Activate your premium subscription today
കീവ് ∙ 30 ദിവസത്തേക്കു വെടിനിർത്തണമെന്ന യുക്രെയ്നിന്റെ ആവശ്യം തള്ളിയ റഷ്യ ഡ്രോണാക്രമണം വീണ്ടും ശക്തമാക്കി. തുർക്കിയിലെ ഇസ്തംബുളിൽ നേരിട്ടുകണ്ടു ചർച്ച നടത്താനുള്ള റഷ്യൻ പ്രസിഡന്റ് വ്ലാഡിമിർ പുട്ടിന്റെ ക്ഷണം യുക്രെയ്ൻ പ്രസിഡന്റ് വൊളോഡിമിർ സെലെൻസ്കി സ്വീകരിച്ചതിനു പിന്നാലെ റഷ്യയുടെ ഭാഗത്തുനിന്നു വെടിനിർത്തലുണ്ടാകുമെന്ന പ്രതീക്ഷ വെറുതേയായി. കൂടിക്കാഴ്ചയ്ക്കായി വ്യാഴാഴ്ച ഇസ്തംബുളിൽ പുട്ടിനെ കാത്തിരിക്കുമെന്നു സെലെൻസ്കി പറഞ്ഞതിനും റഷ്യയുടെ മറുപടിയില്ല.
മോസ്കോ കീവ് ∙ യുദ്ധം നിർത്താൻ യുക്രെയ്നുമായി നേരിട്ടു ചർച്ചയാകാമെന്ന് റഷ്യൻ പ്രസിഡന്റ് വ്ലാഡിമിർ പുട്ടിൻ. തുർക്കിയിലെ ഇസ്തംബുളിൽ അടുത്ത വ്യാഴാഴ്ച നേരിട്ടു ചർച്ച നടത്താമെന്ന നിർദേശമാണ് പുട്ടിൻ ഇന്നലെ മുന്നോട്ടു വച്ചത്. ചർച്ചയ്ക്കു തയാറാണെങ്കിലും ആദ്യം റഷ്യ വെടിനിർത്തണമെന്ന് യുക്രെയ്ൻ പ്രസിഡന്റ് വൊളോഡിമിർ സെലെൻസ്കി പ്രതികരിച്ചു.
കീവ് ∙ റഷ്യയുമായി വെടിനിർത്തൽ സാധ്യമാകുമെന്നാണ് പ്രതീക്ഷയെന്ന് യുക്രെയ്ൻ പ്രസിഡന്റ് വൊളോഡിമിർ സെലെൻസ്കി. തുർക്കിയിൽ പുട്ടിനുമായി കൂടികാഴ്ച നടത്താൻ കാത്തിരിക്കുകയാണെന്നും സെലെൻസ്കി പറഞ്ഞു. വ്യാഴാഴ്ച തുർക്കിയിൽ നേരിട്ടുള്ള ചർച്ച നടത്താമെന്ന റഷ്യ പ്രസിഡന്റ് വ്ലാഡിമിർ പുട്ടിന്റെ നിർദേശം അംഗീകരിക്കാൻ യുക്രെയ്നോട് യുഎസ് പ്രസിഡന്റ് ഡോണൾഡ് ട്രംപ് ആവശ്യപ്പെട്ടതിനു പിന്നാലെയാണ് വൊളോഡിമിർ സെലെൻസ്കിയുടെ പ്രതികരണം.
ന്യൂഡൽഹി ∙ പഹല്‍ഗാം ഭീകരാക്രമണത്തിനു പിന്നാലെ ഭീകരവാദത്തിനെതിരെയുള്ള ഇന്ത്യയുടെ തുടർനീക്കങ്ങൾക്ക് പൂർണ പിന്തുണ പ്രഖ്യാപിച്ച് റഷ്യ. റഷ്യന്‍ പ്രസിഡന്റ് വ്ളാഡിമിർ പുട്ടിൻ പ്രധാനമന്ത്രി നരേന്ദ്ര മോദിയെ ഫോണില്‍ വിളിച്ചാണ് പിന്തുണ അറിയിച്ചത്. ആക്രമണത്തിനു പിന്നിലെ കുറ്റവാളികളെയും അവരെ പിന്തുണയ്ക്കുന്നവരെയും നിയമത്തിനു മുന്നില്‍ കൊണ്ടുവരണമെന്ന് പുട്ടിൻ പറഞ്ഞതായി വിദേശകാര്യ മന്ത്രാലയ വക്താവ് രണ്‍ധീര്‍ ജയ്സ്വാള്‍ പറഞ്ഞു.
കീവ് ∙ റഷ്യൻ പ്രസിഡന്റ് വ്ലാഡിമിർ പുട്ടിൻ മൂന്നു ദിവസത്തെ വെടിനിർത്തൽ വാഗ്ദാനം ചെയ്തതിനുപിന്നാലെ യുക്രെയ്നിലെ ഡിനിപ്രോപെട്രോവ്സ്ക് മേഖലയിൽ റഷ്യൻ സേന കനത്ത ആക്രമണം നടത്തി. 20 ഡ്രോണുകളും 31 നിയന്ത്രിത ബോംബുകളും ഉപയോഗിച്ചു നടത്തിയ ആക്രമണത്തിൽ 12 വയസ്സുള്ള പെൺകുട്ടി കൊല്ലപ്പെട്ടു. ഒട്ടേറെ പേർക്കു പരുക്കേറ്റു. ഡ്രോണിന്റെ അവശിഷ്ടങ്ങൾ വീണുണ്ടായ തീപിടിത്തത്തിൽ കനത്തനാശമുണ്ടായി. രണ്ടാംലോക യുദ്ധത്തിൽ 1945ൽ നാത്‍സികൾക്കെതിരെ റഷ്യ നേടിയ വിജയത്തിന്റെ ആഘോഷദിനമായ മേയ് 8 മുതൽ 3 ദിവസത്തെ വെടിനിർത്തലാണ് പുട്ടിൻ വാഗ്ദാനം ചെയ്തത്.
