Activate your premium subscription today
ന്യൂയോർക്ക് ∙ ഇന്ത്യയും പാക്കിസ്ഥാനും തമ്മിൽ കാലങ്ങളായി തുടരുന്ന പ്രശ്നങ്ങൾ ചർച്ച ചെയ്യാൻ നിലവിലെ വെടിനിർത്തൽ വഴിയൊരുക്കട്ടെയെന്ന് ഐക്യരാഷ്ട്ര സംഘടന (യുഎൻ). മേഖലയിൽ സമാധാനം ഉണ്ടാകാനുള്ള ശ്രമങ്ങൾക്ക് എല്ലാ പിന്തുണയും ഉണ്ടാകുമെന്ന് സെക്രട്ടറി ജനറൽ അന്റോണിയോ ഗുട്ടെറസിന്റെ വക്താവ് അറിയിച്ചു.
മധ്യപൂർവദേശം, ഉത്തരാഫ്രിക്ക, അറബ് ലോകം എന്നിവിടങ്ങളിലെ മികച്ച താമസയോഗ്യമായ രാജ്യമായി യുഎഇ.
ന്യൂയോർക്ക് ∙ പഹൽഗാം ഭീകരാക്രമണം ചർച്ച ചെയ്ത യുഎൻ രക്ഷാസമിതി യോഗത്തിൽ പാക്കിസ്ഥാന്റെ പങ്കാളിത്തത്തെപ്പറ്റി നിശിതമായ ചോദ്യങ്ങളുയർന്നതായി സൂചന. അനുകൂലമായ പ്രതികരണം നേടിയെടുക്കാനുള്ള പാക്ക് ശ്രമം പരാജയപ്പെട്ടു. 26 പേർ കൊല്ലപ്പെട്ട ഭീകരാക്രമണത്തെ അപലപിച്ച യോഗം ഇന്ത്യയുമായുള്ള പ്രശ്നങ്ങൾ ഉഭയകക്ഷി ചർച്ചയിലൂടെ പരിഹരിക്കണമെന്ന് പാക്കിസ്ഥാനോട് ആവശ്യപ്പെടുകയും ചെയ്തു.
വാഷിങ്ടൻ ∙ പഹൽഗാം ഭീകരാക്രമണത്തിനു പിന്നാലെ ഇന്ത്യ–പാക്കിസ്ഥാൻ ബന്ധം വഷളായിരിക്കെ ഇന്നലെ നടന്ന ഐക്യരാഷ്ട്ര സംഘടനയുടെ സുരക്ഷാസമിതി യോഗത്തിൽ ഒറ്റപ്പെട്ട് പാക്കിസ്ഥാൻ. യോഗത്തിൽ പാക്കിസ്ഥാൻ കടുത്ത ചോദ്യങ്ങൾ നേരിട്ടെന്ന് വാർത്താ ഏജൻസിയായ എൻഐഎ റിപ്പോർട്ട് ചെയ്തു. പാക്കിസ്ഥാൻ ഇന്ത്യയ്ക്കെതിരെ ഉന്നയിച്ച ആരോപണങ്ങൾ സുരക്ഷ സമിതി തള്ളി. ആണവഭീഷണി മുഴക്കിയതിനെയും മിസൈൽ പരീക്ഷണത്തെയും സുരക്ഷ സമിതി വിമർശിച്ചു.
ന്യൂഡൽഹി ∙ ഇന്ത്യയും പാക്കിസ്ഥാനും തമ്മിലുള്ള സമാധാനം ലക്ഷ്യമിട്ട് ഐക്യരാഷ്ട്ര സംഘടന രക്ഷാസമിതി കൂടിയാലോചന ആരംഭിച്ചിട്ടും നിയന്ത്രണ രേഖയിൽ തുടർച്ചയായ പന്ത്രണ്ടാം രാത്രിയും പാക്കിസ്ഥാൻ വെടിവയ്പ്. ജമ്മു കശ്മീരിലെ കുപ്‌വാര, ബാരാമുള്ള, പൂഞ്ച്, രജൗരി, മെന്ദാർ, നൗഷേര, സുന്ദർബാനി, അഖ്നൂർ എന്നിവിടങ്ങളിലാണ് വെടിവയ്പ് നടന്നത്. പ്രകോപമനമില്ലാതെ ആയിരുന്നു വെടിയുതിർക്കൽ. മറുപടിയായി ഇന്ത്യൻ സൈന്യവും തിരിച്ചടിച്ചു.
വാഷിങ്ടൻ ∙ പഹൽഗാം ഭീകരാക്രമണത്തെ ശക്തമായി അപലപിച്ച് ഐക്യരാഷ്ട്ര സംഘടന. സാധാരണക്കാരെ ആക്രമിക്കുന്നത് അംഗീകരിക്കാൻ കഴിയില്ലെന്ന് ഐക്യരാഷ്ട്ര സംഘടന ജനറൽ സെക്രട്ടറി അന്റോണിയോ ഗുട്ടറസ് പറഞ്ഞു. ഇന്ത്യ – പാക്ക് ബന്ധം ഏറ്റവും വഷളായി പോകുന്നത് വേദനയുണ്ടാക്കുന്നു. പ്രശ്നപരിഹാരത്തിന് സൈനിക നടപടികളല്ല മാർഗം. സംഘർഷം ലഘൂകരിക്കാനായുള്ള സഹായത്തിന് ഐക്യരാഷ്ട്ര സഭ തയാറാണ്. ഇരുരാജ്യങ്ങളും പരമാവധി സംയമനം പാലിക്കണമെന്നും അന്റോണിയോ ഗുട്ടറസ് ആവശ്യപ്പെട്ടു.
