Activate your premium subscription today
തിരുവനന്തപുരം ∙ കേരള മുഖ്യമന്ത്രി പിണറായി വിജയന് ഇന്ന് 80–ാം പിറന്നാൾ. സംസ്ഥാനരാഷ്ട്രീയത്തിലും ഭരണത്തിലുമായി കടന്നുപോയത് പിണറായി സ്പർശമുള്ള കാൽനൂറ്റാണ്ട്. സിപിഎം രാഷ്ട്രീയവും വലിയൊരു പരിധി വരെ സംസ്ഥാന രാഷ്ട്രീയവും 1998 നു ശേഷം പിണറായി വിജയനിൽ കേന്ദ്രീകരിച്ചാണ്.
‘‘ഷര്‍ട്ടൂരുന്നത് പോലെ ശൈലി മാറ്റണമെന്ന് പറയുന്നത് മനുഷ്യ സാധ്യമാണോ. ഇനി പിണറായി ശൈലി മാറ്റിയെന്നിരിക്കട്ടെ പോയ വോട്ടുകള്‍ തിരിച്ചുവരുമോ. പിണറായി വിജയന് ഏറെ വര്‍ഷങ്ങളായി രാഷ്ട്രീയത്തിലുള്ള ആളാണ്. അദ്ദേഹത്തിന്റെ ശൈലി അറിഞ്ഞുകൊണ്ടാണ് ജനം അദ്ദേഹത്തെ മുഖ്യമന്ത്രിയാക്കിയത്’’. 2019ലെ ലോക്സഭാ തിരഞ്ഞെടുപ്പിനു പിന്നാലെ പിണറായിയുടെ ശൈലീമാറ്റത്തിനായി മുറവിളി ഉയർന്നപ്പോൾ അന്നത്തെ സിപിഐ സംസ്ഥാന സെക്രട്ടറി കാനം രാജേന്ദ്രൻ പറഞ്ഞ വാക്കുകളാണിത്. അതേ പിണറായി പിന്നീട് തുടർഭരണം നേടി. 2024ലെ ലോക്സഭാ തിരഞ്ഞെടുപ്പിൽ മുന്നണി പരാജയപ്പെട്ടപ്പോൾ ഒരിടത്തും പഴയ ശൈലീ മാറ്റം ചർച്ചയായില്ല. തുടർഭരണത്തിനായുള്ള മനക്കോട്ട കെട്ടി എൽഡിഎഫ് തിരഞ്ഞെടുപ്പ് വർഷത്തിലേക്ക് കടക്കുമ്പോൾ സർക്കാരിന്റെ ക്യാപ്റ്റന് വയസ്സ് 80 തികയുകയാണ്. എൺപത്തിമൂന്നാം വയസ്സിലാണ് വി.എസ്. അച്യുതാനന്ദൻ ആദ്യമായി സംസ്ഥാന മുഖ്യമന്ത്രിയാകുന്നത്. പിണറായി ആകട്ടെ എൺപതാം വയസ്സിൽ തന്റെ മൂന്നാം സർക്കാരിനായുള്ള കച്ച മുറുക്കുന്നു.
തിരുവനന്തപുരം∙ ബിജെപിക്ക് വലിയ തോതില്‍ ഇലക്ടറല്‍ ബോണ്ട് നല്‍കിയിട്ടുള്ള കമ്പനികള്‍ക്കാണ് ദേശീയപാത നിര്‍മാണത്തിന്റെ കരാര്‍ ലഭിച്ചിരിക്കുന്നതെന്നു സിപിഎം സംസ്ഥാന സെക്രട്ടറി എം.വി. ഗോവിന്ദന്‍. 980 കോടി രൂപ ബിജെപിക്ക് ഇലക്ടറല്‍ ബോണ്ട് കൊടുത്ത കമ്പനി വരെ പട്ടികയിലുണ്ടെന്നും ഗോവിന്ദന്‍ വാർത്താസമ്മേളനത്തിൽ പറഞ്ഞു.
