Manoramaonline.com no longer supports Internet Explorer 8 or earlier. Please upgrade your browser.  Learn more »

ജലസമൃദ്ധി കുറഞ്ഞു; അതിരപ്പിള്ളി മെലിഞ്ഞു

athirappilly-waterfallas.jpg1

അതിരപ്പിള്ളി വെള്ളച്ചാട്ടത്തില്‍ ജലസമൃദ്ധി കുറഞ്ഞു. പെരിങ്ങല്‍ക്കുത്ത് ഡാമില്‍ നിന്നുള്ള ജലപ്രവാഹം തീരെ കുറഞ്ഞതാണ് അതിരപ്പിള്ളി മെലിയാന്‍ കാരണം. 

വര്‍ഷക്കാലം തിമിര്‍ത്തു പെയ്ത സമയത്ത് അതിരപ്പിള്ളി വെള്ളച്ചാട്ടം സമൃദ്ധിയായിരുന്നു. ഇപ്പോഴത്തെ അവസ്ഥ ഇങ്ങനെയാണ്. നിറഞ്ഞൊഴുകിയ വെള്ളം ഇപ്പോഴില്ല. വിനോദസഞ്ചാരികള്‍ക്ക് തൊട്ടടുത്തു വരെ പോകാം. രണ്ടാഴ്ച മുമ്പു വരെ ജലത്തിന്റെ കുത്തൊഴുക്കു കാരണം അടച്ചിട്ട വിനോദസഞ്ചാര കേന്ദ്രമാണിതെന്ന് ആരും പറയില്ല.

അത്രയ്ക്കു വരണ്ടു അതിരപ്പിള്ളിയും താഴെയുള്ള ചാലക്കുടി പുഴയും. വാഴച്ചാല്‍ മുതല്‍ അതിരപ്പിള്ളി വരെ തീരെ വെള്ളമില്ല. വേനല്‍ക്കാലത്താണ് ഇങ്ങനെ ജലനിരപ്പ് കുറയാറുള്ളത്. അതിരപ്പിള്ളി വിനോദ സഞ്ചാര കേന്ദ്രത്തിനു സമീപമുള്ള റിസോര്‍ട്ടുകള്‍ ഒരാഴ്ചയായി തുറന്നിട്ടില്ല. ശുദ്ധജലക്ഷാമമാണ് പ്രശ്നം. പുഴയില്‍ വെള്ളമുണ്ടെങ്കിലും ഇ കോളി ഭീഷണിയുള്ളതിനാല്‍ ആരും ഉപയോഗിക്കുന്നില്ല. അതിരപ്പിള്ളി മെലിഞ്ഞുണങ്ങിയതിനാല്‍ വിനോദസഞ്ചാരികളുടെ വരവും നിലച്ചു.

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.