസി ട്രെയിനുകളും പുറത്തിറക്കുമെന്ന ബജറ്റ് പ്രഖ്യാപനം യാത്രക്കാർക്കു നേട്ടമാകും. വൈകിയാണെങ്കിലും റെയിൽവേ മന്ത്രാലയത്തിന്റെ ശ്രദ്ധ സാധാരണ യാത്രക്കാരിലേക്കു തിരിയുന്നു എന്നതാണു ശ്രദ്ധേയം. 3 വർഷത്തിനുള്ളിൽ 17,500 ജനറൽ കോച്ചുകൾ നിർമിക്കാനുള്ള തീരുമാനം, തേഡ് എസി കോച്ചുകൾ കൂട്ടാനുള്ള മുൻതീരുമാനത്തിൽനിന്നുള്ള പിന്മാറ്റമാണ്.
ന്യൂഡൽഹി ∙ 12 ലക്ഷം രൂപ വരെ വരുമാനമുള്ളവർക്ക് ആദായനികുതി ഒഴിവാക്കിയതടക്കമുള്ള ബജറ്റ് തീരുമാനങ്ങൾ ‘ഡൽഹിക്കുള്ള മോദി സർക്കാരിന്റെ സമ്മാന’മെന്ന് ബിജെപിയുടെ പത്രപ്പരസ്യം. ഡൽഹി നിയമസഭാ തിരഞ്ഞെടുപ്പിന് 3 ദിവസം ശേഷിക്കുമ്പോഴാണ് പരസ്യം നൽകിയത്. തിരഞ്ഞെടുപ്പു നടക്കുന്നതിനാൽ ബജറ്റിൽ ഡൽഹി സംബന്ധിച്ച പ്രഖ്യാപനങ്ങൾ പാടില്ലെന്നു കേന്ദ്ര തിരഞ്ഞെടുപ്പ് കമ്മിഷൻ മുൻപു നിർദേശിച്ചിരുന്നു.
ബജറ്റ് കോർപ്പറേറ്റ് കൊള്ളയ്ക്ക് ചൂട്ടുപിടിക്കുന്ന കേന്ദ്ര ഗവൺമെന്റ് സാമാന്യ ജനങ്ങളെ വഞ്ചിക്കുന്നതാണ് കേന്ദ്ര ധനമന്ത്രി നിർമല സീതാരാമൻ അവതരിപ്പിച്ച എന്ന് ബഹ്‌റൈൻ നവകേരള എക്സിക്യൂട്ടീവ് കമ്മിറ്റി പ്രസ്താവനയിൽ പറഞ്ഞു.
Results 1-10 of 269
