Activate your premium subscription today
ഞാൻ അർജന്റീനയ്ക്കും ലയണൽ മെസ്സിക്കുമെതിരെ കളിച്ചിട്ടുണ്ട്. ലോകപ്രശസ്തമായ ചില ക്ലബ്ബുകൾക്കെതിരെയും മത്സരത്തിനിറങ്ങിയിട്ടുണ്ട്. പക്ഷേ, ആരാധകരുടെ ആവേശത്തിന്റെ കാര്യത്തിൽ ഇവർക്കെല്ലാം മുന്നിലാണ് മോഹൻ ബഗാൻ!’’ കഴിഞ്ഞ ദിവസം ഐഎസ്എൽ ഫൈനലിൽ ബെംഗളൂരു എഫ്സിക്കെതിരെ ബഗാന്റെ വിജയഗോൾ നേടിയ ഓസ്ട്രേലിയൻ ഫുട്ബോളർ ജാമി മക്‌ലാരൻ മുൻപൊരു അഭിമുഖത്തിൽ പറഞ്ഞതാണിത്.
കൊൽക്കത്ത∙ കേരള ബ്ലാസ്റ്റേഴ്സ് വർഷങ്ങളായി മോഹിച്ചിട്ടും ഇതുവരെ ലഭിക്കാത്ത ഇന്ത്യൻ സൂപ്പർ ലീഗ് (ഐഎസ്എൽ) കിരീടം അഞ്ചാം തവണയും കൊൽക്കത്ത വമ്പൻമാരായ മോഹൻ ബഗാന്റെ ഷോകേസിലേക്ക്! മോഹൻ ബഗാന്റെ തട്ടകത്തിൽ നടന്ന ആവേശപ്പോരാട്ടത്തിൽ കരുത്തരായ ബെംഗളൂരു എഫ്സിയെ 2–1ന് തകർത്താണ് അവർ തുടർച്ചയായ ഐഎസ്എൽ കിരീടം തിരിച്ചുപിടിച്ചത്. ആദ്യം ഗോളടിച്ച് മുന്നിൽക്കയറിയ ബെംഗളൂരു എഫ്സിയെ, പിന്നിൽനിന്നും തിരിച്ചടിച്ച് വീഴ്ത്തിയാണ് ഈ കിരീടനേട്ടമെന്നത് അതിന്റെ മധുരം വർധിപ്പിക്കുന്നു.
ഉപ്പുരസമുള്ള മണ്ണിൽ വിരിഞ്ഞ സോൾട്ട്‌ലേക്ക് സ്റ്റേഡിയത്തിന്റെ പച്ചപ്പിൽ ഇന്ത്യൻ സൂപ്പർ ലീഗിന്റെ കിരീട മധുരം തേടി മോഹൻ ബഗാനും ബെംഗളൂരു എഫ്സിയും ഇന്നിറങ്ങുകയാണ്. ഒരു ഫുട്ബോൾ മത്സരമെന്നപോലെ രണ്ടു പകുതികളിലായി വേറിട്ടു നിൽക്കുന്നതാണു കലാശക്കളിക്കിറങ്ങുന്ന രണ്ടു ടീമുകളുടെയും വിലാസം. ബഗാൻ ഇന്ത്യൻ ഫുട്ബോളിന്റെ പ്രൗഢിയും പാരമ്പര്യവുമാണെങ്കിൽ ബെംഗളൂരു പുതുവൈബും ആവേശവുമാണ്.
കൊൽക്കത്ത ∙ ആദ്യ സെമിയിൽ സുനിൽ ഛേത്രി; രണ്ടാം സെമിയിൽ അപൂയ– ഐഎസ്എൽ ഫൈനലിസ്റ്റുകളെ തീരുമാനിക്കാൻ വേണ്ടി വന്നത് ഇൻജറി ടൈം ഗോളുകൾ! കളി തീരാൻ ഒരു മിനിറ്റു ശേഷിക്കെ മിസോറം താരം ലാലങ്മാവിയ റാൽട്ടെ എന്ന അപൂയ നേടിയ ഗോളിൽ ജംഷഡ്പുർ എഫ്സിയെ 2–0നു തോൽപിച്ച് മോഹൻ ബഗാൻ ഐഎസ്എൽ ഫൈനലിൽ. ഇരുപാദങ്ങളിലുമായി 3–2 ജയത്തോടെയാണ് ബഗാന്റെ ഫൈനൽ പ്രവേശം.
ജംഷഡ്പുർ ∙ ഇൻജറി ടൈം വരെ സമനിലച്ചരടി‍ൽ കോർത്തുനിർത്തിയ കളിയുടെ കെട്ടുപൊട്ടിച്ച് വിജയമാഘോഷിച്ച് ജംഷഡ്പുർ എഫ്സി. ഐഎസ്എൽ ഫുട്ബോൾ സെമിഫൈനൽ ആദ്യപാദത്തിൽ കൊൽക്കത്ത മോഹൻ ബഗാനെതിരെ ജംഷഡ്പുർ എഫ്സിക്ക് 2–1 വിജയം. 24–ാം മിനിറ്റിൽ ഹവിയർ സിവേറിയോ, ഇൻജറി ടൈമിൽ (90+1) ജാവി ഹെർണാണ്ടസ് എന്നീ സ്പാനിഷ് താരങ്ങളാണ് ജംഷഡ്പുരിന്റെ ഗോളുകൾ നേടിയത്. 38–ാം മിനിറ്റിൽ ഓസ്ട്രേലിയൻതാരം ജയ്സൺ കമ്മിങ്സ് കൊൽക്കത്ത ടീമിന്റെ ഗോൾ കണ്ടെത്തി.
