Activate your premium subscription today
ബത്തേരി ∙ ആത്മഹത്യ ചെയ്ത ഡിസിസി ട്രഷറർ എൻ.എം.വിജയന്റെ കുടുംബത്തെ സന്ദർശിച്ച് കെപിസിസി ഉപസമിതി. തിരുവഞ്ചൂർ രാധാകൃഷ്ണന്റെ നേതൃത്വത്തിലുള്ള സംഘമാണ് കുടുംബാംഗങ്ങളെ കണ്ടത്. കുടുംബത്തിന്റെ എല്ലാ പ്രശ്നവും പരിഹരിക്കുമെന്ന് തിരുവഞ്ചൂർ മാധ്യമങ്ങളോടു പറഞ്ഞു. കുടുംബത്തെ ആശ്വസിപ്പിക്കുക എന്നതിനാണ് പ്രഥമ പരിഗണന നൽകിയത്. കുടുംബത്തിന് പറയാനുള്ളത് മുഴുവൻ കേട്ടു. കെപിസിസി നേതൃത്വത്തിന് റിപ്പോർട്ട് നൽകും. സംഭവവുമായി ബന്ധപ്പെട്ട് പ്രവർത്തകർ പരസ്യ പ്രസ്താവന ഒഴിവാക്കണമെന്നും തിരുവഞ്ചൂർ പറഞ്ഞു.
കൽപറ്റ∙ വയനാട് ഡിസിസി ട്രഷറര് എന്.എം.വിജയന്റെയും മകന്റെയും മരണവുമായി ബന്ധപ്പെട്ട് ഉയര്ന്ന ആരോപണങ്ങളെക്കുറിച്ചും വിവാദങ്ങളെക്കുറിച്ചും അന്വേഷിച്ച് കെപിസിസിക്ക് റിപ്പോര്ട്ട് സമര്പ്പിക്കാന് സമിതിയെ നിയോഗിച്ചു. കെപിസിസി അച്ചടക്ക സമിതി ചെയര്മാന് തിരുവഞ്ചൂര് രാധാകൃഷ്ണന്, കെപിസിസി വര്ക്കിങ് പ്രസിഡന്റ് ടി.എന്.പ്രതാപന്, രാഷ്ട്രീയകാര്യ സമിതി അംഗം സണ്ണി ജോസഫ്, കെപിസിസി ജനറല് സെക്രട്ടറി കെ. ജയന്ത് എന്നിവരാണ് സമിതിയിൽ ഉള്ളത്.
കണ്ണൂർ ∙ മാടായി കോളജിലെ നിയമനവുമായി ബന്ധപ്പെട്ട തർക്കത്തിൽ പരസ്യ പ്രതിഷേധങ്ങൾ ഇനിയുണ്ടാകില്ലെന്ന് കെപിസിസി അച്ചടക്കസമിതി അധ്യക്ഷൻ തിരുവഞ്ചൂർ രാധാകൃഷ്ണൻ. പ്രകടനങ്ങളും പ്രസ്താവനകളും പോസ്റ്റർ ഒട്ടിക്കലും ആവർത്തിക്കില്ല. തർക്കം പഠിച്ച് റിപ്പോർട്ട് നൽകാനെത്തിയ കെപിസിസി ഉപസമിതി ഇരുപക്ഷവുമായി നടത്തിയ ചർച്ചയ്ക്കു ശേഷമായിരുന്നു തിരുവഞ്ചൂരിന്റെ പ്രതികരണം. പാർട്ടി അച്ചടക്കത്തിനു വിധേയമായി മാത്രമേ മുന്നോട്ടുപോകൂ എന്ന ഉറപ്പു ലഭിച്ചിട്ടുണ്ട്. നിയമനങ്ങൾ സംബന്ധിച്ച കാര്യങ്ങളിൽ പാർട്ടി ഇടപെടില്ല.
