Activate your premium subscription today
ന്യൂഡൽഹി ∙ ഫ്രഞ്ച് ഓപ്പൺ പുരുഷ ഡബിൾസിൽ മൂന്നാം റൗണ്ടിൽ പുറത്തായതിനു പിന്നാലെ ഇന്ത്യൻ വെറ്ററൻ താരം രോഹൻ ബൊപ്പണ്ണയ്ക്ക് റാങ്കിങ്ങിലും വലിയ തിരിച്ചടി. ഡബിൾസ് റാങ്കിങ്ങിൽ 20 സ്ഥാനങ്ങൾ നഷ്ടമായ നാൽപ്പത്തഞ്ചുകാരൻ ബൊപ്പണ്ണ 53–ാം റാങ്കിലേക്ക് താഴ്ന്നു. എടിപി ഡബിൾസ് റാങ്കിങ്ങിൽ 15 വർഷത്തിനുശേഷമാണ് ബൊപ്പണ്ണ ആദ്യ 50–ൽ നിന്നു പുറത്താകുന്നത്. 2010 ജൂണി‍ൽ 52–ാം സ്ഥാനത്തെത്തിയതായിരുന്നു ഇതിനു മുൻപുള്ള മോശം റാങ്കിങ്.
ഫ്രഞ്ച് ഓപ്പൺ ഫൈനലിന് ഇറങ്ങും മുൻപ്, റൊളാങ് ഗാരോസിൽ സ്ഥാപിച്ച റാഫേൽ നദാലിന്റെ പാദമുദ്രകൾക്കു മുന്നിൽ കാർലോസ് അൽകാരസ് അൽപസമയം കണ്ണടച്ചു നിന്നു. നദാൽ അഴിച്ചുവച്ച കളിമൺകോർട്ടിലെ കനകപാദുകം അണിയാൻ താൻ തയാറാണെന്ന് ആ ഇരുപത്തിരണ്ടുകാരൻ പറയാതെ പറഞ്ഞു...
പാരിസ്∙ സ്പെയിനിലെ കാളയോട്ട മത്സരങ്ങളിൽ കെട്ടഴിച്ചുവിടുന്ന കാളകൾ ആദ്യമൊന്നു പതുങ്ങിയ ശേഷമാണ് തങ്ങളുടെ കുതിപ്പു തുടങ്ങുക. അതുകണ്ട് വളർന്നതിനാലാകാം ആദ്യമൊന്നു പരുങ്ങിയ ശേഷമായിരുന്നു കളിമൺ കോർട്ടിൽ ഇന്നലെ കാർലോസ് അൽകാരസ് തന്റെ പ്രതാപം കാട്ടിയത്. ലോക ഒന്നാം നമ്പർ ഇറ്റലിയുടെ യാനിക് സിന്നറിനെതിരെ ആദ്യ രണ്ടു സെറ്റുകൾ നഷ്ടപ്പെട്ട ശേഷം അടുത്ത 3 സെറ്റും പിടിച്ചടക്കിയ സ്പാനിഷ് താരത്തിന് റൊളാങ് ഗാരോസിൽ തുടർച്ചയായ രണ്ടാം കിരീടം. ആവേശം അണപൊട്ടിയൊഴുകിയ പുരുഷ സിംഗിൾസ് ഫൈനലിൽ 4–6, 6–7, 6–4, 7–6, 7–6 നാണ് ഇരുപത്തിരണ്ടുകാരൻ അൽകാരസിന്റെ ജയം. സിന്നറുടെ 3 ചാംപ്യൻഷിപ് പോയിന്റുകൾ ബ്രേക്ക് ചെയ്താണ് അൽകാരസ് വിജയം നേടിയത്. സ്പാനിഷ് താരമായ അൽകാരസിന്റെ 5–ാം ഗ്രാൻസ്‌ലാം കിരീടമാണിത്.