തിരുവനന്തപുരം ∙ എസ്എഫ്ഐ മുന്‍ സംസ്ഥാന വൈസ് പ്രസിഡന്റ് ഗോകുല്‍ ഗോപിനാഥ് ബിജെപിയില്‍ ചേര്‍ന്നു. പാർട്ടി ആസ്ഥാനത്തു നടന്ന ചടങ്ങിൽ ബിജെപി സംസ്ഥാന അധ്യക്ഷൻ രാജീവ് ചന്ദ്രശേഖറിൽനിന്നാണ് അംഗത്വം സ്വീകരിച്ചത്. തിരുവനന്തപുരം എസ്എഫ്ഐ മുന്‍ ജില്ലാ സെക്രട്ടറിയായിരുന്ന ഗോകുല്‍, കുടപ്പനക്കുന്ന് സിപിഎം ലോക്കല്‍ കമ്മിറ്റി അംഗവും മണ്ണടി ബ്രാഞ്ച് സെക്രട്ടറിയുമായിരുന്നു.
കോട്ടയം ∙ സിപിഎം നേതാവ് ഇ.പി.ജയരാജന്റെ ആത്മകഥയായ ‘കട്ടൻ ചായയും പരിപ്പുവടയും’ പ്രസിദ്ധീകരിക്കുന്നതു സംബന്ധിച്ച് ഡിസി ബുക്സുമായുള്ള കേസിൽ അന്വേഷണം പൂർത്തിയായെന്നും ഈസ്റ്റ് പൊലീസ് ഉടൻ കുറ്റപത്രം സമർപ്പിക്കുമെന്നും ജില്ലാ പൊലീസ് മേധാവി എ.ഷാഹുൽ ഹമീദ് അറിയിച്ചു. ആത്മകഥയിൽ നിന്നുള്ള ചില ഭാഗങ്ങൾ ചേലക്കര ഉപതിരഞ്ഞെടുപ്പു സമയത്തു പുറത്തുവന്നതു രാഷ്ട്രീയ വിവാദമായിരുന്നു. തുടർന്നാണു ഡിസി ബുക്സിനെതിരെ ജയരാജൻ കേസ് കൊടുത്തത്.
തിരുവനന്തപുരം ∙ സ്മാർട് റോഡുകളുടെ ഉദ്ഘാടന ചടങ്ങുമായി ബന്ധപ്പെട്ട വിവാദത്തിൽ വസ്തുതാ വിരുദ്ധമായ വാർത്തയാണ് പ്രചരിക്കുന്നതെന്ന് മന്ത്രി എം.ബി. രാജേഷ്. പ്രചരിക്കുന്ന വാർത്ത അടിസ്ഥാനരഹിതമാണ്. ഇത്തരം വാർത്തകൾ ഒരു അന്വേഷണവുമില്ലാതെ കൊടുക്കുന്നത് അങ്ങേയറ്റത്തെ അന്യായമാണ്. ഇത് തിരഞ്ഞെടുപ്പ് വർഷമാണ്.
വണ്ടൻമേട് ∙ അന്യാർതൊളുവിൽ സംഘം ചേർന്നുള്ള മർദനത്തിൽ സിപിഎം ബ്രാഞ്ച് സെക്രട്ടറി ഉൾപ്പെടെ രണ്ടു പേർക്ക് പരുക്ക്. നാലു പേർ അറസ്റ്റിൽ. സിപിഎം അന്യാർതൊളു-എ ബ്രാഞ്ച് സെക്രട്ടറി സണ്ണി (52), ചാക്കോ (44) എന്നിവർക്കാണ് പരുക്കേറ്റത്. അന്യാർതൊളു സ്വദേശികളായ അർജുൻ(40), മണികണ്ഠൻ(30), ദേവേന്ദ്രൻ(24), മഹേന്ദ്രൻ(22) എന്നിവരാണ് അറസ്റ്റിലായത്. ഇവരെ റിമാൻഡ് ചെയ്തു. അതേസമയം, ബ്രാഞ്ച് സെക്രട്ടറി സണ്ണിയും സംഘവും തങ്ങളെ മർദിച്ചുവെന്നാരോപിച്ച് മറുവിഭാഗവും കമ്പംമെട്ട് പൊലീസിൽ പരാതി നൽകി. ഇവരുടെ പരാതിയിൽ സണ്ണി ഉൾപ്പെടെ 10 പേർക്കെതിരെ പൊലീസ് കേസെടുത്തു.