വാഷിങ്ടൻ∙ യുഎസിൽ മൈക്ക് വാൾട്സിനെ നീക്കി പകരം മാർക്കോ റൂബിയോയെ ‘ഇടക്കാല’ ദേശീയ സുരക്ഷ ഉപദേഷ്ടാവായി നിയമിച്ച് പ്രസിഡന്റ് ഡോണൾഡ് ട്രംപ്. യെമനിലെ വിമത വിഭാഗമായ ഹൂതികൾക്കെതിരെയുള്ള യുഎസിന്റെ സൈനിക നടപടികൾ മാധ്യമപ്രവർത്തകനു സമൂഹമാധ്യമ കൂട്ടായ്മയിലൂടെ ചോർന്നു കിട്ടിയം വിവരം പുറത്തുവന്നതിന്റെ ഉത്തരവാദിത്തം ഏറ്റെടുത്തതോടെ വാൾട്സിനെ പുറത്താക്കുമെന്ന് അഭ്യൂഹമുണ്ടായിരുന്നു. ഐക്യരാഷ്ട്ര സംഘടനയിൽ യുഎസ് അംബാസഡറായാണ് വാൾട്സിന്റെ പുതിയ ചുമതല. തന്റെ സമൂഹമാധ്യമമായ ട്രൂത്ത് സോഷ്യലിലൂടെ പ്രസിഡന്റ് ഡോണൾഡ് ട്രംപ് തന്നെയാണ് ഇക്കാര്യം പ്രഖ്യാപിച്ചത്.
ന്യൂയോർക്ക് ∙ പാക്കിസ്ഥാൻ തെമ്മാടിരാഷ്ട്രമാണെന്ന് ഐക്യരാഷ്ട്ര സംഘടനയിൽ ഇന്ത്യ. യുഎന്നിലെ ഇന്ത്യൻ ഉപപ്രതിനിധിയായ യോജന പട്ടേലാണു പഹൽഗാം സംഭവത്തിന്റെ പശ്ചാത്തലത്തിൽ പാക്കിസ്ഥാനെതിരെ ശക്തമായ വിമർശനമുയർത്തിയത്. മേഖലയിൽ ഭീകരസംഘടനകളെ പോറ്റിവളർത്തിയത് പാക്കിസ്ഥാനാണെന്ന കുറ്റസമ്മതം പാക്ക് പ്രതിരോധ മന്ത്രി ഖ്വാജ അസിഫ് ഈയിടെ നടത്തിയിരുന്നു.
ന്യൂയോർക്ക് ∙ പഹൽഗാം ഭീകരാക്രമണത്തെ ശക്തമായി അപലപിച്ച് ഐക്യരാഷ്ട്ര സംഘടന രക്ഷാസമിതി. ഭീകരാക്രമണത്തിന് ഉത്തരവാദികളായവരെ കണ്ടെത്തണമെന്നും ഇതിനു സഹായം നൽകിയവരെയും ആസൂത്രണം ചെയ്തവരെയും നിയമത്തിനു മുന്നിൽ കൊണ്ടുവരണമെന്നും 15 അംഗ രക്ഷാസമിതി ആവശ്യപ്പെട്ടു. യുഎന്നിലെ ഫ്രഞ്ച് അംബാസഡറാണു രക്ഷാസമിതിക്കുവേണ്ടി പ്രസ്താവന നൽകിയത്. ഇതിനൊപ്പം യുഎഇ ഉൾപ്പെടെയുള്ള നിരവധി രാജ്യങ്ങൾ ഇന്ത്യയ്ക്ക് പിന്തുണയുമായി രംഗത്തുവന്നിട്ടുണ്ട്.
ന്യൂയോർക്ക് ∙ പഹൽഗാം ഭീകരാക്രമണത്തെ തുടർന്ന് ഇന്ത്യ–പാക്ക് ബന്ധത്തിലുണ്ടായ മാറ്റങ്ങൾ സൂക്ഷ്മമായി നിരീക്ഷിക്കുകയാണെന്നും സംയമനം പാലിക്കാൻ സെക്രട്ടറി ജനറൽ അന്റോണിയോ ഗുട്ടെറസ് ഇരുരാജ്യങ്ങളോടും ആവശ്യപ്പെടുന്നതായും ഐക്യരാഷ്ട്രസംഘടന വക്താവ് പറഞ്ഞു. പഹൽഗാമിലുണ്ടായ ഭീകരാക്രമണത്തെ യുഎൻ പൂർണമായി അപലപിക്കുന്നു. നിലവിൽ ഇരു രാജ്യങ്ങളുമായും നേരിൽ ബന്ധപ്പെട്ടിട്ടില്ലെന്നും സ്ഥിതി മോശമാവാതിരിക്കാൻ എല്ലാ ശ്രമങ്ങളും നടത്തുമെന്നും പറഞ്ഞു.
Results 1-10 of 252
