Activate your premium subscription today
ശ്രീലങ്കയ്ക്കെതിരായ ടെസ്റ്റ് പരമ്പരയിൽ ഓസ്ട്രേലിയൻ ക്രിക്കറ്റ് ടീമിനെ മുൻനിര ബാറ്റർ സ്റ്റീവ് സ്മിത്ത് നയിക്കും. പാറ്റ് കമിൻസിനു പകരമാണ് സ്മിത്തിനു നറുക്കുവീണത്. അടുത്ത മാസം ആരംഭിക്കുന്ന ചാംപ്യൻസ് ട്രോഫി മുന്നിൽക്കണ്ട് മിച്ചൽ മാർഷ്, ജോഷ് ഹെയ്സൽവുഡ് എന്നിവർക്കും വിശ്രമം അനുവദിച്ചു.
‘ജസ്പ്രീത് ബുമ്രയ്ക്കു രണ്ടു വശത്തുനിന്നും പന്തെറിയാൻ സാധിക്കില്ലല്ലോ’ എന്ന വൈറൽ കമന്റ് രോഹിത് ശർമയുടേതാണ്. ബോർഡർ– ഗാവസ്കർ ട്രോഫി പരമ്പരയ്ക്കിടെയായിരുന്നു ഇന്ത്യൻ ക്യാപ്റ്റന്റെ ഈ പ്രതികരണം. ബുമ്രയെ മാത്രം ആശ്രയിച്ച് മത്സരം ജയിക്കാനാകില്ലെന്ന തിരിച്ചറിവ് ടീം ഇന്ത്യയ്ക്ക് വന്നപ്പോഴേക്കും പരമ്പര അവസാനിച്ചു കഴിഞ്ഞിരുന്നു...
പാക്കിസ്ഥാനെതിരായ രണ്ടാം ടെസ്റ്റിൽ ദക്ഷിണാഫ്രിക്കയ്ക്ക് 10 വിക്കറ്റ് ജയം. രണ്ടാം ഇന്നിങ്സിൽ പാക്കിസ്ഥാൻ നൽകിയ 58 റൺസ് വിജയലക്ഷ്യം വിക്കറ്റ് നഷ്ടമില്ലാതെ ദക്ഷിണാഫ്രിക്ക മറികടന്നു. സ്കോർ: ദക്ഷിണാഫ്രിക്ക 615, വിക്കറ്റ് നഷ്ടമില്ലാതെ 58. പാക്കിസ്ഥാൻ 194, 478 (ഫോളോഓൺ).
നമ്മൾ എത്രയൊക്കെ ആഗ്രഹിച്ചാലും ശരീരം വിശ്രമം ആവശ്യപ്പെടുമ്പോൾ അതു കണ്ടില്ലെന്നു നടിക്കാൻ സാധിക്കില്ലെന്ന് ഇന്ത്യൻ പേസർ ജസ്പ്രീത് ബുമ്ര. അഞ്ചാം ടെസ്റ്റിന്റെ രണ്ടാം ഇന്നിങ്സിൽ ബോൾ ചെയ്യാതെ വിട്ടുനിന്നതിനെക്കുറിച്ചു ചോദിച്ചപ്പോഴായിരുന്നു ബുമ്രയുടെ പ്രതികരണം.
ഫലം സൂചിപ്പിക്കും പോലെ അത്ര ഏകപക്ഷീയമായിരുന്നില്ല ഇത്തവണത്തെ ബോർഡർ– ഗാവസ്കർ ട്രോഫി പരമ്പര. 3–1ന് ഓസ്ട്രേലിയ ജയിച്ചെങ്കിലും ഇന്ത്യയ്ക്കു മേൽ പൂർണ ആധിപത്യം നേടാൻ അവർക്കു സാധിച്ചില്ല. എല്ലാ മത്സരങ്ങളിലും ഇന്ത്യയ്ക്കു വിജയം, അല്ലെങ്കിൽ സമനിലയ്ക്കുള്ള സാധ്യത ഉണ്ടായിരുന്നു. അവസാന ടെസ്റ്റിൽ ബോ വെബ്സ്റ്റർ എന്ന അരങ്ങേറ്റക്കാരൻ കളിച്ചതു പോലുള്ള ഇന്നിങ്സുകൾ എല്ലാ ടെസ്റ്റിലും ഓസ്ട്രേലിയൻ നിരയിൽ നിന്നുണ്ടായി. സ്കോട് ബോളണ്ട് എന്ന പേസറുടെ മികവും ക്യാപ്റ്റൻ പാറ്റ് കമിൻസിന്റെ ഓൾറൗണ്ട് പ്രകടനവും പ്രശംസ അർഹിക്കുന്നു.
