Activate your premium subscription today
കെസിഎ പിങ്ക് ടി20 ചാലഞ്ചേഴ്സ് വനിതാ ക്രിക്കറ്റിൽ പേൾസ് ടീം ജേതാക്കളായി. ഫൈനലിൽ എമറാൾഡിനെ 10 റൺസിനു തോൽപിച്ചാണു കിരീടനേട്ടം. ആദ്യം ബാറ്റു ചെയ്ത പേൾസിന് 20 ഓവറിൽ 81 റൺസാണു സ്കോർ ചെയ്യാനായതെങ്കിലും എമറാൾഡിനെ 17.3 ഓവറിൽ 71 റൺസിന് ഓൾഔട്ടാക്കി അവരുടെ ബോളർമാർ ടീമിനു ചാംപ്യൻപട്ടം സമ്മാനിക്കുകയായിരുന്നു.
ത്രിരാഷ്ട്ര വനിതാ ഏകദിന ക്രിക്കറ്റ് പരമ്പരയിൽ ദക്ഷിണാഫ്രിക്കയ്ക്കെതിരെ ഇന്ത്യയ്ക്ക് 23 റൺസ് വിജയം. ജയത്തോടെ ഇന്ത്യ ഫൈനലിലെത്തി. ആദ്യം ബാറ്റു ചെയ്ത ഇന്ത്യ ജമൈമ റോഡ്രിഗസിന്റെ സെഞ്ചറി (123) മികവിൽ 337 റൺസ് നേടിയപ്പോൾ ദക്ഷിണാഫ്രിക്കൻ ഇന്നിങ്സ് 314 റൺസിൽ അവസാനിച്ചു.
തിരുവനന്തപുരം ∙ കേരള ക്രിക്കറ്റ് അസോസിയേഷൻ (കെസിഎ) സംഘടിപ്പിക്കുന്ന പിങ്ക് ടി20 ചാലഞ്ചേഴ്സ് വനിത ക്രിക്കറ്റ് ടൂർണമെന്റിന് തുടക്കം. ആദ്യ ദിവസത്തെ മത്സരങ്ങളിൽ കെസിഎ പേൾസ് 7 വിക്കറ്റിന് കെസിഎ റൂബിയെയും കെസിഎ എമറാൾഡ് 77 റൺസിന് കെസിഎ ആംബറിനെയും തോൽപിച്ചു.
കൊളംബോ∙ ത്രിരാഷ്ട്ര ഏകദിന ടൂർണമെന്റിലെ തുടർച്ചയായ രണ്ടാം മത്സരത്തിലും നാടകീയ വിജയവുമായി ഇന്ത്യൻ വനിതകൾ. ദക്ഷിണാഫ്രിക്കയ്‌ക്കെതിരായ മത്സരത്തിൽ 15 റൺസിനാണ് ഇന്ത്യൻ വനിതകൾ ജയിച്ചുകയറിയത്. മത്സരത്തിൽ ടോസ് നേടി ബാറ്റിങ് തിരഞ്ഞെടുത്ത ഇന്ത്യ നിശ്ചിത 50 ഓവറിൽ ആറു വിക്കറ്റ് നഷ്ടത്തിൽ നേടിയത് 276 റൺസ്. മറുപടി ബാറ്റിങ്ങിൽ ഒരു ഘട്ടത്തിൽ വിക്കറ്റ് നഷ്ടം കൂടാതെ 140 റൺസെന്ന നിലയിലായിരുന്ന ദക്ഷിണാഫ്രിക്ക, അവസാന ഓവറുകളിൽ നാടകീയ ബാറ്റിങ് തകർച്ച നേരിട്ടാണ് 49.2 ഓവറിൽ 261 റൺസിന് പുറത്തായത്.
ത്രിരാഷ്ട്ര വനിതാ ഏകദിന ക്രിക്കറ്റ് ടൂർണമെന്റിൽ ഇന്ത്യയ്ക്ക് വിജയത്തുടക്കം. മഴ വില്ലനായ ആദ്യ മത്സരത്തിൽ ആതിഥേയരായ ശ്രീലങ്കയെ 9 വിക്കറ്റിന് തോൽപിച്ചു. മഴമൂലം 39 ഓവറാക്കി ചുരുക്കിയ മത്സരത്തിൽ ആദ്യം ബാറ്റു ചെയ്ത ശ്രീലങ്കയെ 147 റൺസിൽ ഓൾഔട്ടാക്കിയ ഇന്ത്യൻ വനിതകൾ 29.4 ഓവറിൽ ഒരു വിക്കറ്റ് മാത്രം നഷ്ടപ്പെടുത്തി ലക്ഷ്യം കണ്ടു.
