Activate your premium subscription today
റിയാദ് ∙ സിറിയയ്‌ക്കെതിരെയുള്ള ഉപരോധം നീക്കുമെന്ന് യുഎസ് പ്രസിഡന്റ് ഡോണൾഡ് ട്രംപ്. സൗദി കിരീടാവകാശി മുഹമ്മദ് ബിൻ സൽമാന്റെ ഇടപെടലിനെ തുടർന്നാണ് തീരുമാനമെന്ന് ട്രംപ് വ്യക്തമാക്കി. സൗദി സന്ദർശനത്തിനിടെയാണ് ട്രംപിന്റെ അപ്രതീക്ഷിത പ്രഖ്യാപനം. സിറിയയുടെ ഇടക്കാല പ്രസിഡന്റ് അഹമ്മദ് അൽ ഷരായുമായി ഡോണൾഡ് ട്രംപ് ഇന്ന് സൗദയിൽ കൂടിക്കാഴ്ച നടത്തും.
റിയാദ് ∙ വിവിധ വികസന പദ്ധതികൾക്കായി യുഎസിൽ 60,000 കോടി ഡോളർ നിക്ഷേപിക്കാൻ സൗദി തീരുമാനിച്ചു. പ്രസിഡന്റ് ഡോണൾഡ് ട്രംപിന്റെ സൗദി സന്ദർശനത്തിലാണ് സുപ്രധാന തീരുമാനം. 14,200 കോടി ഡോളറിന്റെ പ്രതിരോധ കരാറിലും ഇരു രാജ്യങ്ങളും ഒപ്പുവച്ചു. യുഎസ് സഹകരണത്തിൽ 500 മെഗാവാട്ട് ശേഷിയുള്ള ഡേറ്റ സെന്റർ സൗദിയിൽ ആരംഭിക്കാനും ധാരണയായി. നിർമിതബുദ്ധി സാങ്കേതികവിദ്യയിലെ സഹകരണത്തിനു യുഎസിന്റെ എഐ ചിപ്പുകൾ സൗദിക്കു നൽകും.
ഒമാൻ മധ്യസ്ഥ്യത്തിൽ ഇറാനും യുഎസും തമ്മിൽ ആണവ നിരായുധീകരണ ചർച്ചയുടെ നാലാം റൗണ്ട് പിന്നിട്ടപ്പോൾ ഇരു രാജ്യങ്ങളും വലിയ പ്രതീക്ഷയിലാണ്. അതേസമയം, ചർച്ചകൾ നടക്കുന്നതിനിടെയും തിങ്കളാഴ്ച ഇറാനെതിരെ യുഎസ് പുതിയ ഉപരോധങ്ങൾ പ്രഖ്യാപിച്ചു.
വാഷിങ്ടൻ ∙ സംഘർഷം അവസാനിപ്പിച്ചാൽ ഇന്ത്യയും പാക്കിസ്ഥാനുമായി വ്യാപാരം വിപുലമാക്കാമെന്ന് യുഎസ് വാഗ്ദാനം ചെയ്തതോടെയാണ് ഇരുരാജ്യങ്ങളും വെടിനിർത്തലിനു വഴങ്ങിയതെന്ന് യുഎസ് പ്രസിഡന്റ് ഡോണൾഡ് ട്രംപ്. യുഎസ് ഇടപെട്ട് ഇന്ത്യ–പാക്ക് ആണവസംഘർഷം ഒഴിവാക്കിയെന്നും ട്രംപ് അവകാശപ്പെട്ടു. ഇന്ത്യ–പാക്ക് സംഘർഷം അതിരൂക്ഷമായി തുടരുകയായിരുന്നു.
ജറുസലം ∙ ഗാസയിൽ ബന്ദികളിൽ ജീവനോടെ ശേഷിക്കുന്ന ഏക യുഎസ് പൗരനെ ഹമാസ് മോചിപ്പിച്ചു. യുഎസ്–ഇസ്രയേൽ ഇരട്ടപൗരത്വമുള്ള ഈഡൻ അലക്സാണ്ടറെയാണ് (22) ഇന്നലെ ഹമാസ് റെഡ് ക്രോസിനു കൈമാറിയത്. റെഡ് ക്രോസിൽനിന്ന് ഇസ്രയേൽ സൈന്യം ഈഡനെ ഏറ്റുവാങ്ങും. ഈഡനെ സ്വീകരിക്കാൻ യുഎസിലെ ടെക്സസിലുള്ള മാതാപിതാക്കളും സഹോദരങ്ങളും ഇസ്രയേലിൽ എത്തിയിട്ടുണ്ട്. ട്രംപ് ഭരണകൂടവുമായി അനുനയത്തിൽ പോകാനുള്ള ഹമാസിന്റെ താൽപര്യമാണ് ഈഡന്റെ മോചനം സാധ്യമാക്കിയത്. ഇതിനായി യുഎസ്–ഹമാസ് നേരിട്ടു ചർച്ച നടത്തിയിരുന്നു. ഗാസയിൽ ഇനി 59 ബന്ദികൾ ജീവനോടെ ശേഷിക്കുന്നുണ്ടെന്നാണ് ഇസ്രയേലിന്റെ കണക്ക്.