പാരിസ്∙ ‘നിങ്ങൾ എവിടെ തുടങ്ങുന്നു എന്നല്ല, എവിടെ ഫിനിഷ് ചെയ്യുന്നു എന്നതിലാണ് കാര്യം’ എന്നു പറഞ്ഞത് അമേരിക്കൻ എഴുത്തുകാരൻ സിഗ് സിഗ്‌ലറാണ്. സിഗ്‌ലറുടെ നാട്ടുകാരിയായ കൊക്കോ ഗോഫിനു മികച്ച തുടക്കങ്ങളെക്കാൾ ഇഷ്ടം ഗംഭീരമായ ഫിനിഷുകളാണ്. ഫ്രഞ്ച് ഓപ്പൺ വനിതാ സിംഗിൾസ് ഫൈനലിൽ ആദ്യ സെറ്റ് നഷ്ടപ്പെട്ടിട്ടും അടുത്ത രണ്ടു സെറ്റുകളും പൊരുതി നേടി, കളിമൺ കോർട്ടിൽ കന്നിക്കിരീടം ഉയർത്താൻ ഇരുപത്തിയൊന്നുകാരി ഗോഫിനു സാധിച്ചതും അതിനാൽ തന്നെ.
അഞ്ചു സെറ്റുകൾ നീണ്ട പോരാട്ടം, മൂന്നു ടൈ ബ്രേക്കുകൾ, അഞ്ചര മണിക്കൂറോളം പാരിസിലെ കളിമൺ കോർട്ടിൽ വിയർത്തുകളിച്ചിട്ടും ഫ്രഞ്ച് ഓപ്പൺ കിരീടം കാർലോസ് അൽകാരസിൽനിന്ന് തട്ടിയെടുക്കാൻ യാനിക് സിന്നറിനു സാധിച്ചില്ല. ഫ്രഞ്ച് ഓപ്പൺ പുരുഷ സിംഗിൾസ് കിരീടം സ്പാനിഷ് താരം കാർലോസ് അല്‍കാരസ് നിലനിർത്തി. സ്കോർ– 6–4, 7–6 (7–4), 4–6, 6–7 (3–7), 6–7 (2–10). അൽകാരസിന്റെ അഞ്ചാം ഗ്രാൻഡ്സ്‍ലാം വിജയമാണിത്. ഫ്രഞ്ച് ഓപ്പണിന്റെ ചരിത്രത്തിലെ തന്നെ ഏറ്റവും വലിയ തിരിച്ചുവരവുകളിലൊന്നിനാണ്
റൊളാങ് ഗാരോസിന്റെ കളിമൺ കോർട്ടിന് പുതിയ ചാംപ്യൻ. ഫ്രഞ്ച് ഓപ്പൺ വനിതാ സിംഗിൾസ് ഫൈനലിൽ ബെലാറൂസിന്റെ ലോക ഒന്നാം നമ്പർ താരം അരീന സബലേങ്കയെ വീഴ്ത്തി യുഎസ് താരം കൊക്കോ ഗോഫ് കിരീടം നേടി. ആദ്യ സെറ്റ് ടൈബ്രേക്കറില്‍ നഷ്ടമായ യുഎസ് താരം പിന്നീടുള്ള രണ്ടു സെറ്റുകൾ വിജയിച്ചാണ് ഫ്രഞ്ച് ഓപ്പണ്‍ കിരീടം ചൂടിയത്. സ്കോർ 7–6 (7–5), 2–6, 4–6.
ഇരുപത്തിമൂന്നുകാരൻ ലോറൻസോ മ്യുസറ്റിക്കെതിരെ തുടക്കത്തിൽ വിയർത്തെങ്കിലും കാർലോസ് അൽകാരസ് വീണില്ല. ആവേശകരമായ സെമിഫൈനലിന്റെ നാലാം സെറ്റിനിടെ മ്യുസറ്റി പരുക്കേറ്റു പിൻമാറിയതോടെ നിലവിലെ ചാംപ്യൻ അൽകാരസ് ഫ്രഞ്ച് ഓപ്പൺ ടെന്നിസിന്റെ ഫൈനലിലേക്ക് മുന്നേറി. സ്കോർ: 4-6 7-6, 6-0, 2-0.
