Activate your premium subscription today
മലപ്പുറം ∙ നിലമ്പൂർ മണ്ഡലത്തിലെ അടിസ്ഥാന വോട്ടുകളുടെ എണ്ണമെടുത്താൽ തന്നെ വ്യക്തമായ മേൽക്കയ്യുണ്ടെന്ന് യുഡിഎഫിന് ആത്മവിശ്വാസം. എന്നാൽ, സ്ഥാനാർഥിയുടെ മണ്ഡലത്തിലെ ബന്ധങ്ങളും മുഖ്യമന്ത്രിയുടെ പ്രചാരണവും നേട്ടമുണ്ടാക്കുമെന്നാണ് എൽഡിഎഫ് കണക്കുകൂട്ടൽ. ഇതിനിടെ, നിയമസഭാ തിരഞ്ഞെടുപ്പിൽ നിലമ്പൂരിന്റെ ചരിത്രത്തിലെ ഏറ്റവും കൂടിയ വോട്ടാണ് എൻഡിഎ ലക്ഷ്യമിടുന്നത്.
കോട്ടയം / തിരുവനന്തപുരം ∙ നിലമ്പൂരിൽ മത്സരിക്കണോ എന്നു തീരുമാനിക്കാൻ ബിഡിജെഎസ് പ്രസിഡന്റ് തുഷാർ വെള്ളാപ്പള്ളിയുടെ അധ്യക്ഷതയിൽ ഇന്നു യോഗം ചേരും. ജില്ലാ പ്രസിഡന്റുമാരും സംസ്ഥാന എക്സിക്യൂട്ടീവ് അംഗങ്ങളും പങ്കെടുക്കും. മത്സരിക്കാനാണു തീരുമാനമെങ്കിൽ സ്ഥാനാർഥിനിർണയവും ഇന്നുണ്ടായേക്കും. മലപ്പുറം ജില്ലാ പ്രസിഡന്റും നിലമ്പൂർ യൂണിയൻ സെക്രട്ടറിയുമായ ഗിരീഷ് മേക്കാട്, ബിഡിജെഎസ് സംസ്ഥാന ജനറൽ സെക്രട്ടറിയും ഓർത്തഡോക്സ് സഭ മാനേജിങ് കമ്മിറ്റിയംഗവുമായ പൈലി വാത്തിയാട്ട് എന്നിവരുടെ പേരുകളാണു സജീവ പരിഗണനയിലുള്ളത്.
മലപ്പുറം ∙ യുഡിഎഫുമായി ധാരണയിലെത്തിയില്ലെങ്കിൽ നിലമ്പൂരിൽ മത്സരിക്കാൻ പി.വി.അൻവർ തയാറെടുക്കുന്നു. നാളെ പത്രിക നൽകും. നാമനിർദേശ പത്രികകൾക്കൊപ്പം സമർപ്പിക്കാനുള്ള രേഖകൾ തയാറാക്കിയിട്ടുണ്ട്. നാമനിർദേശപത്രിക നൽകിയാലും യുഡിഎഫുമായി ധാരണയ്ക്ക് ശ്രമം തുടരും. പത്രിക പിൻവലിക്കാനുള്ള സമയം അവസാനിക്കുന്ന 5 വരെ ചർച്ചകൾ തുടരാനാണു തീരുമാനം.