കീവ് ∙ 30 ദിവസത്തേക്കു വെടിനിർത്തണമെന്ന യുക്രെയ്നിന്റെ ആവശ്യം തള്ളിയ റഷ്യ ഡ്രോണാക്രമണം വീണ്ടും ശക്തമാക്കി. തുർക്കിയിലെ ഇസ്തംബുളിൽ നേരിട്ടുകണ്ടു ചർച്ച നടത്താനുള്ള റഷ്യൻ പ്രസിഡന്റ് വ്ലാഡിമിർ പുട്ടിന്റെ ക്ഷണം യുക്രെയ്ൻ പ്രസിഡന്റ് വൊളോഡിമിർ സെലെൻസ്കി സ്വീകരിച്ചതിനു പിന്നാലെ റഷ്യയുടെ ഭാഗത്തുനിന്നു വെടിനിർത്തലുണ്ടാകുമെന്ന പ്രതീക്ഷ വെറുതേയായി. കൂടിക്കാഴ്ചയ്ക്കായി വ്യാഴാഴ്ച ഇസ്തംബുളിൽ പുട്ടിനെ കാത്തിരിക്കുമെന്നു സെലെൻസ്കി പറഞ്ഞതിനും റഷ്യയുടെ മറുപടിയില്ല.
കീവ് ∙ ലിയോ മാർപാപ്പ ഞായറാഴ്ച സെന്റ് പീറ്റേഴ്സ് ചത്വരത്തിലെ പ്രസംഗത്തിൽ യുക്രെയ്നിലെ സമാധാനത്തിനായി ആഹ്വാനം ചെയ്തതിനു പിന്നാലെ, അദ്ദേഹത്തിന് യുക്രെയ്ൻ പ്രസിഡന്റ് വൊളോഡിമിർ സെലെൻസ്കിയുടെ ക്ഷണം. മാർപാപ്പയുമായി ഇന്നലെ നടത്തിയ ഫോൺ സംഭാഷണത്തിലാണ് അദ്ദേഹത്തെ യുക്രെയ്നിലേക്കു ക്ഷണിച്ചത്. ഒരു രാഷ്ട്രനേതാവുമായി പുതിയ മാർപാപ്പയുടെ ആദ്യത്തെ സംഭാഷണമാണിത്.
വാഷിങ്ടൻ ∙ യുഎസ് പ്രസിഡന്റ് ഡോണൾഡ് ട്രംപിന് ഖത്തർ ഭരിക്കുന്ന രാജകുടുംബത്തിന്റെ പാരിതോഷികമായി ആഡംബര വിമാനം. വാഗ്ദാനം പരിഗണനയിലാണെന്ന് വൈറ്റ്ഹൗസ് സ്ഥിരീകരിച്ചതോടെ വിവാദം. യുഎസ് പ്രതിരോധ വകുപ്പിന് ഖത്തർ സമ്മാനിക്കാനൊരുങ്ങുന്ന ബോയിങ് 747–8 വിമാനം പ്രസിഡന്റിന്റെ ഔദ്യോഗിക വിമാനമായ എയർ ഫോഴ്സ് വൺ ആയി ഉപയോഗിക്കാനാണ് ആലോചിക്കുന്നത്. ഇതിന്റെ നിയമവശങ്ങൾ പഠിച്ചുകൊണ്ടിരിക്കുകയാണെന്ന് വൈറ്റ്ഹൗസ് വക്താവ് കാരലിൻ ലെവിറ്റ് അറിയിച്ചു.
വത്തിക്കാൻ സിറ്റി ∙ വാക്കുകൾ ഉപയോഗിക്കേണ്ടത് യുദ്ധത്തെ തള്ളി സമാധാനമെന്ന ലക്ഷ്യത്തിനുവേണ്ടിയാകണമെന്ന് ലിയോ മാർപാപ്പയുടെ ആഹ്വാനം. കോൺക്ലേവ് നടപടിക്രമങ്ങൾ റിപ്പോർട്ട് ചെയ്യാനായി റോമിലെത്തിയ മാധ്യമപ്രവർത്തകരോട് സംസാരിക്കുമ്പോഴാണ് നന്മകൾക്കായുള്ള വാക്കിന്റെ കരുത്തിനെക്കുറിച്ച് മാർപാപ്പ പറഞ്ഞത്. മാധ്യമപ്രവർത്തകർ ശബ്ദമില്ലാത്തവരുടെ ശബ്ദമാകണമെന്നും ഓർമിപ്പിച്ചു.
കാബൂൾ ∙ അഫ്ഗാനിസ്ഥാനിൽ ചെസ് നിരോധിച്ചെന്നു താലിബാൻ അറിയിച്ചു. ചൂതാട്ട സ്വഭാവം സംശയിക്കുന്നതിനാലാണു നിരോധനം. അഫ്ഗാനിസ്ഥാനിലെ ദേശീയ ചെസ് ഫെഡറേഷന്റെ പ്രവർത്തനങ്ങളും മരവിപ്പിച്ചു. നടപടി പുനഃപരിശോധിക്കണമെന്നു താലിബാനോട് ആവശ്യപ്പെടുമെന്ന് രാജ്യാന്തര ചെസ് ഫെഡറേഷൻ അറിയിച്ചു.1996ൽ താലിബാൻ അധികാരത്തിൽ വന്നപ്പോഴും ചെസ് നിരോധിച്ചിരുന്നു. പിന്നീട് 2001ൽ ഭരണം മാറിയതോടെ നിരോധനം പിൻവലിച്ചു.
Results 1-10 of 3981
