Activate your premium subscription today
കൊച്ചി/ തിരുവനന്തപുരം ∙ വേടന്റെ വിവാദ ശരങ്ങളേറ്റ് റേഞ്ച് ഓഫിസര്‍ തെറിച്ചു. റാപ് ഗായകന്‍ വേടനെ (ഹിരണ്‍ദാസ് മുരളി) പുലിപ്പല്ലുമായി അറസ്റ്റ് ചെയ്തതിനെ തുടര്‍ന്ന് ഉയര്‍ന്ന വിവാദങ്ങളുമായി ബന്ധപ്പെട്ട് കോടനാട് ഫോറസ്റ്റ് റേഞ്ച് ഓഫിസര്‍ ആര്‍.അതീഷിനെ സ്ഥലം മാറ്റാന്‍ വനംമന്ത്രി എ.കെ. ശശീന്ദ്രന്‍ ഉത്തരവിട്ടു. ആർ.അധീഷിനെ മലയാറ്റൂർ ഡിവിഷനു പുറത്തേക്കാണ് സ്ഥലം മാറ്റിയത്. സ്ഥിരീകരിക്കാത്ത വിവരങ്ങൾ പരസ്യമാക്കിയതിനാണ് ഉദ്യോഗസ്ഥൻ നടപടി നേരിട്ടിരിക്കുന്നത്.
കൊച്ചി ∙ പൊതു സ്ഥലംമാറ്റത്തിനുള്ള നടപടികൾ പൂർത്തിയാക്കും മുൻപു സർക്കാർ ഹയർ സെക്കൻഡറി സ്കൂൾ അധ്യാപകരെ സ്ഥലംമാറ്റിയ വിവാദ ഉത്തരവു കേരള അഡ്മിനിസ്ട്രേറ്റീവ് ട്രൈബ്യൂണൽ (കെഎടി) കൊച്ചി ബെഞ്ച് റദ്ദാക്കി. 310 അധ്യാപകരെ സ്ഥലം മാറ്റി ഹയർ സെക്കൻഡറി ഡയറക്ടർ മാർച്ച് 11നാണ് ഉത്തരവിറക്കിയത്.
കാക്കനാട് ∙ വില്ലേജ് ഓഫിസറെയും റവന്യു ഇൻസ്പെക്ടറെയും സ്ഥലം മാറ്റിയതു സിപിഐ നേതാവിന്റെ കത്തിനെത്തുടർന്നെന്നു സ്ഥലംമാറ്റ ഉത്തരവിൽ പരാമർശം. സംഭവം വിവാദമായതോടെ സിപിഐ പരാമർശം ഒഴിവാക്കി പുതിയ ഉത്തരവിറക്കി. കാക്കനാട് വില്ലേജ് ഓഫിസറെയും കൊച്ചി മെട്രോ സ്ഥലമെടുപ്പ് റവന്യു ഇൻസ്പെക്ടറെയും പരസ്പരം മാറ്റി എറണാകുളം കലക്ടറേറ്റിൽ നിന്നു കഴിഞ്ഞ ദിവസം ഇറങ്ങിയ ഉത്തരവിലാണു സിപിഐ തൃക്കാക്കര മണ്ഡലം സെക്രട്ടറി കെ.കെ.സന്തോഷ് ബാബുവിന്റെ നിവേദനത്തെത്തുടർന്നു സ്ഥലം മാറ്റുന്നുവെന്നു ചേർത്തത്. സർവീസ് സംഘടനകൾ ഉൾപ്പെടെ പ്രതിഷേധവുമായി രംഗത്തെത്തിയതോടെ ഇന്നലെ വൈകിട്ട് തിരുത്തിയ ഉത്തരവ് പുറത്തിറക്കി. ഉദ്യോഗസ്ഥരെ പരസ്പരം മാറ്റിയ നടപടി അതേപടി നിലനിർത്തി സിപിഐ നേതാവിന്റെ നിവേദനത്തെത്തുടർന്നു മാറ്റുന്നുവെന്ന പരാമർശം ഒഴിവാക്കിയാണു പുതിയ ഉത്തരവ്.
