Activate your premium subscription today
ന്യൂഡൽഹി ∙ ‘ഓപ്പറേഷൻ സിന്ദൂർ’ വിജയം രാഷ്ട്രീയനേട്ടമാക്കാനുള്ള ശ്രമം പാളയത്തിലെ നാക്കുപിഴകളിൽ പാളിയതോടെ മധ്യപ്രദേശിലെ നേതാക്കൾക്കായി പ്രസംഗ പരിശീലന ക്യാംപുകൾ സംഘടിപ്പിക്കാൻ ബിജെപി ഒരുങ്ങുന്നു. പ്രസംഗം വിവാദമാകുന്നത് ഒഴിവാക്കാനും ആശയവിനിമയം ഫലപ്രദമാക്കാനുമുള്ള പരിശീലനമാകും നൽകുക. അടുത്ത മാസം ഭോപാലിലാണ് ആദ്യ ക്യാംപ്.
കണ്ണൂര്‍∙ റാപ്പര്‍ വേടനെ വേട്ടയാടാന്‍ അനുവദിക്കില്ലെന്ന് സിപിഎം സംസ്ഥാന സെക്രട്ടറി എം.വി. ഗോവിന്ദന്‍. വേടന്റെ പാട്ടുകേള്‍ക്കുമ്പോള്‍ ചില ഉദ്യോഗസ്ഥര്ക്ക് കണ്ണുകടിയാണെന്നും ആധുനിക സംഗീതത്തിന്റെ പടത്തലവനാണ് വേടനെന്നും എം.വി.ഗോവിന്ദന്‍ പറഞ്ഞു. നായനാര്‍ അക്കാദമിയില്‍ ഇ.കെ.നായനാര്‍ അനുസ്മരണയോഗം ഉദ്ഘാടനം ചെയ്യുകയായിരുന്നു അദ്ദേഹം.
ഹൈദരാബാദ് ∙ ‘ലോകസുന്ദരിപട്ടം’ മത്സരത്തിനായി തെലങ്കാനയിലെ ക്ഷേത്രം സന്ദർശിച്ച മത്സരാർഥികളുടെ കാൽ കഴുകാൻ സ്ത്രീകളെ നിയോഗിച്ചത് വിവാദമായി. രാമപ്പ ക്ഷേത്രം സന്ദർശിക്കാനെത്തിയ മത്സരാർഥികളുടെ കാൽ കഴുകാൻ സ്ത്രീകൾ സഹായിക്കുന്ന വിഡിയോ പുറത്തുവന്നിരുന്നു. ഇതോടെയാണ് തെലങ്കാനയെ പിടിച്ചുകുലുക്കുന്ന രാഷ്ട്രീയ വിവാദങ്ങൾക്ക് തുടക്കമായത്. തെലങ്കാനയിലെ വനിതകളെ അപമാനിക്കുന്ന സംഭവമാണ് നടന്നതെന്ന് ബിജെപിയും ബിആർഎസും ആരോപിച്ചു.
കോന്നി∙ വനം വകുപ്പ് ഓഫിസ് മാർച്ചിനിടെ വിവാദ പരാമർശവുമായി സിപിഎം സംസ്ഥാന കമ്മിറ്റി അംഗവും പത്തനംതിട്ട മുൻ ജില്ലാ സെക്രട്ടറിയുമായ കെ.പി.ഉദയഭാനു. ‘‘ഒരു സ്ഥലത്ത് വീട്ടിൽ നനച്ചിട്ടിരുന്ന തുണിയെല്ലാം കുരങ്ങ് എടുത്തുകൊണ്ടുപോയി. പണ്ടു നമ്മൾ പറയുമായിരുന്നു ശ്രീകൃഷ്ണനായിരുന്നു സ്ത്രീകളുടെ തുണിയെല്ലാം എടുത്തുകൊണ്ടുപോയിരുന്നതെന്ന്’’ – വന്യമൃഗശല്യത്തിനെതിരെ ഡിഎഫ്ഒ ഓഫിസിലേക്കു നടത്തിയ മാർച്ച് ഉദ്ഘാടനം ചെയ്യവെ ഉദയഭാനു പറഞ്ഞു.
പട്ന ∙ ബിഹാറിലെ ദർഭംഗ ജില്ലയിലെ പരിപാടിയിൽ പങ്കെടുക്കാൻ ലോക്സഭ പ്രതിപക്ഷനേതാവ് രാഹുൽ ഗാന്ധിക്ക് അധികൃതർ അനുമതി നിഷേധിച്ചെന്ന് കോൺഗ്രസ് ആരോപിച്ചു. ദർഭംഗയിലെ അംബേദ്കർ ഹോസ്റ്റലിൽ ഇന്നു നിശ്ചയിച്ചിരുന്ന ദലിത് വിദ്യാർഥികളുമായുള്ള രാഹുൽ ഗാന്ധിയുടെ സംവാദത്തിനാണു ജില്ലാ ഭരണകൂടം അനുമതി നിഷേധിച്ചത്. സംസ്ഥാനത്തെ ജെ‍ഡിയു–ബിജെപി സർക്കാരാണു നടപടിക്കു പിന്നിലെന്നു കോൺഗ്രസ് ആരോപിച്ചു.
