Activate your premium subscription today
കൊൽക്കത്ത∙ മണിപ്പുർ കലാപം ആരംഭിച്ച ശേഷം ആദ്യമായി കുക്കി-മെയ്തെയ് ഗോത്രവിഭാഗങ്ങൾ ഒന്നിച്ചു പങ്കെടുക്കുന്ന സിറോയ് ലില്ലി ഫെസ്റ്റിവലിന് ഉക്രുൽ ജില്ലയിൽ തുടക്കമായി. രണ്ടു വർഷം മുൻപ് ആരംഭിച്ച കലാപത്തിന് ശേഷം ആദ്യമായാണ് ഇരുവിഭാഗത്തിലെയും അംഗങ്ങൾ ഒന്നിച്ച് ഒരു ചടങ്ങിൽ പങ്കെടുക്കുന്നത്. ഗവർണർ അജയ് കുമാർ ഭല്ല ആഘോഷം ഉദ്ഘാടനം ചെയ്തു.
മണിപ്പുർ കുന്നുകളിലെ പുൽമേടുകളിൽ വളരുന്ന പൂവാണ് സിറോയ് ലില്ലി. മേയ് അവസാനം പൂക്കുന്ന ലില്ലി പൂക്കൾ മണിപ്പുരിന്റെ സംസ്ഥാന പുഷ്പം കൂടിയാണ്. മണിപ്പുർ കലാപത്തിന്റെ മഞ്ഞുരുക്കത്തിന് സിറോയ് പൂക്കളുടെ ഉത്സവം വേദിയാകുമോ എന്നു കാത്തിരിക്കുകയാണ് സംസ്ഥാനത്ത് സമാധാനം ആഗ്രഹിക്കുന്നവർ. രണ്ടു വർഷം പിന്നിട്ട മണിപ്പുർ വംശീയ കലാപത്തിൽ ആദ്യമായി മെയ്തെയ് വിഭാഗക്കാരും കുക്കി ഗോത്രങ്ങളും ഒരേ വേദിയിൽ എത്തുന്നത് സിറോയ് ലില്ലി ഫെസ്റ്റിവലിൽ ആണ്. നാഗാ ഭൂരിപക്ഷ ജില്ലയായ ഉക്രുലിൽ ആണ് സംസ്ഥാനത്തെ ഏറ്റവും വലിയ ടൂറിസം ആഘോഷം കൂടിയായ സിറോയ് ലില്ലി ഫെസ്റ്റിവൽ. നാളെ (20) മുതൽ 24 വരെയാണ് ഉത്സവം. 2023 മേയ് 3നായിരുന്നു മണിപ്പുർ കലാപത്തിന്റെ ആരംഭം. 270ൽ പരം പേർ കൊല്ലപ്പെടുകയും അരലക്ഷത്തിലധികം പേർ ഭവനരഹിതരാകുകയും ചെയ്ത കലാപം രാജ്യത്തെ ഏറ്റവും ദീർഘമേറിയ കലാപമായി ഇന്നും തുടരുന്നു. കലാപം ആരംഭിച്ചതോടെ മെയ്തെയ് ഭൂരിപക്ഷ പ്രദേശമായ ഇംഫാൽ താഴ് വരയിൽനിന്നു കുക്കി ഗോത്രങ്ങൾ പലായനം ചെയ്തു. കുക്കി വംശജനായ ഡിജിപിയും മുതിർന്ന ഉദ്യോഗസ്ഥരും എംഎൽഎമാരും വരെ ഇങ്ങനെ നാടുവിട്ടു.