മാനസികാരോഗ്യം വീണ്ടെടുക്കുന്നതിനായി ദേശീയ ക്രിക്കറ്റ് ടീമിൽ നിന്ന് അവധിയെടുത്ത് പാക്കിസ്ഥാൻ വനിതാ താരം നിദ ദർ. മുൻ ക്യാപ്റ്റൻ കൂടിയായ നിദ സമൂഹമാധ്യമങ്ങളിലൂടെയാണ് താൻ ദേശീയ ടീമിൽ നിന്നു വിട്ടുനിൽക്കുന്ന കാര്യം അറിയിച്ചത്.
വനിതാ പ്രിമിയർ ലീഗിൽ (ഡബ്ല്യുപിഎൽ) ടീമുകളുടെ എണ്ണം 5ൽ നിന്നു വർധിപ്പിക്കാൻ ആലോചിക്കുന്നില്ലെന്ന് ഐപിഎൽ ചെയർമാനും ഡബ്ല്യുപിഎൽ കമ്മിറ്റി അംഗവുമായ അരുൺ ധുമാൽ. ടൂർണമെന്റ് മികച്ച രീതിയിലാണ് മുന്നോട്ടുപോകുന്നതെന്നും ഈ അവസരത്തിൽ ടീമുകളുടെ എണ്ണം വർധിപ്പിച്ച് ടൂർണമെന്റിന്റെ ഘടന പൊളിക്കാൻ ആലോചിക്കുന്നില്ലെന്നും അരുൺ പറഞ്ഞു.
ബിസിസിഐയുടെ വനിതാ ക്രിക്കറ്റർമാരുടെ വാർഷിക കരാറിൽ ഗ്രേഡ് എ വിഭാഗത്തിൽ ഇടംപിടിച്ച് ഹർമൻപ്രീത് കൗർ, സ്മൃതി മന്ഥന, ദീപ്തി ശർമ എന്നിവർ. 16 താരങ്ങളുടെ പട്ടികയിൽ ഇവർ മാത്രമാണ് ഗ്രേഡ് എ വിഭാഗത്തിൽ ഇടംപിടിച്ചത്.
മുംബൈ∙ ഒന്നിൽ പിഴച്ചാൽ മൂന്ന് എന്ന് ചൊല്ല് വനിതാ പ്രിമിയർ ലീഗ് ഫൈനൽ പോരാട്ടങ്ങളുടെ കാര്യത്തിൽ ഡൽഹി ക്യാപിറ്റൽസിനെ സംബന്ധിച്ചും പിഴച്ചു. വനിതാ പ്രിമിയർ ലീഗിന്റെ തുടക്കം മുതൽ തുടർച്ചയായ മൂന്നാം സീസണിലും ഗ്രൂപ്പ് ഘട്ടത്തിലെ ഒന്നാം സ്ഥാനത്തിന്റെ പകിട്ടോടെ ഫൈനലിൽ കടന്ന ഡൽഹിക്ക്, ഒരിക്കൽക്കൂടി ഹർമൻപ്രീത് കൗറിന്റെ മുംബൈ ഇന്ത്യൻസിനു മുന്നിൽ കാലിടറി. വനിതാ പ്രിമിയർ ലീഗ് ഫൈനലുകളിൽ ഡൽഹിക്ക് ഹാട്രിക് തോൽവിയുടെ വേദന സമ്മാനിച്ച്, മുംബൈ ഇന്ത്യൻസിന് രണ്ടാം കിരീടം. ആവേശകരമായ കലാശപ്പോരാട്ടത്തിൽ 8 റൺസിനാണ് മുംബൈ ഡൽഹിയെ വീഴ്ത്തിയത്. ലീഗിന്റെ പ്രഥമ സീസണിലും ഡൽഹിയെ തോൽപ്പിച്ചാണ് മുംബൈ ഇന്ത്യൻസ് ചാംപ്യൻമാരായത്.
പുതുച്ചേരി∙ വനിതാ അണ്ടർ 23 ഏകദിന ടൂർണമെന്റിൽ മേഘാലയയ്ക്കെതിരെ തകർപ്പൻ വിജയവുമായി കേരളം. 179 റൺസിനാണ് കേരളം മേഘാലയയെ തോൽപിച്ചത്. ആദ്യം ബാറ്റ് ചെയ്ത കേരളം 50 ഓവറിൽ ഏഴ് വിക്കറ്റ് നഷ്ടത്തിൽ 263 റൺസെടുത്തു. മറുപടി ബാറ്റിങ്ങിന് ഇറങ്ങിയ മേഘാലയ 84 റൺസിന് ഓൾഔട്ടാവുകയായിരുന്നു. അഞ്ച് വിക്കറ്റ് വീഴ്ത്തുകയും 66 റൺസെടുക്കുകയും ചെയ്ത ക്യാപ്റ്റൻ നജ്‌ലയുടെ പ്രകടനമാണ് കേരളത്തിന് ഉജ്വല വിജയമൊരുക്കിയത്.
Results 1-10 of 171