സിഡ്നി∙ ബോൾ ചെയ്യാൻ ക്യാപ്റ്റൻ ജസ്പ്രീത് ബുമ്ര കൂടി ഉണ്ടായിരുന്നെങ്കിൽ.... സിഡ്നി ക്രിക്കറ്റ് ടെസ്റ്റിന്റെ അവസാന ദിനം കനത്ത പോരാട്ടത്തിനൊടുവിൽ ഇന്ത്യ തോൽവിയിലേക്കു വഴുതുമ്പോൾ, ഇന്ത്യൻ ആരാധകരുടെ മനസ്സിലേക്ക് പലവട്ടം ഈ ആഗ്രഹം ഉയർന്നു വന്നിട്ടുണ്ടാകും. 162 റൺസ് വിജയലക്ഷ്യവുമായി ബാറ്റിങ്ങിന് ഇറങ്ങിയ ഓസീസിന്റെ നാലു വിക്കറ്റുകൾ വീഴ്ത്താൻ മുഹമ്മദ് സിറാജ് – പ്രസിദ്ധ് കൃഷ്ണ സഖ്യത്തിന് സാധിച്ചെങ്കിൽ, ബോളിങ് ആക്രമണത്തിനു നേതൃത്വം നൽകാൻ ബുമ്ര കൂടി ഉണ്ടായിരുന്നെങ്കിലോ? സംഭവിച്ചുകഴിഞ്ഞ കാര്യങ്ങളിൽ ഇത്തരം ‘എങ്കിലോ’കൾക്ക് സ്ഥാനമില്ലെങ്കിലും, ബുമ്രയുണ്ടായിരുന്നെങ്കിൽ ഒരുപക്ഷേ മത്സരഫലം തന്നെ വിപരീതമായേനെ എന്ന ഓർമപ്പെടുത്തലുമായി സിഡ്നി ക്രിക്കറ്റ് ടെസ്റ്റിൽ ഇന്ത്യയ്ക്ക് തോൽവി.
ഓസ്ട്രേലിയയ്ക്കെതിരായ ടെസ്റ്റ് പരമ്പരയ്ക്കു ശേഷം ടെസ്റ്റ് ക്രിക്കറ്റിൽനിന്ന് വിരമിച്ചേക്കുമെന്ന അഭ്യൂഹങ്ങൾ തള്ളിയതിനു പിന്നാലെ, ഇന്ത്യയെ നയിച്ചതിന് നന്ദിയറിയിച്ച അവതാരകനോട് ‘താൻ അതിന് ഒരിടത്തും പോകുന്നില്ല’ എന്ന മറുപടിയുമായി ഇന്ത്യൻ നായകൻ രോഹിത് ശർമ. സിഡ്നി ക്രിക്കറ്റ് ടെസ്റ്റിന്റെ രണ്ടാം ദിനം ഉച്ചഭക്ഷണത്തിന്റെ ഇടവേളയിൽ സ്റ്റാർ സ്പോർട്സിനായി അഭിമുഖം നടത്തിയ ഇർഫാൻ പഠാൻ, ജാട്ടിൻ സാപ്രു എന്നിവരുമായി സംസാരിക്കുമ്പോഴാണ്, നന്ദിയറിയിച്ച അവതാരകനോട് അതൃപ്തിയോടെ രോഹിത് മറുപടി നൽകിയത്.