കണ്ണൂർ ∙ തലശേരിയിൽ പിടിയിലായ മണിപ്പുർ കലാപക്കേസ് പ്രതിയും മെയ്തെയ് വിഭാഗക്കാരനുമായ രാജ്കുമാറിനു നിരോധിതസംഘടനയായ യുണൈറ്റഡ് നാഷണൽ ലിബറേഷൻ ഫ്രണ്ടുമായി (യുഎൻഎൽഎഫ്) ബന്ധമെന്ന് എൻഐഎയുടെ കണ്ടെത്തൽ. പ്രതിയെ മാസങ്ങൾനീണ്ട അന്വേഷണത്തിലൂടെ കേരള പൊലീസിനുപോലും വിവരം കൈമാറാതെയാണ് എൻഐഎ അറസ്റ്റു ചെയ്തത്. കഴിഞ്ഞമാസം കേരളത്തിലെത്തിയ ഇയാൾ വിവിധ ജില്ലകളിൽ ചുറ്റികറങ്ങിയ ശേഷമാണ് തലശേരിയിലെത്തിയത്. തലശേരിയിൽ എത്തും മുൻപ് ഇയാൾ തിരൂരിലാണ് കഴിഞ്ഞിരുന്നത്.
കൊച്ചി / ന്യൂഡൽഹി ∙ മണിപ്പുർ കലാപത്തിലെ പ്രതികളിലൊരാളെ തലശ്ശേരിയിൽനിന്ന് എൻഐഎ അറസ്റ്റ് ചെയ്തു. മെയ്തെയ് വിഭാഗക്കാരനായ രാജ്കുമാർ മൈപാക് സംഘാണ് (32) പിടിയിലായത്. തലശ്ശേരിയിൽ ഹോട്ടലിൽ ജോലി ചെയ്തിരുന്ന പ്രതിയെ ഡൽഹിയിൽനിന്നുള്ള ഉദ്യോഗസ്ഥരാണ് അറസ്റ്റ് ചെയ്തതെന്നാണു വിവരം. തുടർന്നു കൊച്ചിയിലെത്തിച്ച ശേഷം ഡൽഹിയിലേക്കു കൊണ്ടുപോയതായും സൂചനയുണ്ട്. എന്നാൽ, കൊച്ചിയിലെയും ഡൽഹിയിലെയും എൻഐഎ അധികൃതർ വിവരം സ്ഥിരീകരിച്ചിട്ടില്ല.
കൊൽക്കത്ത ∙ മണിപ്പുരിൽ ഇന്ത്യ-മ്യാൻമർ അതിർത്തി ജില്ലയായ ചന്ദേലിൽ അസം റൈഫിൾസുമായുള്ള ഏറ്റുമുട്ടലിൽ 10 തീവ്രവാദികൾ കൊല്ലപ്പെട്ടു. കൊല്ലപ്പെട്ടവരുടെ വിശദാംശങ്ങൾ അസം റൈഫിൾസോ ഓപ്പറേഷന് നേതൃത്വം നൽകിയ ഇന്ത്യൻ ആർമിയുടെ ദിമാപുർ ആസ്ഥാനമായുള്ള സ്പിയർ കോറോ പുറത്തുവിട്ടിട്ടില്ല. മ്യാൻമറിൽ പ്രവർത്തിക്കുന്ന കുക്കി നാഷനൽ ആർമി (കെഎൻഎം-ബി) സായുധ സംഘാംഗങ്ങളാണു കൊല്ലപ്പെട്ടത് എന്നാണ് സ്ഥിരീകരിക്കാത്ത റിപ്പോർട്ടുകൾ. വൻതോതിലുള്ള ആയുധശേഖരവും പിടിച്ചെടുത്തിട്ടുണ്ട്.