തിരുവനന്തപുരം∙ മട്ടന്നൂരിൽ യൂത്ത് കോൺഗ്രസ് പ്രവർത്തകൻ ഷുഹൈബ് കൊല്ലപ്പെട്ട കേസിൽ സിബിഐ അന്വേഷണം തടയാൻ ലക്ഷങ്ങൾ മുടക്കി സുപ്രീംകോടതി വരെ പോയ സർക്കാർ, വിചാരണയ്ക്കു സ്പെഷൽ പ്രോസിക്യൂട്ടറെ ആവശ്യപ്പെട്ടുള്ള ഷുഹൈബിന്റെ കുടുംബത്തിന്റെ ആവശ്യത്തിനും തടയിടുന്നു. സർക്കാർ നിയോഗിച്ച പ്രോസിക്യൂട്ടർമാരെ വിശ്വാസമില്ലാത്തതിനാൽ സ്പെഷൽ പ്രോസിക്യൂട്ടറെ തങ്ങളുടെ ചെലവിൽ ചുമതലപ്പെടുത്താൻ അനുമതി നൽകണമെന്ന അപേക്ഷയിൽ രണ്ടുമാസം കഴിഞ്ഞിട്ടും തീരുമാനമെടുത്തില്ല. ഇതു കേസിന്റെ വിചാരണാ നടപടികളെ ബാധിക്കും. സിപിഎം പ്രവർത്തകരാണു കേസിൽ പ്രതികൾ.
പാലക്കാട് ∙ ആശാസമരയാത്രയ്ക്ക് ഐക്യദാർഢ്യം പ്രഖ്യാപിച്ച് കവി റഫീക്ക് അഹമ്മദ് എഴുതിയ ഗാനത്തിന്റെ വരികളിൽ സംസ്ഥാന സർക്കാരിനും സിപിഎമ്മിനും വിമർശനം. ഗായകരായ കൊൽക്കത്ത സ്വദേശി ഗൗരവ് ഘോഷ്, ചങ്ങനാശേരി സ്വദേശി എസ്.അനന്തഗോപാൽ എന്നിവർ ചേർന്നാണ് ഈണം നൽകിയത്. അനന്തഗോപാൽ തന്നെയാണു പാടിയത്. ഗാനത്തിന്റെ ഓഡിയോ പാലക്കാട്ട് സമരയാത്രയുടെ വേദിയിൽ പ്രകാശനം ചെയ്തു.
കണ്ണൂർ∙ പഹൽഗാമിലെ ഭീകരാക്രമണത്തിൽ സുരക്ഷാ വീഴ്ചയുണ്ടായത് ഗൗരവമായി ചർച്ച ചെയ്യണമെന്ന് സിപിഎം ജനറൽ സെക്രട്ടറി എം.എ.ബേബി. രണ്ട് തരത്തിലുള്ള സുരക്ഷാ വീഴ്ച കശ്മീരിലുണ്ടായെന്നും അദ്ദേഹം പറഞ്ഞു. കല്യാശ്ശേരിയിൽ നടന്ന ഇ.കെ.നായനാർ അനുസ്മരണ സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. സുരക്ഷാ സേനയ്ക്ക് രണ്ട്
Results 1-10 of 9393
