Activate your premium subscription today
എതിരാളിയെ വീഴ്ത്താൻ അവരുടെ തന്ത്രങ്ങൾ നന്നായി അറിയുന്ന ഒരാളെ ഒപ്പം കൂട്ടുന്നത് പോർമുഖങ്ങളിൽ പതിവാണ്. ഈ ‘യുദ്ധനയമായിരുന്നു’ ബ്രസീലിയൻ ക്ലബ് ഫ്ലുമിനൻസെയ്ക്കെതിരായ ക്ലബ് ഫുട്ബോൾ ലോകകപ്പ് സെമിഫൈനൽ മത്സരത്തിൽ ഇംഗ്ലിഷ് ക്ലബ് ചെൽസി പയറ്റിയത്.
സ്പാനിഷ് ഫുട്ബോൾ ക്ലബ് റയൽ മഡ്രിഡിന്റെ കോച്ചായിരുന്നപ്പോൾ നടത്തിയ നികുതിവെട്ടിപ്പു കേസിൽ ബ്രസീൽ ഫുട്ബോൾ ടീം പരിശീലകൻ കാർലോ ആഞ്ചലോട്ടിക്ക് ഒരു വർഷം ജയിൽശിക്ഷയും 452,187 ഡോളർ (ഏകദേശം 3.8 കോടി രൂപ) പിഴയും.
ഈസ്റ്റ് റുഥർഫോർഡ് (യുഎസ്എ) ∙ കരുത്തരായ സ്പാനിഷ് ക്ലബ് റയൽ മഡ്രിഡിനെ തകർത്ത് ഫ്രഞ്ച് ക്ലബ് പിഎസ്ജി ക്ലബ് ലോകകപ്പ് ഫുട്ബോൾ ഫൈനലിൽ. സെമിഫൈനലിൽ ഏകപക്ഷീയമായ നാലു ഗോളുകൾക്കാണ് റയൽ മഡ്രിഡിനെ പിഎസ്ജി തോൽപിച്ചത്. മധ്യനിര താരം ഫാബിയൻ റൂയിസ് രണ്ടും (6, 24) ഒസ്മാൻ ഡെംബെലെ (9), ഗൊൺസാലോ റാമോസ് (87) എന്നിവർ ഓരോ ഗോൾ വീതവും നേടി. ഫൈനലിൽ ഇംഗ്ലിഷ് ക്ലബ് ചെൽസിയാണ് പിഎസ്ജിയുടെ എതിരാളികൾ.
ഈസ്റ്റ് റുഥർഫോർഡ് (യുഎസ്എ) ∙ ഫ്ലൂമിനെൻസെയെ തോൽപിച്ച് ചെൽസി ക്ലബ് ലോകകപ്പ് ഫുട്ബോൾ ഫൈനലിൽ കടന്നു. ഏകപക്ഷീയമായ രണ്ടു ഗോളുകൾക്കാണ് ബ്രസീൽ ക്ലബ് ഫ്ലൂമിനെൻസെയെ ഇംഗ്ലിഷ് ക്ലബ് ചെൽസി വീഴ്ത്തിയത്. 18, 56 മിനിറ്റുകളിൽ ഫ്ലൂമിനെൻസെയുടെ ഗോൾവല കുലുക്കിയ ബ്രസീലിയന്‍ താരം ജാവൊ പെഡ്രോയാണ് ചെൽസിയുടെ ജയത്തിന് ചുക്കാൻപിടിച്ചത്.
മോൺട്രിയോൾ∙ ക്ലബ് ഫുട്ബോൾ ലോകകപ്പിൽ പാതിവഴിയിൽ മടങ്ങേണ്ടിവന്നതിന്റെ വിഷമം മേജർ ലീഗ് സോക്കറിൽ തീർത്ത് ലയണൽ മെസ്സിയും സംഘവും. രണ്ടു തവണ ലക്ഷ്യം കാണുകയും ഒരു ഗോളിനു വഴിയൊരുക്കുകയും ചെയ്ത മുപ്പത്തിയെട്ടുകാരൻ മെസ്സിയുടെ മികവിൽ മോൺട്രിയോളിനെ 4–1ന് ഇന്റർ മയാമി തോൽപിച്ചു.
അറ്റ്ലാന്റ (യുഎസ്എ) ∙ ക്ലബ് ലോകകപ്പ് ഫുട്ബോൾ ക്വാർട്ടർ ഫൈനലിൽ പിഎസ്ജിക്കെതിരായ മത്സരത്തിനിടെ ഗുരുതരമായി പരുക്കേറ്റ, ജർമൻ ക്ലബ് ബയൺ മ്യൂണിക്കിന്റെ മിഡ്ഫീല്‍ഡർ ജമാൽ മുസിയാളയ്ക്ക് 6 മാസം നഷ്ടമാകുമെന്നു സൂചന. ഇടതുകാൽമുട്ടിനു താഴത്തെ പ്രധാന അസ്ഥി (ടിബിയ) ഒടിഞ്ഞ താരത്തെ വിദഗ്ധ ചികിൽസയ്ക്കു വിധേയനാക്കി.