ന്യൂഡൽഹി∙ കേണൽ സോഫിയ ഖുറേഷിക്കെതിരായ അധിക്ഷേപ പരാമർശത്തിൽ ബിജെപി നേതാവ് വിജയ് ഷായ്ക്കെതിരെ കേസെടുത്തു. വിജയ് ഷായ്ക്കെതിരെ പ്രാഥമിക അന്വേഷണ റിപ്പോർട്ട് (എഫ്ഐആർ) ഫയൽ ചെയ്യാൻ മധ്യപ്രദേശ് സംസ്ഥാന പൊലീസ് മേധാവിക്ക് ഹൈക്കോടതി നിർദേശം നൽകിയതിനെ തുടർന്ന് മാൻപൂർ പൊലീസാണ് കേസെടുത്തത്. ജാമ്യമില്ലാ വകുപ്പുകൾ ചുമത്തിയാണ് കേസെടുത്തത്. വിജയ് ഷായ്ക്കെതിരെ നടപടിയെടുക്കാൻ മുഖ്യമന്ത്രി മോഹൻ യാദവ് പൊലീസിന് നിർദേശം നൽകി.
ന്യൂഡൽഹി∙ കേണൽ സോഫിയ ഖുറേഷിക്കെതിരായ അധിക്ഷേപ പരാമർശത്തിൽ ബിജെപി നേതാവ് വിജയ് ഷായ്ക്കെതിരെ കേസെടുക്കാൻ നിർദേശിച്ച് മധ്യപ്രദേശ് ഹൈക്കോടതി. മധ്യപ്രദേശ് മന്ത്രിയായ വിജയ്, സോഫിയ ഖുറേഷിയെ ‘ഭീകരരുടെ സഹോദരി’ എന്നു വിളിച്ചത് വൻ വിവാദമായ പശ്ചാത്തലത്തിലാണ് കോടതിയുടെ നടപടി.
ഭോപാൽ ∙ കേണൽ സോഫിയ ഖുറേഷിക്കെതിരെ അധിക്ഷേപകരമായ പരാമർശം നടത്തിയതിന് മാപ്പ് പറയാൻ തയാറാണെന്ന് മധ്യപ്രദേശിലെ ബിജെപി മന്ത്രി വിജയ് ഷാ. സോഫിയ ഖുറേഷിയെ ‘ഭീകരവാദികളുടെ സഹോദരി’ എന്നു വിജയ് വിശേഷിപ്പിച്ചതു വിവാദമായിരുന്നു.
തൃശൂർ ∙ എഐസിസിയുടെ ഏക മലയാളി അധ്യക്ഷനായിരുന്ന ചേറ്റൂർ ശങ്കരൻനായരെ ‘സ്വന്തമാക്കാൻ’ ഈയിടെ ചടങ്ങുകളും ചർച്ചകളും സംഘടിപ്പിച്ച ബിജെപി, പ്രമുഖ ഗാന്ധിയനും കൊച്ചി, തിരുകൊച്ചി നിയമസഭകളിലെ അംഗവും പ്രജാമണ്ഡലം സ്ഥാപക നേതാവുമായിരുന്ന വി.ആർ. കൃഷ്ണനെഴുത്തച്ഛനെയും ഏറ്റെടുക്കാൻ ശ്രമം തുടങ്ങി. അദ്ദേഹത്തിന്റെ ജന്മനാടായ അവിണിശ്ശേരിയിൽ ഇന്നലെ കോൺഗ്രസ് അനുസ്മരണം നടത്തിയതിനുപിന്നാലെ ബിജെപിയും അനുസ്മരണം സംഘടിപ്പിച്ചു. കോൺഗ്രസിന്റെ അനുസ്മരണം മുൻ കെപിസിസി പ്രസിഡന്റ് വി.എം. സുധീരൻ ഉദ്ഘാടനം ചെയ്തപ്പോൾ ബിജെപിയുടെ ചടങ്ങ് മുൻ സംസ്ഥാന വൈസ് പ്രസിഡന്റ് ശോഭ സുരേന്ദ്രൻ ഉദ്ഘാടനം ചെയ്തു.
ന്യൂഡൽഹി ∙ വിവിധ സംസ്ഥാനങ്ങളിൽ ഒരേ നമ്പറിൽ നൽകിയിരുന്ന വോട്ടർ തിരിച്ചറിയൽ കാർഡുകൾ കേന്ദ്ര തിരഞ്ഞെടുപ്പു കമ്മിഷൻ പുതുക്കി. ഇരട്ടിപ്പ് ഒഴിവാക്കാനാണിത്. സംസ്ഥാനതലത്തിൽ കാർ‍ഡ് തയാറാക്കിയപ്പോൾ സംഭവിച്ച പിഴവാണു തിരുത്തിയത്. 4123 നിയമസഭാ മണ്ഡലങ്ങളിലായി 10.5 ലക്ഷം പോളിങ് സ്റ്റേഷനുകളിൽപെട്ട 99 കോടിയിലേറെ വോട്ടർമാരുടെ വിവരങ്ങൾ പരിശോധിച്ചാണ് ഇരട്ടിപ്പു കണ്ടെത്തി കാർഡുകൾ പുതുക്കിയതെന്നു കമ്മിഷൻ വ്യക്തമാക്കി.
Results 1-10 of 9354