കൊച്ചി ∙ ഒരു മാസമായി ഒഴിഞ്ഞു കിടക്കുന്ന വില്ലേജ് ഓഫിസർ തസ്തികയിൽ ആളെ നിയമിക്കണമെന്നു വകുപ്പ് ഭരിക്കുന്ന രാഷ്ട്രീയ പാർട്ടിയുടെ നേതാവ് കലക്ടർക്ക് നിവേദനം നൽകുന്നു; ഒട്ടും വൈകാതെ പ്രശ്നത്തിനു പരിഹാരവുമായി. നേതാവിന്റെ നിവേദന പ്രകാരം സ്ഥലംമാറ്റം നടത്തുന്നു എന്ന് ഡപ്യൂട്ടി കലക്ടർ ഉത്തരവിട്ടു.
മലപ്പുറം ∙ മോട്ടർവാഹന വകുപ്പിലെ കൂട്ട സ്ഥലം മാറ്റത്തിനെതിരെ ഒരു വിഭാഗം ഉദ്യോഗസ്ഥർ രംഗത്തു വന്നിരിക്കെ, ഇന്നലെ പുതിയ സ്ഥലത്തു ജോലിയിൽ പ്രവേശിക്കാത്തവരുടെ ശമ്പളം തടഞ്ഞുവയ്ക്കാൻ ട്രാൻസ്പോർട്ട് കമ്മിഷണറുടെ ഉത്തരവ്. സ്ഥലം മാറ്റത്തിനെതിരെ ഹൈക്കോടതിയെ സമീപിച്ച ഉദ്യോഗസ്ഥർ അഡ്മിനിസ്ട്രേറ്റീവ് ട്രൈബ്യൂണലിനും പരാതി നൽകും.
തിരുവനന്തപുരം ∙ മോട്ടര്‍ വാഹന വകുപ്പില്‍ കൂട്ട സ്ഥലംമാറ്റം. 221 അസി. മോട്ടര്‍ വെഹിക്കിള്‍ ഇന്‍സ്‌പെക്ടര്‍മാരെയാണ് സ്ഥലം മാറ്റിയിരിക്കുന്നത്. ഓഫിസ് വിഭാഗത്തിലും എന്‍ഫോഴ്‌സ്‌മെന്റ് വിഭാഗത്തിലും ജോലി ചെയ്തിരുന്നവരെയാണ് പരസ്പരം സ്ഥലം മാറ്റിയത്. 48 മണിക്കൂറിനുള്ളില്‍ ജോലിയില്‍ പ്രവേശിക്കണമെന്നാണ് ഉത്തരവില്‍ പറയുന്നത്. എന്‍ഫോഴ്‌സ്‌മെന്റ് വിഭാഗത്തില്‍ നാലോ അതിലധികമോ വര്‍ഷം ജോലി ചെയ്യുന്ന 111 പേരെ ഓഫിസിലേക്കും ആര്‍ടി ഓഫിസുകളില്‍ ജോലി ചെയ്യുന്ന 110 പേരെ എന്‍ഫോഴ്‌സ്‌മെന്റ് വിങ്ങിലേക്കുമാണ് മാറ്റിയത്.
2008 മാലെഗാവ് സ്ഫോടനക്കേസിൽ വിധിന്യായം തയാറാക്കുന്നതിനു മുൻപേ, വാദം കേട്ടിരുന്ന എൻഐഎ കോടതി ജഡ്ജി എ.കെ.ലഹോട്ടിയെ മുംബൈയിൽനിന്നു നാസിക്കിലേക്കു സ്ഥലംമാറ്റി. ഭോപാലിൽനിന്നുള്ള ബിജെപി മുൻ എംപിയും സന്യാസിനിയുമായ പ്രജ്ഞ സിങ് ഠാക്കൂർ, ലഫ്. കേണൽ പ്രസാദ് പുരോഹിത് എന്നിവരാണ് കേസിലെ പ്രധാന പ്രതികൾ.