മോറിസ്ടൗൺ (ന്യൂജഴ്സി,യുഎസ്) ∙ പതിനൊന്നു വർഷം മുൻപ് റഷ്യ സ്വന്തമെന്നു പ്രഖ്യാപിച്ച ക്രൈമിയ വിട്ടുതരാൻ യുക്രെയ്ൻ പ്രസിഡന്റ് വൊളോഡിമിർ സെലെൻസ്കി തയാറായേക്കുമെന്ന് യുഎസ് പ്രസിഡന്റ് ഡോണൾഡ് ട്രംപ് പറഞ്ഞു. യുക്രെയ്നിലെ ആക്രമണം റഷ്യ അവസാനിപ്പിക്കണമെന്ന് ശക്തമായി ആവശ്യപ്പെട്ടായിരുന്നു ക്രൈമിയ സംബന്ധിച്ച് ട്രംപിന്റെ പ്രഖ്യാപനം. റോമിൽ സെലെൻസ്കിയുമായി ചർച്ച നടത്തിയപ്പോൾ, യുക്രെയ്നിൽ സമാധാനം കൊണ്ടുവരാനായി റഷ്യയ്ക്ക് ക്രൈമിയ വിട്ടുനൽകാൻ അദ്ദേഹം തയാറാണെന്ന പ്രതീതിയാണ് ഉണ്ടായതെന്നും ട്രംപ് പറഞ്ഞു
വത്തിക്കാൻ സിറ്റി ∙ യുക്രെയ്നിലെ ജനവാസ മേഖലകളിൽ നടത്തിയ ആക്രമണങ്ങളിൽ റഷ്യൻ പ്രസിഡന്റ് വ്ലാഡിമിർ പുട്ടിനെ വിമർശിച്ച് യുഎസ് പ്രസിഡന്റ് ഡോണൾഡ് ട്രംപ്. ഫ്രാൻസിസ് മാർപാപ്പയുടെ സംസ്കാരച്ചടങ്ങിനിടെ ക്രെയ്ൻ പ്രസിഡന്റ് വൊളോഡിമിർ സെലെൻസ്കിയുമായി നടത്തിയ കൂടിക്കാഴ്ചയ്ക്കു പിന്നാലെ തന്റെ സമൂഹമാധ്യമമായ ട്രൂത്ത് സോഷ്യലിലെ പോസ്റ്റിലാണ് ട്രംപിന്റെ വിമർശനം.
വാഷിങ്ടൻ∙ റഷ്യയും യുക്രെയ്നും വെടിനിർത്തൽ കരാറിന് വളരെ അടുത്താണെന്ന് യുഎസ് പ്രസിഡന്റ് ഡോണൾഡ് ട്രംപ്. ഫ്രാൻസിസ് മാർപാപ്പയുടെ സംസ്കാര ചടങ്ങിൽ പങ്കെടുക്കാൻ വെള്ളിയാഴ്ച വൈകുന്നേരത്തോടെ റോമിൽ എത്തിയ ട്രംപ് റഷ്യയുമായും യുക്രെയ്‌നുമായും ഉള്ള ചർച്ചകളിലും കൂടിക്കാഴ്ചകളിലും ഇത് ഒരു നല്ല ദിവസമായിരുന്നു എന്ന് പറഞ്ഞു.
വാഷിങ്ടൻ ∙ വ്ലാഡിമിർ, നിർത്തൂ. ഓരോ ആഴ്ചയും 5000 പട്ടാളക്കാരാണ് മരിക്കുന്നത്. സമാധാന ഉടമ്പടി യാഥാർഥ്യമാക്കൂ– യുഎസ് പ്രസിഡന്റ് ഡോണൾഡ് ട്രംപ് ആവശ്യപ്പെട്ടു. റഷ്യൻ പ്രസിഡന്റ് വ്ലാഡിമിർ പുട്ടിനെ പേരെടുത്തു പറഞ്ഞാണ് ട്രംപ് വിമർശിച്ചത്. ഇത് അപൂർവ നടപടിയാണെന്നാണ് വിലയിരുത്തൽ. റഷ്യ ഇന്നലെ യുക്രെയ്നിൽ നടത്തിയ ആക്രമണത്തിൽ താൻ അസ്വസ്ഥനാണെന്നും ട്രംപ് പറഞ്ഞു.
ശ്രീനഗർ ∙ ജമ്മു കശ്മീരിലെ പഹൽഗാം ഭീകരാക്രമണത്തെ യുഎസ് പ്രസിഡന്റ് ഡൊണാൾഡ് ട്രംപ് , റഷ്യൻ പ്രസിഡന്റ് വ്‌ളാദ്മിർ പുടിൻ, ഇറ്റാലിയൻ പ്രധാനമന്ത്രി ജോർജിയ മെലോണി തുടങ്ങിയവർ അപലപിച്ചു.‘കശ്മീരിൽ നിന്ന് പുറത്തുവരുന്ന വാർത്തകൾ വളരെ അസ്വസ്ഥത ഉളവാക്കുന്നതാണ്. ഭീകരതയ്ക്കെതിരെ അമേരിക്ക ഇന്ത്യയ്ക്കൊപ്പം ശക്തമായി
Results 1-10 of 696
