ബീച്ചിൽ ആൾക്കൂട്ടം, സഞ്ചാരികളെത്തുന്നത് കോവിഡ് മാനദണ്ഡങ്ങൾ കാറ്റിൽ പറത്തി
Mail This Article
ആലപ്പുഴ ∙ജനങ്ങളുടെ ആവശ്യപ്രകാരം ബീച്ച് തുറന്നതോടെ കോവിഡ് മാനദണ്ഡങ്ങൾ കാറ്റിൽ പറത്തി സഞ്ചാരികളെത്തുന്നു. അധികം പ്രതീക്ഷിക്കാതെ, ഇതര സംസ്ഥാനങ്ങളിൽ നിന്നുള്ളവർ അധികമായി എത്തിയതും സുരക്ഷാ ജീവനക്കാരെ വലച്ചു.തമിഴ്നാട്, ആന്ധ്ര, മഹാരാഷ്ട്ര എന്നിവിടങ്ങളിൽ നിന്ന് ഏറെപ്പേരെത്തി. രാവിലെ 6 മുതൽ ബീച്ചിൽ ആളുകൾ എത്തി. വഞ്ചിവീടുകളിൽ നിന്നുള്ള വിവരം അനുസരിച്ചാണ് ഏറെപ്പേരും എത്തിയതെന്നു ലൈഫ്ഗാർഡുമാർ പറയുന്നു.
പൊലീസും സുരക്ഷാ ജീവനക്കാരും ഏറെ പണിപ്പെട്ടാണ് പലരെയും മാസ്ക് ധരിപ്പിച്ചത്. 4 പേരിൽ അധികം കൂട്ടം കൂടരുതെന്നും 10–65 പ്രായപരിധിയിലുള്ളവർ മാത്രമേ ബീച്ചിൽ എത്താവൂ എന്നും നിർദേശം ഉള്ളപ്പോഴാണ് ആളുകൾ കൂട്ടത്തോടെ എത്തിയത്.ബീച്ച് തുറന്നതോടെ കച്ചവടക്കാർക്കാണ് ആശ്വാസമേറെ. ബീച്ചിലെ മിക്ക കടകളും തുറന്നു.
English Summary: Tourists Flow in Alappuzha Beach