മലപ്പുറം ∙ താത്വികാവലോകനം നടത്തുന്ന അതേ വഴക്കത്തോടെ രാഷ്ട്രീയ എതിരാളികൾക്കു നേരെ വാക്ശരമെയ്യാനും മിടുക്കനാണു സിപിഎം സംസ്ഥാന സെക്രട്ടേറിയറ്റംഗം എം.സ്വരാജ് (46). മാർദവമില്ലാതെ പാർട്ടിക്കായി പ്രതിരോധം തീർക്കുന്നതാണു ശൈലിയെങ്കിലും എഴുതിയ പുസ്തകങ്ങളിലൊന്നു പൂക്കളെക്കുറിച്ചാണ്. വാക്കിലും നോക്കിലും ഇടപടലിലും പാർട്ടിലൈൻ ലക്ഷ്മണരേഖയാക്കിയ യുവനേതാവിനെ രാഷ്ട്രീയ ജീവിതത്തിലെ ഏറ്റവും വലിയ പരീക്ഷണങ്ങളിലൊന്നാണു നിലമ്പൂരിൽ കാത്തിരിക്കുന്നത്. ഏറനാടിന്റെ ചെ ഗവാരയെന്നു സഖാക്കൾ സ്നേഹത്തോടെ വിളിച്ചിരുന്ന കെ.കുഞ്ഞാലിയാണ് സിപിഎം ചിഹ്നത്തിൽ നിലമ്പൂരിൽനിന്നു ജയിച്ച അവസാന എംഎൽഎ. 58 വർഷത്തിനു ശേഷം കുഞ്ഞാലിയുടെ മണ്ണിൽ അരിവാൾ ചുറ്റിക നക്ഷത്ര ചിഹ്നത്തിലൊരു ജയമാണു സ്വരാജിനെ ഏൽപിച്ചിരിക്കുന്ന ദൗത്യം.
തിരുവനന്തപുരം/മലപ്പുറം ∙ നിലമ്പൂരിലെ എൽഡിഎഫ് സ്ഥാനാർഥിയെ ഇന്നു ചേരുന്ന സിപിഎം സംസ്ഥാന സെക്രട്ടേറിയറ്റ് യോഗം തീരുമാനിക്കും. രാവിലെ പത്തിനു ചേരുന്ന സിപിഎം സെക്രട്ടേറിയറ്റ് യോഗത്തിനു ശേഷം 3 മണിക്ക് എൽഡിഎഫ് യോഗവും വിളിച്ചിട്ടുണ്ട്. ന്യൂനപക്ഷ വിഭാഗത്തിൽനിന്നുള്ള സ്വതന്ത്ര സ്ഥാനാർഥിക്കാണു കൂടുതൽ സാധ്യത. അങ്ങനെയെങ്കിൽ, നിലമ്പൂർ ജില്ലാ ആശുപത്രി സൂപ്രണ്ട് ഡോ.ഷിനാസ് ബാബുവിന്റെ പേരിനാണു മുൻതൂക്കം. പാർട്ടി ചിഹ്നത്തിലാണു സ്ഥാനാർഥിയെങ്കിൽ ജില്ലാ പഞ്ചായത്ത് അംഗം ഷെറോണ റോയിക്കാണു സാധ്യത.
തിരുവനന്തപുരം ∙ നിയമസഭാ തിരഞ്ഞെടുപ്പിൽ ശോഭാ സുരേന്ദ്രനെ കായംകുളത്തും വി.മുരളീധരനെ ആറ്റിങ്ങലിലും കെ.സുരേന്ദ്രനെ കഴക്കൂട്ടത്തും മൽസരിപ്പിച്ചു നേട്ടം കൊയ്യാൻ ബിജെപി ഒരുങ്ങുന്നുവെന്നു വിവരം. മുതിർന്ന നേതാക്കളെ മുന്നിൽനിർത്തി നിലവിലെ സാമൂഹിക, രാഷ്ട്രീയ സാഹചര്യങ്ങള്‍ പരമാവധി മുതലെടുത്ത് തിരഞ്ഞെടുപ്പിൽ ‘പ്രിസിഷൻ അറ്റാക്കി’നാണ് രാജീവ് ചന്ദ്രശേഖറിന്റെ നേതൃത്വത്തില്‍ പാര്‍ട്ടി ശ്രമിക്കുന്നത്.
