Activate your premium subscription today
മോൺട്രിയോൾ∙ ക്ലബ് ഫുട്ബോൾ ലോകകപ്പിൽ പാതിവഴിയിൽ മടങ്ങേണ്ടിവന്നതിന്റെ വിഷമം മേജർ ലീഗ് സോക്കറിൽ തീർത്ത് ലയണൽ മെസ്സിയും സംഘവും. രണ്ടു തവണ ലക്ഷ്യം കാണുകയും ഒരു ഗോളിനു വഴിയൊരുക്കുകയും ചെയ്ത മുപ്പത്തിയെട്ടുകാരൻ മെസ്സിയുടെ മികവിൽ മോൺട്രിയോളിനെ 4–1ന് ഇന്റർ മയാമി തോൽപിച്ചു.
ഈസ്റ്റ് റുഥർഫോർഡ് (യുഎസ്എ) ∙ കിലിയൻ എംബപെയ്ക്കു വയറുവേദന കാരണം വിശ്രമം വേണ്ടിവന്നപ്പോൾ റയൽ മഡ്രിഡ് കളത്തിലിറക്കിയ പകരക്കാരൻ പയ്യൻസായിരുന്നു ഗോൺസാലോ ഗാർഷ്യ. റയലിന്റെ ഫുട്ബോൾ അക്കാദമിയിൽ കളി പഠിച്ച് സീനിയർ ടീമിലേക്കു വന്ന ഇരുപത്തിയൊന്നുകാരൻ ഗാർഷ്യ തുടങ്ങിവച്ച ഗോൾമേളം, രണ്ടാം പകുതിയിൽ പകരക്കാരനായി കളത്തിലിറങ്ങിയ എംബപെ പൂർത്തിയാക്കി. ഗാർഷ്യയും എംബപെയും തിളങ്ങിയ ക്ലബ് ലോകകപ്പ് ഫുട്ബോൾ ക്വാർട്ടറിൽ ജർമൻ ക്ലബ് ബൊറൂസിയ ഡോർട്മുണ്ടിനെ 3–2നു തോൽപിച്ച് റയൽ മഡ്രിഡ് സെമിയിൽ. ജർമൻ ക്ലബ് ബയൺ മ്യൂണിക്കിനെ 2–0ന് തോൽപിച്ച ഫ്രഞ്ച് ക്ലബ് പിഎസ്ജിയാണു ബുധനാഴ്ചത്തെ സെമിയിൽ റയലിന്റെ എതിരാളികൾ.
ഫിഫ ക്ലബ് ലോകകപ്പ് ഫുട്ബോളിൽ ഇന്നു ഫൈനലിനോളം ആവേശം പോന്ന മത്സരങ്ങൾ. ക്വാർട്ടർ ഫൈനലിൽ ഇന്നു രാത്രി 9.30ന് ഫ്രഞ്ച് ക്ലബ് പിഎസ്ജിയും ജർമൻ ക്ലബ് ബയൺ മ്യൂണിക്കും ഏറ്റുമുട്ടും. അർധരാത്രിക്കു ശേഷം (ഞായർ പുലർച്ചെ) 1.30നു സ്പാനിഷ് ക്ലബ് റയൽ മഡ്രിഡ് ജർമൻ ക്ലബ് ബൊറൂസിയ ഡോർട്മുണ്ടിനെയും നേരിടും.
ഫ്ലോറിഡ∙ പ്രീക്വാർട്ടറിൽ ഇംഗ്ലിഷ് വമ്പൻമാരായ മാഞ്ചസ്റ്റർ സിറ്റിയെ വീഴ്ത്തിയ പോരാട്ടവീര്യവും അതു സമ്മാനിച്ച ആത്മവിശ്വാസവും ബ്രസീലിൻ ക്ലബായ ഫ്ലൂമിനൻസെയ്ക്കെതിരായ ക്വാർട്ടർ പോരാട്ടത്തിൽ സൗദിയിൽ നിന്നുള്ള അൽ ഹിലാലിന് തുണയായില്ല. ഫലം, ആവേശം അവസാന സെക്കൻഡ് വരെ കൂട്ടിനെത്തിയ ത്രില്ലർ പോരാട്ടത്തിൽ അൽ ഹിലാലിനെ വീഴ്ത്തി ഫ്ലൂമിനൻസെ ക്ലബ് ലോകകപ്പ് സെമിയിൽ. ഇരുപകുതികളിലുമായി നേടിയ ഗോളുകളുടെ മികവിൽ 2–1നാണ് ഫ്ലൂമിനൻസെയുടെ വിജയം.