ചേർപ്പ് ∙ ശാരീരിക പരിമിതിയുള്ള ഉദ്യോഗസ്ഥനു വേണ്ടി മന്ത്രിക്കു നേരിട്ട് നൽകിയ സ്ഥലംമാറ്റ അപേക്ഷ റോഡരികിലെ മാലിന്യക്കൂമ്പാരത്തിൽ നിന്ന് ലഭിച്ച സംഭവം ഗൗരവമായി കാണുന്നുവെന്നും ഇക്കാര്യം അന്വേഷിക്കുമെന്നും മന്ത്രി ആർ. ബിന്ദു അറിയിച്ചു. രണ്ടു വർഷമായി സാങ്കേതിക വിദ്യാഭ്യാസ വകുപ്പിന്റെ കോതമംഗലം മേഖല കാര്യാലയത്തിൽ ജോയിന്റ് റജിസ്ട്രാറായി ജോലി ചെയ്യുന്ന ഉദ്യോഗസ്ഥനുവേണ്ടി അദ്ദേഹത്തിന്റെ ഭാര്യയാണ് അപേക്ഷ നൽകിയത്. ഈ അപേക്ഷ പിന്നീട് തിരുവുള്ളക്കാവ് - പാറക്കോവിൽ റോഡരികിൽ തള്ളിയ ഭക്ഷണമാലിന്യത്തിനുള്ളിൽ നിന്ന് കണ്ടെടുക്കുകയായിരുന്നു. ഇക്കാര്യം മലയാള മനോരമ റിപ്പോർട്ട് ചെയ്തു.
തിരുവനന്തപുരം ∙ സർക്കാർ ഹയർ സെക്കൻഡറി സ്കൂളുകളിൽ കഴിഞ്ഞ അധ്യയന വർഷത്തെ തസ്തിക നിർണയത്തിന്റെ അടിസ്ഥാനത്തിൽ പൊതുപരീക്ഷയ്ക്കിടെ നടത്തിയ അധ്യാപക സ്ഥലംമാറ്റത്തിലെ 7 വിഷയങ്ങളിലെ പട്ടിക കേരള അഡ്മിനിസ്ട്രേറ്റീവ് ട്രൈബ്യൂണൽ സ്റ്റേ ചെയ്തു. ട്രൈബ്യൂണലിന്റെ എറണാകുളം അഡി.ബെഞ്ച് മലയാളം, ഇംഗ്ലിഷ്, ഹിന്ദി, സ്റ്റാറ്റിസ്റ്റിക്സ്, പൊളിറ്റിക്കൽ സയൻസ് അധ്യാപകരുടെ സ്ഥലംമാറ്റവും തിരുവനന്തപുരം ബെഞ്ച് ഇക്കണോമിക്സ്, ജ്യോഗ്രഫി അധ്യാപകരുടെ സ്ഥലംമാറ്റവുമാണ് വിവിധ ഹർജികളിലായി സ്റ്റേ ചെയ്തത്.
കടുത്തുരുത്തി ∙ വൈക്കം ഉപജില്ലാ വിദ്യാഭ്യാസ ഓഫിസിലെ 12 ജീവനക്കാരെയും സ്ഥലംമാറ്റി. രണ്ട് വനിതാ ക്ലാർക്കുമാർക്ക് അച്ചടക്കനടപടിയുടെ ഭാഗമായിട്ടാണ് മാറ്റം. മറ്റു പത്തു പേരെ ഭരണസൗകര്യാർഥം എന്ന പേരിലും സ്ഥലംമാറ്റി. ഉപജില്ലാ വിദ്യാഭ്യാസ ഓഫിസർ, സീനിയർ സൂപ്രണ്ട് എന്നിവരൊഴികെ ബാക്കി എല്ലാ ജീവനക്കാരെയും സ്ഥലംമാറ്റി.
Results 1-10 of 53