ഈസ്റ്റ് റുഥർഫോർഡ് (യുഎസ്എ) ∙ കിലിയൻ എംബപെയ്ക്കു വയറുവേദന കാരണം വിശ്രമം വേണ്ടിവന്നപ്പോൾ റയൽ മഡ്രിഡ് കളത്തിലിറക്കിയ പകരക്കാരൻ പയ്യൻസായിരുന്നു ഗോൺസാലോ ഗാർഷ്യ. റയലിന്റെ ഫുട്ബോൾ അക്കാദമിയിൽ കളി പഠിച്ച് സീനിയർ ടീമിലേക്കു വന്ന ഇരുപത്തിയൊന്നുകാരൻ ഗാർഷ്യ തുടങ്ങിവച്ച ഗോൾമേളം, രണ്ടാം പകുതിയിൽ പകരക്കാരനായി കളത്തിലിറങ്ങിയ എംബപെ പൂർത്തിയാക്കി. ഗാർഷ്യയും എംബപെയും തിളങ്ങിയ ക്ലബ് ലോകകപ്പ് ഫുട്ബോൾ ക്വാർട്ടറിൽ ജർമൻ ക്ലബ് ബൊറൂസിയ ഡോർട്മുണ്ടിനെ 3–2നു തോൽപിച്ച് റയൽ മഡ്രിഡ് സെമിയിൽ. ജർമൻ ക്ലബ് ബയൺ മ്യൂണിക്കിനെ 2–0ന് തോൽപിച്ച ഫ്രഞ്ച് ക്ലബ് പിഎസ്ജിയാണു ബുധനാഴ്ചത്തെ സെമിയിൽ റയലിന്റെ എതിരാളികൾ.
ചിയാങ് മായ് (തായ്‌ലൻഡ്) ∙ ഏഷ്യൻ കപ്പ് ഫുട്ബോളിൽ പുതുചരിത്രമെഴുതി ഇന്ത്യൻ വനിതകൾ. മിഡ്ഫീൽഡർ സംഗീത ബസ്ഫോറിന്റെ ഇരട്ടഗോളിൽ തായ്ലൻഡിനെ കീഴടക്കിയ (2–1) ഇന്ത്യ 2026ൽ ഓസ്ട്രേലിയയിൽ നടക്കുന്ന എഎഫ്സി ഏഷ്യൻ കപ്പിന് യോഗ്യത നേടി. ഇതാദ്യമായാണ് ക്വാളിഫയർ മത്സരങ്ങൾ കളിച്ച് ഇന്ത്യ ഏഷ്യൻ കപ്പിന് യോഗ്യത നേടുന്നത്. 2003ലാണ് അവസാനമായി ഇന്ത്യ ഏഷ്യൻ കപ്പ് കളിച്ചത്. എന്നാൽ അന്ന് യോഗ്യതാ റൗണ്ട് മത്സരങ്ങൾ ഉണ്ടായിരുന്നില്ല. 2022ൽ ആതിഥേയ രാജ്യമെന്ന നിലയിൽ ഇന്ത്യ ടൂർണമെന്റിന് യോഗ്യത നേടിയിരുന്നെങ്കിലും ടീം ക്യാംപിൽ കോവിഡ് പടർന്നതോടെ പിൻമാറുകയായിരുന്നു.
ഗോണ്ടോമോർ (പോർച്ചുഗൽ) ∙ പോർച്ചുഗൽ ഫുട്ബോളർ ഡിയോഗോ ജോട്ടയുടെയും സഹോദരൻ ആന്ദ്രേ സിൽവയുടെയും സംസ്കാരം ഇന്നു ജന്മനാടായ പോർച്ചുഗലിലെ ഗോണ്ടോമോറിൽ നടക്കും. പോർച്ചുഗലിലെ സമോറയിലെ ഹൈവേയിൽ വ്യാഴാഴ്ച രാത്രിയുണ്ടായ അപകടത്തിലാണു ജോട്ടയും (28) സഹോദരൻ സിൽവയും (25) മരിച്ചത്. മറ്റു വാഹനങ്ങളൊന്നും അപകടത്തിൽ ഉൾപ്പെട്ടിട്ടില്ലെന്നും സംഭവത്തിന്റെ കാരണം കണ്ടെത്താൻ അന്വേഷണം നടക്കുകയാണെന്നും സ്പെയിനിലെ പൊലീസ് അറിയിച്ചു.
ഫിഫ ക്ലബ് ലോകകപ്പ് ഫുട്ബോളിൽ ഇന്നു ഫൈനലിനോളം ആവേശം പോന്ന മത്സരങ്ങൾ. ക്വാർട്ടർ ഫൈനലിൽ ഇന്നു രാത്രി 9.30ന് ഫ്രഞ്ച് ക്ലബ് പിഎസ്ജിയും ജർമൻ ക്ലബ് ബയൺ മ്യൂണിക്കും ഏറ്റുമുട്ടും. അർധരാത്രിക്കു ശേഷം (ഞായർ പുലർച്ചെ) 1.30നു സ്പാനിഷ് ക്ലബ് റയൽ മഡ്രിഡ് ജർമൻ ക്ലബ് ബൊറൂസിയ ഡോർട്മുണ്ടിനെയും നേരിടും.
Results 1-10 of 2866