കോട്ടയം ∙ കോട്ടയത്തിന്റെ അഭിമാനമാകേണ്ട ആകാശപ്പാത ഇല്ലാതാക്കരുതെന്നു തിരുവഞ്ചൂർ രാധാകൃഷ്ണൻ എംഎൽഎ. ഊരാളുങ്കൽ സൊസൈറ്റിക്കു കരാർ ലഭിച്ചില്ലെന്ന പേരിൽ പദ്ധതിയെ നശിപ്പിക്കരുതെന്നും അദ്ദേഹം പറഞ്ഞു. മുൻ സർക്കാർ കൊണ്ടുവന്ന വിഴിഞ്ഞം പദ്ധതിയും കൊച്ചി വാട്ടർ മെട്രോയും തുടർന്നുകൊണ്ടു പോകാൻ പിണറായി സർക്കാർ തയാറായി. എന്നാൽ രണ്ടു തവണ മുഖ്യമന്ത്രിയായിരുന്ന ഉമ്മൻ ചാണ്ടി സ്വന്തം ജില്ലയിൽ തറക്കല്ലിട്ട ആകാശപ്പാതയ്ക്കു തടസ്സം നിന്നു. മാറിവരുന്ന സർക്കാരുകൾ ഇങ്ങനെ പെരുമാറുന്നതു ശരിയല്ലെന്നും തിരുവഞ്ചൂർ പറഞ്ഞു.
ആകാശപ്പാതയ്ക്ക് ബലമില്ലെന്നും മേൽക്കൂര പൊളിച്ചുനീക്കണമെന്നുമുള്ള റിപ്പോർട്ടിനു പിന്നിൽ ഗൂഢാലോചനയുണ്ടെന്ന് കോട്ടയം എംഎൽഎ തിരുവഞ്ചൂർ രാധാകൃഷ്ണൻ പറഞ്ഞു. കോട്ടയം മണ്ഡലത്തിലെ വികസന പ്രവർത്തനങ്ങളെല്ലാം സർക്കാർ തടഞ്ഞുവയ്ക്കുകയാണ്. ‘ഇലക്ഷൻ മാനിയ’ പിടിപ്പെട്ട സർക്കാരിനു വെപ്രാളമാണെന്നും തിരുവഞ്ചൂർ കുറ്റപ്പെടുത്തി. തിരുവഞ്ചൂർ രാധാകൃഷ്ണൻ മനോരമ ഓൺലൈനോട് സംസാരിക്കുന്നു.
കോട്ടയം ∙ നഗരത്തിലെ ആകാശപ്പാതയുടെ (സ്കൈവോക്) മേൽക്കൂര പൊളിച്ചുനീക്കണമെന്നു വിദഗ്ധ സമിതി റിപ്പോർട്ട്. തുരുമ്പെടുത്ത പൈപ്പുകൾ വേഗം നീക്കം ചെയ്യണമെന്നും കേരള റോഡ് സുരക്ഷാ അതോറിറ്റിയുടെ നിർദേശപ്രകാരം പാലക്കാട് ഐഐടി, ചെന്നൈയിലെ സ്ട്രക്ചറൽ എൻജിനീയറിങ് റിസർച് സെന്റർ എന്നിവർ നടത്തിയ ബലപരിശോധനാ റിപ്പോർട്ട് നിർദേശിക്കുന്നു. അടിസ്ഥാന തൂണുകൾ ഒഴികെ മേൽക്കൂര മുഴുവൻ നീക്കണമെന്നാണു റിപ്പോർട്ടിൽ പറയുന്നത്.
തിരുവനന്തപുരം ∙ ദേശീയ ദിനപത്രത്തിന് അഭിമുഖം നൽകുന്ന സമയത്തു പിആർ ഏജൻസി പ്രതിനിധിയുടെ സാന്നിധ്യമുണ്ടായിരുന്നെന്നു നേരത്തേ വാർത്താ സമ്മേളനത്തിൽ സമ്മതിച്ച മുഖ്യമന്ത്രി പിണറായി വിജയൻ നിയമസഭയിൽ ഇതു സംബന്ധിച്ച ചോദ്യത്തിനു മറുപടി പറയാതെ ഒഴിഞ്ഞു. തിരുവഞ്ചൂർ രാധാകൃഷ്ണന്റേതായിരുന്നു ചോദ്യം.