ബഹിരാകാശത്ത് 286 ദിവസം ചെലവഴിച്ചു തിരിച്ചെത്തിയ സുനിത വില്യംസ് മടങ്ങിയെത്തിയ ശേഷം, ബഹിരാകാശത്ത് നിന്നുള്ള തന്റെ അനുഭവങ്ങൾ മാധ്യമങ്ങളുമായി പങ്കുവച്ചിരുന്നു. അതേസമയം, സുനിത വില്യംസ് മണിപ്പുർ സന്ദർശിക്കുമെന്നും പ്രധാനമന്ത്രി മോദിയോട് ചോദ്യങ്ങൾ ചോദിക്കുമെന്നുമുള്ള അവകാശവാദവുമായി പോസ്റ്റുകൾ
ന്യൂഡല്‍ഹി∙ മണിപ്പുരില്‍ രാഷ്ട്രപതിഭരണം ഏര്‍പ്പെടുത്തിയതിനു ലോക്സഭയുടെ അംഗീകാരംതേടി കേന്ദ്രസര്‍ക്കാര്‍ പ്രമേയം. ഇന്ന് പുലര്‍ച്ചെ വഖഫ് ബില്‍ പാസാക്കിയതിനു തൊട്ടുപിന്നാലെയാണ് കേന്ദ്ര ആഭ്യന്തരമന്ത്രി അമിത് ഷാ പ്രമേയം അവതരിപ്പിച്ചത്. നേരം വൈകിയുള്ള പ്രമേയാവതരണത്തില്‍ പ്രതിപക്ഷം പ്രതിഷേധമുയര്‍ത്തി.
കൊൽക്കത്ത ∙ മണിപ്പുരിൽ സുരക്ഷാസേന നടത്തിയ തിരച്ചിലിൽ നിരോധിത മെയ്തെയ് ഭീകരസംഘടനകളിലെ 5 പേരെ അറസ്റ്റ് ചെയ്തു. ഇംഫാൽ താഴ്‌വരയിലെ വിവിധ മേഖലകളിൽ ഭീഷണിപ്പെടുത്തി പണം വാങ്ങുകയായിരുന്നു ഇവർ. നിരോധിത സംഘടനയായ യുഎൻഎൽഎഫ് ഉൾപ്പെടെ 3 സംഘടനയിൽപ്പെട്ടവരാണ് അറസ്റ്റിലായവർ. സംസ്ഥാനത്തെ 5 ജില്ലകളിൽ കരസേനയും അസം റൈഫിൾസും നടത്തിയ തിരച്ചിലിൽ യന്ത്രത്തോക്കുകൾ ഉൾപ്പെടെ 32 ആയുധങ്ങൾ കണ്ടെടുത്തു.
കൊൽക്കത്ത ∙ മണിപ്പുർ കലാപത്തിൽ ദുരിതമനുഭവിക്കുന്നവർക്ക് സാന്ത്വന സന്ദേശവുമായി സുപ്രീം കോടതി ജഡ്ജിമാരുടെ സന്ദർശനം. 2 ദിവസത്തെ സന്ദർശനത്തിനെത്തിയ ജഡ്ജിമാർ കുക്കി മേഖലയായ ചുരാചന്ദ്പുരിലും മെയ്തെയ് മേഖലയായ ബിഷ്ണുപുരിലും സന്ദർശനം നടത്തി. ജസ്റ്റിസ് ബി.ആർ.ഗവായിയുടെ നേതൃത്വത്തിലുള്ള സംഘം വിവിധ ദുരിതാശ്വാസ ക്യാംപുകൾ സന്ദർശിച്ചു.
ഇംഫാൽ ∙ മണിപ്പുരിലെ കലാപ ബാധിതര്‍ താമസിക്കുന്ന ക്യാംപുകള്‍ സന്ദര്‍ശിക്കുന്ന സുപ്രീം കോടതി ജഡ്ജിമാരുടെ പ്രത്യേക സംഘം ഇംഫാലിൽ എത്തി. ജസ്റ്റിസ് ബി.ആർ. ഗവായിയുടെ നേതൃത്വത്തിലുള്ള സംഘമാണ് ഇംഫാലിൽ എത്തിയത്. സംഘത്തിലെ അംഗം ജസ്റ്റിസ് എൻ. കോടീശ്വർ സിങ്, കുക്കി ഭൂരിപക്ഷ മേഖലയായ ചുരാചന്ദ്പൂർ സന്ദർശിക്കില്ല.
Results 1-10 of 640