ഐഎസ്എൽ 11–ാം പതിപ്പിലെ ലീഗ് മത്സരങ്ങൾ ഫിനിഷിങ് ലൈനിലേക്ക് അടുക്കുമ്പോൾ സീസണിലെ ഹൈലൈറ്റ് തേടിച്ചെന്നാലെത്തുക രണ്ട് ഉത്തരങ്ങളിലാകും – മോഹൻ ബഗാനും അലാദ്ദീൻ അജാരെയും! സൂപ്പർ ലീഗിന്റെ ചരിത്രത്തിലാദ്യമായി പോയിന്റ് പട്ടികയിൽ അർധശതകം കടന്നു കുതിച്ച ടീം എന്നതാണു ബഗാന്റെ തിളക്കമെങ്കിൽ നോർത്ത് ഈസ്റ്റ് യുണൈറ്റഡിന്റെ കുന്തമുനയും പടവാളുമായ അലാദ്ദീനും ഒരു ‘ഒന്നൊന്നര ടീം’ തന്നെയാണ്.
കൊൽക്കത്ത ∙ ഐഎസ്എൽ ഫുട്ബോൾ ലീഗ് കിരീടം (ഐഎസ്എൽ ഷീൽഡ്) കൊൽക്കത്ത മോഹൻ ബഗാൻ സൂപ്പർ ജയന്റ്സ് നിലനിർത്തി. ഒഡീഷ എഫ്സിയെ 1–0ന് തോ‍ൽപിച്ചാണ് പോയിന്റ് പട്ടികയിലെ ഒന്നാം സ്ഥാനക്കാർക്കുള്ള ഷീൽഡ് ബഗാൻ സ്വന്തമാക്കിയത്. ഇതോടെ, ഏഷ്യൻ ക്ലബ്ബുകളുടെ ടൂർണമെന്റായ ഏഷ്യൻ ചാംപ്യൻസ് ലീഗിൽ (സെക്കൻഡ് ഡിവിഷൻ) കളിക്കാനും ബഗാൻ യോഗ്യത നേടി.
കൊച്ചി ∙ കലൂരിലെ കോട്ടമുറ്റത്തു കേരളത്തിന്റെ കൊമ്പൻമാരെ മോഹൻ ബഗാൻ കൗശലപൂർവം വേട്ടയാടി വീഴ്ത്തി (3–0). ആദ്യ 25 മിനിറ്റിൽ ആക്രമണത്തിരമാല തീർത്ത കേരള ബ്ലാസ്റ്റേഴ്സിനെ ക്ഷമാപൂർവം കാത്തിരുന്ന്, അതിവേഗ പ്രത്യാക്രമണങ്ങളിലൂടെയാണ് കൊൽക്കത്ത വമ്പന്മാർ മുട്ടുകുത്തിച്ചത്. കോൺക്രീറ്റ് പോലെ ഉറച്ച പ്രതിരോധവും മിന്നൽ ഗോളുകളുമായി ബഗാൻ മത്സരം കാൽക്കലാക്കിയപ്പോൾ ബ്ലാസ്റ്റേഴ്സിനെ ചതിച്ചത് ആടിയുലഞ്ഞ പ്രതിരോധം.
കൊച്ചി ∙ ഇന്ത്യൻ സൂപ്പർ ലീഗിൽ പ്ലേഓഫ് ബെർത്ത് ഉറപ്പാക്കാൻ വിജയം അത്യാവശ്യമായിരുന്ന കേരളത്തിന്, സ്വന്തം തട്ടകത്തിൽ മോഹൻ ബഗാനെതിരായ മത്സരത്തിൽ നിരാശപ്പെടുത്തുന്ന തോൽവി. ഏകപക്ഷീയമായ മൂന്നു ഗോളുകൾക്കാണ് ബഗാൻ ബ്ലാസ്റ്റേഴ്സിനെ തകർത്തത്. ജെയ്മി മക്‌ലാരൻ (28, 40), ആൽബർട്ടോ റോഡ്രിഗസ് (66) എന്നിവർ നേടിയ ഗോളുകളാണ് ബ്ലാസ്റ്റേഴ്സിനെ വീഴ്ത്താൻ ബഗാനെ സഹായിച്ചത്. ആദ്യപകുതിയിൽ ബ്ലാസ്റ്റേഴ്സ് എതിരില്ലാത്ത രണ്ടു ഗോളുകൾക്ക് പിന്നിലായിരുന്നു. ഇതോടെ 21 മത്സരങ്ങളിൽനിന്ന് 15 വിജയം, നാലു സമനില എന്നിവ ഹിതം 49 പോയിന്റുമായി ബഗാൻ ഒന്നാം സ്ഥാനത്ത് ബഹുദൂരം മുന്നിലെത്തി. സീസണിലെ 10–ാം തോൽവി വഴങ്ങി ബ്ലാസ്റ്റേഴ്സ് എട്ടാം സ്ഥാനത്താണ്.
ഐഎസ്എൽ ഫുട്ബോളിൽ പഞ്ചാബ് എഫ്സിയെ 3–0ന് തോൽപിച്ച് മോഹൻ ബഗാൻ സൂപ്പർ ജയന്റ്സ്. ജാമി മക്‌ലാരൻ (56, 90 മിനിറ്റുകൾ), ലിസ്റ്റൻ കൊലാകോ (63) എന്നിവരാണ് ബഗാനായി ലക്ഷ്യം കണ്ടത്.
Results 1-10 of 159