തിരുവനന്തപുരം ∙ തദ്ദേശ തിരഞ്ഞെടുപ്പ് ഒരുക്കത്തിനുള്ള മിഷൻ 2025 പ്രവർത്തനങ്ങളുടെ പേരിൽ കോൺഗ്രസിലുണ്ടായ ഭിന്നതയെക്കുറിച്ച് അന്വേഷിച്ച അച്ചടക്കസമിതി ചെയർമാൻ തിരുവഞ്ചൂർ രാധാകൃഷ്ണൻ എഐസിസിക്കു റിപ്പോർട്ട് നൽകി. ചില വിഷയങ്ങളിൽ പ്രതിപക്ഷ നേതാവും കെപിസിസി പ്രസിഡന്റും തമ്മിലുള്ള അഭിപ്രായ ഭിന്നതയെത്തുടർന്ന്, ഒപ്പം നിൽക്കുന്നവർ പാർട്ടി വിരുദ്ധ വാർത്തകൾ ചോർത്തുന്ന സംഭവങ്ങളാണു പ്രധാനമായും അന്വേഷിച്ചത്. എഐസിസി ജനറൽ സെക്രട്ടറി ദീപാ ദാസ്മുൻഷിക്കാണു റിപ്പോർട്ട് കൈമാറിയത്.
തിരുവനന്തപുരം ∙ വയനാട് ക്യാംപിലെ തീരുമാനങ്ങൾ നടപ്പാക്കാൻ ശ്രമിച്ച തനിക്കെതിരെ ചില കെപിസിസി ഭാരവാഹികൾ വിമർശനമുന്നയിച്ചെങ്കിലും തദ്ദേശതിരഞ്ഞെടുപ്പിനുള്ള ‘മിഷൻ 2025’ പ്രവർത്തനങ്ങളിൽ പ്രതിപക്ഷ നേതാവ് വി.ഡി.സതീശൻ ഇന്നു മുതൽ സജീവമാകും. ഇന്നു മലപ്പുറത്തു ജില്ലാ ക്യാംപിൽ അദ്ദേഹം പങ്കെടുക്കുമെന്നാണു വിവരം. കെപിസിസി ഭാരവാഹിയോഗത്തിലെ വിമർശനങ്ങൾ മാധ്യമങ്ങൾക്കു നൽകിയതിൽ എഐസിസി നേതൃത്വം ഇടപെട്ട് അന്വേഷണം പ്രഖ്യാപിച്ചതു പ്രതിപക്ഷ നേതാവിനെ തണുപ്പിച്ചിട്ടുണ്ട്.
തിരുവനന്തപുരം∙ പ്രതിപക്ഷ നേതാവ് വി.ഡി.സതീശനെതിരെ പാർട്ടിയിൽ നിന്നു വാർത്ത ചോർത്തിയവരെ കണ്ടെത്താൻ അന്വേഷണത്തിനു നിർദേശിച്ച് കോൺഗ്രസ് ഹൈക്കമാൻഡ്. അച്ചടക്ക സമിതി അധ്യക്ഷൻ തിരുവഞ്ചൂർ രാധാകൃഷ്ണനാണ് അന്വേഷണച്ചുമതല. എത്രയും പെട്ടെന്ന് റിപ്പോർട്ട് നൽകാൻ ആവശ്യപ്പെട്ട് എഐസിസി ജനറൽ സെക്രട്ടറി ദീപാദാസ് മുൻഷി അയച്ച കത്തിൽ ഇത്തരം പ്രവണതകൾ അനുവദിക്കില്ലെന്ന ശക്തമായ മുന്നറിയിപ്പും നൽകി.
Results 1-10 of 179