ഫ്ലോറിഡ∙ റയൽ മഡ്രിഡ് ജഴ്സിയിൽ ആദ്യ അസിസ്റ്റുമായി ഇംഗ്ലിഷ് താരം ട്രെന്റ് അലക്സാണ്ടർ അർണോൾഡ് തിളങ്ങിയ മത്സരത്തിൽ, ഇറ്റാലിയൻ വമ്പൻമാരായ യുവെന്റസിനെ ഏകപക്ഷീയ ഒരു ഗോളിനു തകർത്ത് റയൽ മഡ്രിഡ് ഫിഫ ക്ലബ് ലോകകപ്പ് ക്വാർട്ടറിൽ. ഗോൾരഹിതമായ ആദ്യപകുതിക്കു ശേഷം 54–ാം മിനിറ്റിലായിരുന്നു റയലിന്റെ വിജയഗോൾ. അർനോൾഡിന്റെ ഹെഡർ ബുള്ളറ്റ് ഹെഡറിലൂടെ വലയിലെത്തിച്ച ഗോൺസാലോ ഗാർഷ്യയാണ് ടീമിന് വിജയം സമ്മാനിച്ചത്.
ഫിഫ ക്ലബ്ബ് ലോകകപ്പ് പ്രീക്വാർട്ടറിൽ മാഞ്ചസ്റ്റര്‍ സിറ്റിയെ ഞെട്ടിച്ച് സൗദി അറേബ്യൻ ക്ലബ്ബ് അൽ ഹിലാൽ. ത്രില്ലർ പോരാട്ടത്തിനൊടുവിൽ സിറ്റിയെ 3–4നാണ് അൽ ഹിലാൽ തകർത്തുവിട്ടത്. മത്സരത്തിന്റെ എക്സ്ട്രാ ടൈമിലാണ് അൽ ഹിലാലിന്റെ വിജയം.
സൂപ്പർ താരങ്ങളായ ലയണൽ മെസ്സി, ലൂയി സ്വാരെസ്, സെർജിയോ ബുസ്കെറ്റ്സ്, ജോർഡി ആൽബ എന്നിവരെല്ലാം ഇറങ്ങിയിട്ടും ലൂയി എൻറിക്വെയുടെ കീഴിലിറങ്ങിയ പിഎസ്ജിയെ ഒന്നു തൊടാന്‍ പോലും ഇന്റർ മയാമിക്കു സാധിച്ചില്ല. ഫിഫ ക്ലബ്ബ് ലോകകപ്പ് പ്രീക്വാർട്ടറിൽ ഇന്റർ മയാമിക്കെതിരെ മറുപടിയില്ലാത്ത നാലു ഗോളുകളാണ് പിഎസ്ജി അടിച്ചുകൂട്ടിയത്. മെസിയും സ്വാരെസും മുഴുവൻ സമയവും കളിച്ചിട്ടും പിഎസ്ജി വല കുലുക്കാൻ ഇന്റർമയാമിക്കു സാധിച്ചില്ല.
ഫിഫ ക്ലബ്ബ് ലോകകപ്പിൽ ബെൻഫികയെ തോൽപിച്ച് ചെൽസി ക്വാർട്ടറിൽ കടന്നു. 4–1നാണ് ചെൽസി ബെൻഫിക്കയെ തകർത്തുവിട്ടത്. ചെൽസിക്കായി റീസ് ജെയിംസ് (64–ാം മിനിറ്റ്), ക്രിസ്റ്റഫർ എന്‍കുൻകു (108), പെദ്രോ നെറ്റോ (114), കെർനൻ ഡ്യൂസ്ബറി (117) എന്നിവരാണു ഗോളുകൾ നേടിയത്.
ഫിലാഡെൽഫിയ∙ ക്ലബ് ലോകകപ്പിലെ 32 ടീമുകൾ പതിനാറിലേക്കു ചുരുങ്ങിയപ്പോൾ 4 ബ്രസീൽ ക്ലബ്ബുകളാണ് അതിലുൾപ്പെട്ടത്. ലാറ്റിനമേരിക്കൻ അയൽക്കാരായ അർജന്റീനയിലെ രണ്ടു ക്ലബ്ബുകൾ നോക്കൗട്ട് കാണാതെ പുറത്തായപ്പോഴാണ് ബ്രസീലിൽനിന്നുള്ള പാൽമിയറാസ്, ബൊട്ടഫാഗോ, ഫ്ലൂമിനൻസെ, ഫ്ലമൻഗോ എന്നീ ടീമുകൾ നോക്കൗട്ടിലെത്തിയത്. അതിൽ 2
സീറ്റിൽ (യുഎസ്എ) ∙ ജപ്പാൻ ക്ലബ് ഉറാവ റെഡ്സിന്റെ നോക്കൗട്ട് മോഹങ്ങൾ ചാമ്പലാക്കി ഇറ്റാലിയൻ ക്ലബ് ഇന്റർ മിലാൻ. ക്ലബ് ലോകകപ്പ് ഫുട്ബോളിൽ, 78 മിനിറ്റുവരെ തോൽവിയുടെ വക്കിലായിരുന്ന ഇന്റർ മിലാനാണ് ക്ഷണനേരത്തിൽ 2 ഗോൾ തിരിച്ചടിച്ച് കളിയും ജയവും കൈക്കലാക്കിയത്. 11–ാം മിനിറ്റിൽ റ്യോമ വാറ്റൻബേയുടെ ഗോളിൽ ഉറാവ ലീഡ് നേടി.
Results 1-10 of 238