സിഡ്നി∙ ‘ഞങ്ങളുടെ ക്യാപ്റ്റൻ ഈ മത്സരത്തിൽ നിന്ന് സ്വയം വിട്ടുനിൽക്കാൻ തീരുമാനിച്ചിരിക്കുന്നു. ടീമിന്റെ കൂട്ടായ തീരുമാനത്തിനൊപ്പമാണ് അദ്ദേഹം എന്നും നിലകൊള്ളാറുള്ളത്’– സിഡ്നി ടെസ്റ്റിൽ രോഹിത് ശർമയ്ക്കു പകരം ടോസിനായി പിച്ചിൽ എത്തിയ ജസ്പ്രീത് ബുമ്ര പറഞ്ഞു. മാറിനിൽക്കാനുള്ള തീരുമാനം ഹിറ്റ്മാൻ രോഹിത് ശർമ സ്വയം എടുത്തതാണെങ്കിലും ടീം മാനേജ്മെന്റിന്റെ സമ്മർദം മൂലമാണെങ്കിലും ഇതൊരു ചരിത്രമാണ്. ഇന്ത്യൻ ക്രിക്കറ്റിൽ ഇതാദ്യമായി ഒരു ടെസ്റ്റ് പരമ്പരയുടെ ഇടയ്ക്കുവച്ച് പരുക്കോ മറ്റു കാരണങ്ങളോ ഇല്ലാതെ, ഫോം ഔട്ടിന്റെ പേരിൽ ഒരു ക്യാപ്റ്റൻ സ്വയം ടീമിനു പുറത്തേക്കു പോകുന്നു.
ഓസ്ട്രേലിയയ്ക്കെതിരായ അഞ്ചാം ക്രിക്കറ്റ് ടെസ്റ്റിനിടെ ഇന്ത്യൻ നായകൻ ജസ്പ്രീത് ബുമ്രയ്ക്ക് പരുക്കേറ്റതായി അഭ്യൂഹം. മത്സരത്തിനിടെ കളം വിട്ട ബുമ്ര, മെഡിക്കൽ സംഘത്തിനൊപ്പം വാഹനത്തിൽ കയറി ആശുപത്രിയിലേക്കു പോകുന്ന ദൃശ്യങ്ങൾ പുറത്തുവന്നതോടെയാണ് പരുക്കേറ്റതായി അഭ്യൂഹം പ്രചരിക്കുന്നത്. രോഹിത് ശർമയുടെ അഭാവത്തിൽ സിഡ്നിയിൽ ഇന്ത്യയെ നയിക്കുന്ന ബുമ്രയെ, സ്കാനിങ്ങിനായാണ് ആശുപത്രിയിലേക്കു മാറ്റിയതെന്നാണ് വിവരം.
സിഡ്നി∙ ഓസ്ട്രേലിയയ്ക്കെതിരായ അഞ്ചാം ക്രിക്കറ്റ് ടെസ്റ്റിൽ ഭേദപ്പെട്ട ലീഡിനായി ഇന്ത്യ പൊരുതുന്ന കാഴ്ചയോടെ രണ്ടാം ദിനത്തിനു സമാപനം. ഒന്നാം ദിനം 11 വിക്കറ്റുകൾ നിലംപൊത്തിയ സിഡ്നിയിൽ, രണ്ടാം ദിനം ഇരു ടീമുകളുമായി നഷ്ടമാക്കിയത് 15 വിക്കറ്റ്. ഒന്നാം ഇന്നിങ്സിൽ ഓസീസിനെ 181 റൺസിന് എറിഞ്ഞിട്ട് 4 റൺസിന്റെ നേരിയ ലീഡ് സ്വന്തമാക്കിയ ഇന്ത്യ, രണ്ടാം ദിനം കളി നിർത്തുമ്പോൾ രണ്ടാം ഇന്നിങ്സിൽ ആറു വിക്കറ്റ് നഷ്ടത്തിൽ 141 റൺസ് എന്ന നിലയിലാണ്. രവീന്ദ്ര ജഡേജ (39 പന്തിൽ ഒന്ന്), വാഷിങ്ടൻ സുന്ദർ (17 പന്തിൽ ആറ്) എന്നിവർ ക്രീസിൽ. ഇന്ത്യയ്ക്കിപ്പോൾ ആകെ 145 റൺസിന്റെ ലീഡുണ്ട്.
Results 1-10 of 226
