കേരളത്തിലെ ആരോഗ്യം, വനിത, ശിശുക്ഷേമ വകുപ്പ് മന്ത്രി. ആറന്മുള എംഎൽഎ. കേരളത്തിൽ ഒരു വാർത്താ ചാനലിന്റെ എക്സിക്യൂട്ടീവ് എഡിറ്ററാകുന്ന ആദ്യ വനിത. ടിവി ന്യൂ എന്ന ചാനലിലൂടെയാണ്, വീണ ഈ സ്ഥാനത്തെത്തുന്നത്. 2016, 2021 വർഷങ്ങളിലെ നിയമസഭാ തിരഞ്ഞെടുപ്പിൽ പത്തനംതിട്ട ജില്ലയിലെ ആറന്മുള മണ്ഡലത്തിൽനിന്ന് എൽഡിഎഫ് സ്ഥാനാർഥിയായി വിജയിച്ചു.

1976 ഓഗസ്റ്റ് 3ന് പത്തനംതിട്ട കുമ്പഴവടക്കിലാണു വീണ ജോർജ് ജനിച്ചത്. തിരുവനന്തപുരം വിമൻസ് കോളജിൽനിന്ന് ഫിസിക്സിൽ ബിരുദവും, ബിരുദാനന്തര ബിരുദവും നേടി. കൈരളി ടിവി, ഇന്ത്യാവിഷൻ, മനോരമ ന്യൂസ്, റിപ്പോർട്ടർ ടിവി തുടങ്ങിയ ചാനലുകളിൽ വാർത്ത അവതാരകയായി പ്രവർത്തിച്ചിട്ടുണ്ട്. 2016, 2021 വർഷങ്ങളിലെ നിയമസഭാ തിരഞ്ഞെടുപ്പിൽ പത്തനംതിട്ട ജില്ലയിലെ ആറന്മുള മണ്ഡലത്തിൽനിന്ന് എൽഡിഎഫ് സ്ഥാനാർഥിയായി വിജയിച്ചു.