Activate your premium subscription today
കേരള കോൺഗ്രസ് (എം) ചെയർമാൻ. 2009 മുതൽ 2018 വരെ ലോക്സഭയിലും 2018 മുതൽ 2021 വരെ രാജ്യസഭയിലും അംഗമായിരുന്നു. കെ. എം.മാണിയുടെ മകൻ. 2019ലെ ലോക്സഭ തിരഞ്ഞെടുപ്പിൽ ഇടതു മുന്നണിയെ പ്രതിനിധീകരിച്ച് പാല മണ്ഡലത്തിൽനിന്ന് മത്സരിച്ച് പരാജയപ്പെട്ടു.
കുവൈത്ത് സിറ്റി ∙ പ്രവാസികളോടുള്ള നികുതി വിവേചനത്തിൽ അടിയന്തര ഇടപെടൽ ആവശ്യപ്പെടുമെന്ന് ജോസ് കെ. മാണി എംപി.
പാലാ ∙ കെ.എം.മാണിയെക്കുറിച്ചുള്ള ഓർമകളും ചിത്രങ്ങളും വിഡിയോകളും പങ്കുവയ്ക്കാൻ അവസരം ലഭിക്കുംവിധം കേരള യൂത്ത് ഫ്രണ്ട് (എം) സംസ്ഥാന കമ്മിറ്റി രൂപകൽപന ചെയ്ത മാണിസം വെബ്സൈറ്റിന്റെ ഉദ്ഘാടനം കേരള കോൺഗ്രസ് (എം) ചെയർമാൻ ജോസ് കെ.മാണി എംപി നിർവഹിച്ചു. ഫെബ്രുവരി 14,15,16 തീയതികളിൽ കോട്ടയത്തു നടത്തുന്ന മാണിസം യൂത്ത് കോൺക്ലേവിനു മുന്നോടിയായാണു സൈറ്റ് ഒരുക്കിയത്. സൈറ്റിൽ (https://manism.in/) കയറി ‘എന്റെ ഓർമകൾ പങ്കുവയ്ക്കുക’ എന്ന ലിങ്കിൽ റജിസ്റ്റർ ചെയ്ത് ഓർമകൾ അപ്ലോഡ് ചെയ്യാം.
കടുത്തുരുത്തി ∙ സ്ത്രീകളിലെ സ്തനാർബുദം നേരത്തേ കണ്ടെത്തുക എന്ന സന്ദേശവുമായി കേരള കോൺഗ്രസ് (എം) ചെയർമാൻ ജോസ് കെ. മാണി എംപിയുടെ ഭാര്യയും കാൻസർ അതിജീവിതയുമായ നിഷ ജോസ് കെ. മാണി കേരളത്തിനകത്തും പുറത്തും കാരുണ്യ സന്ദേശയാത്ര നടത്തുന്നു. 29ന് 11.15ന് തിരുവനന്തപുരം ഗവ. വിമൻസ് കോളജിൽ മന്ത്രി വീണാ ജോർജ് യാത്ര ഫ്ലാഗ് ഓഫ് ചെയ്യും. യാത്രയുടെ ലോഗോ ബംഗാൾ ഗവർണർ സി.വി. ആനന്ദബോസ് പ്രകാശനം ചെയ്തു. കെ.എം.മാണി സ്ഥിരമായി ഉപയോഗിച്ചിരുന്ന 1616 എന്ന റജിസ്ട്രേഷൻ നമ്പറിലുള്ള ഇന്നോവ കാറാണ് നിഷ യാത്രയ്ക്കായി തിരഞ്ഞെടുത്തത്. ഈ കാറിന്റെ യാത്ര ഇന്നു വൈകുന്നേരം 4ന് പാലായിലെ മൂന്നാനിയിൽ നടി മിയ ഫ്ലാഗ് ഓഫ് ചെയ്യും. കെ.എം. മാണിയുടെ ജന്മദിനമാണ് ജനുവരി 30.
കോട്ടയം ∙ യുഡിഎഫിലെ തമ്മിലടിക്കു മറയിടാനാണു പാർട്ടിയെക്കുറിച്ചു വ്യാജപ്രചാരണം നടത്തുന്നതെന്നു കേരള കോൺഗ്രസ് (എം) ചെയർമാൻ ജോസ് കെ.മാണി എംപി. കേരളത്തിലെ ഒരു നിയമസഭാ സീറ്റിന്റെ പേരെടുത്തു പറഞ്ഞു കൊണ്ടുള്ള പ്രചാരണം, ജനിക്കാത്ത കുഞ്ഞിന്റെ ജാതകംകുറിക്കലിനു സമമാണെന്നും അദ്ദേഹം പറഞ്ഞു. മുന്നണി മാറുന്നതായുള്ള വാർത്തകൾ വ്യാജമാണ്. യുഡിഎഫിൽ നിന്നു പാർട്ടിയെ അകാരണമായി പുറത്താക്കിയപ്പോൾ ഉറച്ച രാഷ്ട്രീയ നിലപാടു സ്വീകരിച്ചാണു കേരള കോൺഗ്രസ് (എം) എൽഡിഎഫിൽ ഘടകകക്ഷിയായത്. അന്നത്തെ രാഷ്ട്രീയ സാഹചര്യം ഒരു മാറ്റവും കൂടാതെ ഇപ്പോഴും നിലനിൽക്കുന്നുവെന്നും അദ്ദേഹം പറഞ്ഞു.