ന്യൂഡൽഹി ∙ ഡൽഹി നിയമസഭാ തിരഞ്ഞെടുപ്പിൽ തങ്ങളുടെ സ്ഥാനാർഥികൾക്കായി പാർട്ടി നൽകിയത് 17 കോടി രൂപയാണെന്ന് ബിജെപി. 68 സ്ഥാനാർഥികൾക്ക് 25 ലക്ഷം രൂപ വീതം നൽകിയെന്ന് ബിജെപി തിരഞ്ഞെടുപ്പു കമ്മിഷനു നൽകിയ കണക്കുകളിൽ വ്യക്തമാക്കി. മറ്റു ചെലവുകൾ കൂടി കണക്കിലെടുക്കുമ്പോൾ ബിജെപിയാണു മുന്നിൽ.
തിരുവനന്തപുരം ∙ സംസ്ഥാനത്തു നിയമസഭാ, തദ്ദേശ തിരഞ്ഞെടുപ്പുകൾക്ക് ഒറ്റ വോട്ടർ പട്ടിക നടപ്പാക്കാനുള്ള നീക്കം ഉപേക്ഷിച്ചു. കേന്ദ്ര തിരഞ്ഞെടുപ്പ് കമ്മിഷന്റെ കേരളത്തിലെ മുഖ്യ തിരഞ്ഞെടുപ്പ് ഓഫിസർ ഡോ.രത്തൻ യു.ഖേൽക്കറും തദ്ദേശ തിരഞ്ഞെടുപ്പിന്റെ ചുമതലക്കാരനായ സംസ്ഥാന തിരഞ്ഞെടുപ്പ് കമ്മിഷണർ എ.ഷാജഹാനും ഉൾപ്പെടെ ഉദ്യോഗസ്ഥർ പങ്കെടുത്ത യോഗത്തിലാണു തീരുമാനം.
ന്യൂഡൽഹി ∙ കേരളത്തിൽ ഉൾപ്പെടെ നിയമസഭാ തിരഞ്ഞെടുപ്പുകളിൽ ജില്ലയിലെ ഓരോ സ്ഥാനാർഥിയുടെയും വിജയം ഉറപ്പാക്കേണ്ടത് ഡിസിസി അധ്യക്ഷന്മാരാണെന്ന് കോൺഗ്രസ് അധ്യക്ഷൻ മല്ലികാർജുൻ ഖർഗെ. ഡൽഹിയിൽ ഡിസിസി അധ്യക്ഷന്മാരുടെ യോഗത്തിൽ സംസാരിക്കുകയായിരുന്നു അദ്ദേഹം. നമ്മൾ ഒരുമിച്ചു പ്രവർത്തിക്കും, നിങ്ങൾ ഞങ്ങളുടെ ആദ്യ പ്രതിരോധ നിരയാണ്. ഞങ്ങളുടെ തന്ത്രം ആസൂത്രണം ചെയ്യുന്നതിൽ നിങ്ങളുടെ അഭിപ്രായങ്ങൾ നിർണായകമാകും. അവ ഞങ്ങൾ കണക്കിലെടുക്കുമെന്നും ഖർഗെ പറഞ്ഞു.
കോട്ടയം ∙ നിയമസഭാ തിരഞ്ഞെടുപ്പിൽ കൂടുതൽ സീറ്റുകൾ വേണമെന്ന ആവശ്യവുമായി യുഡിഎഫ് ഘടകകക്ഷികൾ. ആവശ്യങ്ങൾ കേട്ട് കോൺഗ്രസ് നേതൃത്വം. കേരള കോൺഗ്രസ് (ജേക്കബ്) വിഭാഗവും സിഎംപിയും കൂടുതൽ സീറ്റുകൾ ചോദിച്ചപ്പോൾ മുസ്‌ലിം ലീഗും കേരള കോൺഗ്രസും തിരഞ്ഞെടുപ്പ് ഒരുക്കം സംബന്ധിച്ച നിർദേശങ്ങളിൽ ചർച്ചയൊതുക്കി.
Results 1-10 of 186