റൊളാങ് ഗാരോസിന്റെ കളിമൺ കോർട്ടിന് പുതിയ ചാംപ്യൻ. ഫ്രഞ്ച് ഓപ്പൺ വനിതാ സിംഗിൾസ് ഫൈനലിൽ ബെലാറൂസിന്റെ ലോക ഒന്നാം നമ്പർ താരം അരീന സബലേങ്കയെ വീഴ്ത്തി യുഎസ് താരം കൊക്കോ ഗോഫ് കിരീടം നേടി. ആദ്യ സെറ്റ് ടൈബ്രേക്കറില്‍ നഷ്ടമായ യുഎസ് താരം പിന്നീടുള്ള രണ്ടു സെറ്റുകൾ വിജയിച്ചാണ് ഫ്രഞ്ച് ഓപ്പണ്‍ കിരീടം ചൂടിയത്. സ്കോർ 7–6 (7–5), 2–6, 4–6. 22 വയസ്സു തികയും മുൻപേ രണ്ട് ഗ്രാൻഡ്സ്‍ലാം സിംഗിൾ വിജയിക്കുന്ന രണ്ടാമത്തെ വനിതാ താരമാണ് കൊക്കോ ഗോഫ്. യുഎസിന്റെ തന്നെ ഇതിഹാസ താരം സെറീന വില്യംസാണ് ഇക്കാര്യത്തിൽ മുന്നിലുള്ളത്.
പാരിസ്∙ ഫ്രഞ്ച് ഓപ്പണ്‍ പുരുഷ സിംഗിൾസ് ഫൈനലിൽ കാർലോസ് അൽകാരസ് – യാനിക് സിന്നർ പോരാട്ടം. വെള്ളിയാഴ്ച നടന്ന സെമിഫൈനലിൽ സെർബിയയുടെ നൊവാക് ജോക്കോവിച്ചിനെ നേരിട്ടുള്ള സെറ്റുകൾക്ക് തോൽപ്പിച്ചാണ് യാനിക് സിന്നർ ഫൈനലിൽ എത്തിയത്.
പാരിസ് ∙ റൊളാങ് ഗാരോസിലെ കളിമൺ കോർട്ടിൽ ഇഗ സ്യാംതെക്കിന്റെ ജൈത്രയാത്രയ്ക്കു വിരാമമിട്ട് ബെലാറൂസിന്റെ അരീന സബലേങ്ക. പാരിസിൽ നാലാം കിരീടം എന്ന ചരിത്രം ലക്ഷ്യമിട്ടെത്തിയ പോളണ്ട് താരം ഇഗയെ ലോക ഒന്നാം നമ്പറായ സബലേങ്ക വീഴ്ത്തിയത് 7–6, 4–6, 6–0 എന്ന സ്കോറിൽ. ഫ്രഞ്ച് ഓപ്പണിൽ തുടർച്ചയായ 26 വിജയങ്ങളുമായെത്തിയ ഇരുപത്തിനാലുകാരി ഇഗയുടെ അപരാജിത കുതിപ്പാണ് ഇന്നലെ അവസാനിച്ചത്. ഓപ്പൺ യുഗത്തിൽ (1968നു ശേഷം) തുടർച്ചയായി 4 ഫ്രഞ്ച് ഓപ്പൺ കിരീടങ്ങൾ നേടുന്ന ആദ്യ വനിതയെന്ന റെക്കോർഡ് നേടാൻ ഇഗയ്ക്ക് ഈ ഫ്രഞ്ച് ഓപ്പൺ ജേതാവാകണമായിരുന്നു. സ്വപ്നലക്ഷ്യത്തിലേക്കുള്ള ഇഗയുടെ ആ കുതിപ്പ് അനായാസം തടയാൻ സബലേങ്കയ്ക്കായി.
Results 1-10 of 110
