ആമിർ ഖാൻ എന്ന ചുരുക്കപ്പേരിൽ അറിയപ്പെടുന്ന മുഹമ്മദ് ആമിർ ഹുസൈൻ ഖാൻ ഒരു ഇന്ത്യൻ നടനും ചലച്ചിത്ര സംവിധായകനും നിർമാതാവുമാണ്.  മിസ്റ്റർ പെർഫെക്ഷനിസ്റ്റ് എന്ന് അറിയപ്പെടുന്ന ആമിർ ഖാന്  ഒമ്പത് ഫിലിംഫെയർ അവാർഡുകൾ, നാല് ദേശീയ ചലച്ചിത്ര അവാർഡുകൾ എന്നിവയുൾപ്പെടെ നിരവധി അവാർഡുകൾ ലഭിച്ചിട്ടുണ്ട്.  2003-ൽ പത്മശ്രീയും 2010-ൽ പത്മഭൂഷണും നൽകി ഇന്ത്യാ ഗവൺമെന്റ് അദ്ദേഹത്തെ ആദരിച്ചു.  2017-ൽ ഖാൻ ചൈന സർക്കാരിൽ നിന്ന് ഒരു ഓണററി പദവി നേടി. 

അമ്മാവനായ നാസിർ ഹുസൈന്റെ യാദോൻ കി ബാരാത്ത് എന്ന സിനിമയിൽ ബാലതാരമായാണ് ആമിർ ഖാൻ ആദ്യമായി ,സിനിമയിൽ എത്തിയത്.  അദ്ദേഹത്തിന്റെ ആദ്യ ഫീച്ചർ ഫിലിം റോൾ ഹോളി.  ഖയാമത്ത് സെ ഖയാമത്ത് തക്  ആണ് നായകനായി ആമിർ ഖാൻ രംഗപ്രവേശം ചെയ്ത ചിത്രം.  രാഖിലെ, ദിൽ, രാജാ ഹിന്ദുസ്ഥാനി, സർഫറോഷ് എന്നിവയുൾപ്പെടെ വാണിജ്യപരമായി വിജയിച്ച നിരവധി സിനിമകളിൽ പ്രത്യക്ഷപ്പെട്ട് 1990 കളിൽ അദ്ദേഹം ബോളിവുഡിലെ   ഒരു മുൻനിര  താരമായി മാറി.  1999-ൽ, അദ്ദേഹം ആമിർ ഖാൻ പ്രൊഡക്‌ഷൻസ് സ്ഥാപിച്ചു അതിന്റെ ആദ്യ ചിത്രമായ ലഗാൻ മികച്ച വിദേശ ഭാഷാ ചിത്രത്തിനുള്ള അക്കാദമി അവാർഡിന് നാമനിർദ്ദേശം ചെയ്യപ്പെട്ടു. കൂടാതെ മികച്ച ജനപ്രിയ ചിത്രത്തിനുള്ള ദേശീയ ചലച്ചിത്ര അവാർഡും രണ്ട് ഫിലിംഫെയർ അവാർഡുകളും (മികച്ച നടനും മികച്ച നടനും) നേടി .

താരേ സമീൻ പർ (2007) എന്ന ചിത്രത്തിലൂടെ സംവിധായകനായി അരങ്ങേറ്റം കുറിച്ചു , അത് അദ്ദേഹത്തിന് മികച്ച ചിത്രത്തിനും മികച്ച സംവിധായകനുമുള്ള ഫിലിംഫെയർ അവാർഡുകൾ നേടിക്കൊടുത്തു.. ഖാന്റെ ഏറ്റവും വലിയ വാണിജ്യ വിജയങ്ങൾ ഗജിനി (2008), 3 ഇഡിയറ്റ്‌സ് (2009), ധൂം 3 (2013), പികെ (2014), ദംഗൽ (2016) എന്നിവയാണ്. ദംഗലിലൂടെ ഖാൻ തന്റെ മൂന്നാമത്തെ മികച്ച നടനുള്ള ഫിലിംഫെയർ അവാർഡ് നേടി.  

സത്യമേവ ജയതേ എന്ന ടെലിവിഷൻ ടോക്ക് ഷോയും അദ്ദേഹം നിർമിച്ചു. 1983 ൽ റീന ദത്തയെ വിവാഹം കഴിച്ചെങ്കിലും 2002 ൽ ഇവർ വിവാഹമോചിതരായി.  2005 ൽ കിരൺ റാവുവിനെ വിവാഹം കഴിച്ചു 2021 ൽ ഈ ബന്ധവും അവസാനിച്ചു.  ഇരു ഭാര്യമാരിലുമായി മൂന്നു കുട്ടികളാണ് അദ്ദേഹത്തിനുള്ളത്.