‘സ്ത്രീകൾ മാത്രം സംഗമിക്കുന്ന ക്യാംപ്’ കേൾക്കുമ്പോൾ ഒരു രസമൊക്കെ തോന്നും. കാടിനു നടുവിൽ കൂട്ടുകാരായ കുറെ സ്ത്രീകൾ മാത്രം ഒരു രാത്രി ഒരുമിച്ചു ചെലവഴിക്കുന്നു അല്ലെങ്കിൽ പകൽ ട്രക്കിങ്. ഒന്നിലധികം രാത്രി കൂൾ. ഏതെങ്കിലും സോഷ്യൽ മീഡിയ ഗ്രൂപ്പുകളായിരിക്കും മിക്കവാറും ഇത് സംഘടിപ്പിക്കുക അല്ലെങ്കിൽ ഏതെങ്കിലും വ്ലോഗർ സെലിബ്രിറ്റികൾ. പക്ഷേ സുരക്ഷയുടെ കാര്യത്തിൽ ‘കോംപ്രമൈസ്’ ചെയ്താൽ അതു മേപ്പാടി ദുരന്തമായി. ഏതെങ്കിലും നാട്ടിൽ നിന്നു കാടിന്റെ അപരിചിതത്വത്തിലെത്തുന്നവർക്ക് ജീവിതം തന്നെ നഷ്ടമായേക്കാം എന്നതിന്റെ ഉദാഹരണമാണ് മേപ്പാടി ദുരന്തം.