മലപ്പുറം∙ കോൺഗ്രസിലെ നേതൃതർക്കങ്ങളിൽനിന്ന് അകലം പാലിക്കുമ്പോഴും യുഡിഎഫിൽനിന്ന് അകന്നു പോയ വിഭാഗങ്ങളെ തിരികെ കൊണ്ടുവരാനുള്ള എല്ലാ നീക്കങ്ങളെയും പിന്തുണയ്ക്കാൻ മുസ്ലിം ലീഗിൽ ധാരണ. കേരള കോൺഗ്രസിനെ (എം) തിരികെ കൊണ്ടുവരാൻ യുഡിഎഫ് തീരുമാനിച്ചാൽ അതിനു നേതൃപരമായ പങ്ക് പാർട്ടി വഹിക്കും. തിരുവമ്പാടി സീറ്റ് ജോസ് കെ.മാണിക്കു നൽകുന്നതുമായി ബന്ധപ്പെട്ട ആലോചന ഇതുവരെയുണ്ടായിട്ടില്ല.
തിരുവനന്തപുരം ∙ മുന്നണി വിപുലീകരണത്തിന്റെ ഭാഗമായി ആർജെഡിയെ തിരിച്ചെത്തിക്കാൻ യുഡിഎഫിൽ നീക്കം. ആർജെഡി മടങ്ങിയെത്തിയാൽ അതു കേരള കോൺഗ്രസിനും (എം) പ്രേരണയാകുമെന്നു കോൺഗ്രസ് കണക്കുകൂട്ടുന്നു. തദ്ദേശതിരഞ്ഞെടുപ്പിനു മുൻപ് യുഡിഎഫ് വിപുലീകരണത്തിന്റെ ആദ്യഘട്ടം നടപ്പിലാക്കാനാണു ശ്രമം.
കോട്ടയം ∙ കാർഷികാഭിവൃദ്ധി ഫണ്ടിൽ നിലവിലുള്ള നിക്ഷേപത്തുക ഉപയോഗിച്ചു നെല്ലുൽപാദനം കൂട്ടാനും നെൽക്കർഷകരെ സഹായിക്കാനും നെല്ലുൽപാദക ഉത്തേജക പദ്ധതി സംസ്ഥാനത്തു നടപ്പാക്കണമെന്നു കേരള കോൺഗ്രസ് (എം) ചെയർമാൻ ജോസ് കെ.മാണി എംപി. റബർ ഉൽപാദക ഉത്തേജക പദ്ധതി മാതൃകയിൽ നെല്ലുൽപാദക ഉത്തേജക പദ്ധതി ഫലപ്രദമായി സംസ്ഥാനത്തു നടപ്പാക്കാം. കാർഷികാഭിവൃദ്ധി ഫണ്ടിൽ എത്തിയിട്ടുള്ള 1512.15 കോടി രൂപ ഉപയോഗിച്ചു പദ്ധതി നടപ്പാക്കണം. നെല്ലുൽപാദക ഇൻസെന്റീവായി ഇപ്പോൾ കർഷകർക്കു നൽകുന്ന 5.20 രൂപ അപര്യാപ്തമാണ്. ഇൻസെന്റീവായി ഒരു കിലോ നെല്ലിന് 11.80 രൂപ നൽകി നെല്ലിന്റെ സംഭരണവില 40 രൂപയായി ഉയർത്തണമെന്നും അദ്ദേഹം ആവശ്യപ്പെട്ടു.
തിരുവനന്തപുരം ∙ വനനിയമ ഭേദഗതിയെച്ചൊല്ലി മന്ത്രി എ.കെ. ശശീന്ദ്രനും കേരള കോൺഗ്രസുമായുള്ള പോരു രൂക്ഷമായി. ഭേദഗതി പിൻവലിക്കണമെന്നാവശ്യപ്പെട്ട് കേരള കോൺഗ്രസിന്റെ (എം) നേതൃത്വത്തിൽ മുഖ്യമന്ത്രിക്കു നിവേദനം നൽകി. 430 പഞ്ചായത്തുകളിലെ 1.30 ലക്ഷം ജനങ്ങളെ ബാധിക്കുന്നതാണു കരടു വിജ്ഞാപനമെന്നു നിവേദനത്തിൽ ചൂണ്ടിക്കാട്ടി
കോട്ടയം ∙ കേരള വനനിയമ ഭേദഗതി കരട് വിജ്ഞാപനത്തിൽ മുഖ്യമന്ത്രിയെ നേരിട്ടു കണ്ട് അതൃപ്തി അറിയിക്കാൻ ഇടതുമുന്നണിയിലെ പ്രധാന ഘടകകക്ഷിയായ കേരള കോൺഗ്രസ് (എം). വിഷയത്തിൽ പാർട്ടിയുടെ അതൃപ്തി എംഎൽഎമാരോടൊപ്പം ചെയർമാൻ ജോസ് കെ.മാണി എംപി ഇന്നു വൈകിട്ട് മുഖ്യമന്ത്രിയെ നേരിട്ടു കണ്ടായിരിക്കും അറിയിക്കുക.
ന്യൂഡൽഹി ∙ കേരള കോൺഗ്രസ് (എം) ഇടതുമുന്നണി വിടുന്നുവെന്ന വാർത്ത വെറും സൃഷ്ടി മാത്രമെന്ന് കേരള കോൺഗ്രസ് (എം) ചെയർമാൻ ജോസ് കെ.മാണി. മുന്നണി മാറ്റം സംബന്ധിച്ച് ആരുമായും ചർച്ച നടത്തിയിട്ടില്ല. ഇതുമായി ബന്ധപ്പെട്ട് പ്രചരിക്കുന്നത് അഭ്യൂഹങ്ങൾ മാത്രമാണ്.
Results 1-10 of 391