സ്വർഗ്ഗത്തിലേക്കുള്ള വാതിൽ കാണണോ? എങ്കിൽ ഇവിടേക്ക് പോരൂ

Tianmen-Mountain1
SHARE

ദൂരെ നിന്ന് നോക്കുമ്പോൾ, ഒരു ഗുഹ ആകാശത്തിലേക്കുള്ള ഒരു വഴി പോലെ കാണപ്പെടുന്നു,  ഗുഹയെ വർഷം മുഴുവനും ഇടതൂർന്ന മൂടൽമഞ്ഞ് മൂടുന്നു. ചിലപ്പോൾ, ഗുഹയുടെ തുറസ്സിൽ‌ മേഘങ്ങൾ മേലങ്കികൾ‌ അണിയിപ്പിക്കുന്നു. അതിലൂടെ സൂര്യൻ‌ തിളങ്ങുന്നു. മാന്ത്രികത നിറഞ്ഞ  ദൃശ്യങ്ങൾ. സ്വർഗ്ഗകവാടം തുറക്കപ്പെട്ടതു പോലെ തോന്നും. ഇതെന്ത് കഥ എന്നാണോ ആലോചിക്കുന്നത്. എങ്കിൽ ഈ പറഞ്ഞതെല്ലാം സത്യമാണെന്ന് ചൈനയിലെത്തിയാൽ മനസിലാവും. ചില കാഴ്ചകൾ വാക്കുകൾക്കും അതീതമാണ്. 

Tianmen-Mountain3

ചൈനയിലെ ഏറ്റവും ഉയരം കൂടിയ കൊടുമുടിയായ ടിയാൻമെൻ പർവതത്തിന്റെ വിശേഷണങ്ങളാണ് ഇതെല്ലാം. ടിയാൻമെൻ എന്ന പേര് തന്നെ അർത്ഥമാക്കുന്നത് ഹെവൻലി ഡോർ എന്നാണ്. അപ്പോൾ അത് കാണുന്നതോ സ്വർഗ്ഗീയാനുഭൂതിയും. 

ടിയാൻമെൻ പർവതനിരകളിലെ നാല് അദ്ഭുതങ്ങൾ

ചൈനയിലെ ഷ്വാങ്ജാജി  നഗരത്തിലെ ഏറ്റവും ഉയരം  കൂടിയ  കൊടുമുടിയാണ് സ്വർഗകവാട പർവതം എന്നറിയപ്പെടുന്ന ടിയാൻമെൻ പർവ്വതം.ചൈനയുടെ സംസ്കാരത്തിൽ ടിയാൻമെൻ പർവതനിരകളെക്കുറിച്ച് പരാമർശിച്ചിട്ടുണ്ട്. ചൈനാക്കാർ പ്രകൃതിയുടെ ആത്മാവായി കണക്കാക്കുന്ന ഈ പർവ്വതത്തിൽ ടിയാൻമെൻ മൗണ്ടൻ കേബിൾ വേ, ടോഗ്റ്റിയൻ അവന്യൂ , ടിയാൻമെൻ ഗുഹ, മൗണ്ടൻ പ്ലേറ്റൗ വിർജിൻ ഫോറസ്റ്റ്  എന്നിവയാണ് നാല്  അദ്ഭുതങ്ങൾ. പർവത പ്രദേശത്തിനകത്ത് 40 ഓളം കൊടുമുടികൾ 1000 മീറ്ററിലധികം ഉയരത്തിൽ സ്ഥിതിചെയ്യുന്നത് ആളുകൾക്ക് അത്ഭുതകരമായി തോന്നാം.

Tianmen-Mountain

പർവതത്തിന്റെ ഉയർന്ന ഉയരം കാരണം, പകൽ സമയം രാത്രി സമയത്തേക്കാൾ കൂടുതലാണ്.  പർവതങ്ങളിലെ താപനിലയാകട്ടെ ഷ്വാങ്ജാജി നഗരത്തേക്കാൾ 10 ഡിഗ്രി സെന്റിഗ്രേഡ് കുറ്റവും. പർവതത്തിലെ സൂര്യോദയം 30 മിനിറ്റ് മുമ്പും സൂര്യാസ്തമയം 45 മിനിറ്റും നഗരപ്രദേശങ്ങളിലുള്ളതിനേക്കാൾ വ്യത്യാസപ്പെട്ടിരിക്കുന്നു. അതിനാൽ ഇരുട്ടില്ലാത്ത അനന്തമായ ആകാശം എന്നാണ് ഇതിനെ അറിയപ്പെടുന്നത്. 

Tianmen-Mountain-road

ടിയാൻമെൻ ഗുഹ

പ്രകൃതിദത്തമായി രൂപപ്പെട്ട ലോകത്തിലെ ഏറ്റവും ഉയരത്തിൽ നിലനിൽക്കുന്ന ഗുഹകളിൽ ഒന്നാണ് ടിയാൻമെൻ ഗുഹ. ഗുഹയിലേക്കെത്താൻ കുത്തനെയും ഇടുങ്ങിയതുമായ 999 പടികളുണ്ട്. ടിയാൻമെൻ പർവതത്തിലെ പ്രധാന ആകർഷണമായ ഈ ടിയാൻമെൻ കേവിന് 431 അടി ഉയരവും 187 അടി വീതിയും 197 അടി ആഴവും ഉണ്ട്. ഈ ഗുഹയിലേയ്ക്കുള്ള പടികൾ ദൂരെ നിന്ന് കണ്ടാൽ ആശ്ചര്യപ്പെട്ടുപോകും. 

ടിയാൻമെൻ കേബിൾവേ

24,458 അടി (7,455 മീറ്റർ) നീളത്തിൽ ലോകത്തിലെ ഏറ്റവും ദൈർഘ്യമേറിയതാണ് ടിയാൻമെൻ പർവതത്തിലെ കേബിൾവേ. സിറ്റി ഗാർഡൻ നഗരത്തിൽ നിന്ന് ആരംഭിച്ച് താഴ്വാരത്ത് അവസാനിക്കുന്നു. ഇത് ഒരു മഴവില്ല് പോലെയും മേഘങ്ങളിൽ ഒളിഞ്ഞിരിക്കുന്ന ഒരു വ്യാളിയാണെന്നും തോന്നാം. 

681932720

ഹെവൻ-ലിങ്കിംഗ് അവന്യൂ

99 ബെൻഡിംഗ് റോഡ് അല്ലെങ്കിൽ ബിഗ് ഗേറ്റ് റോഡ് എന്നും അറിയപ്പെടുന്ന ഹെവൻ-ലിങ്കിംഗ് അവന്യൂ ഏറ്റവും അപകടകരമായ റോഡാണ്. 1998 ൽ തുടർച്ചയായി 99 ടേണിംഗുകൾ ഉപയോഗിച്ചാണ് ഇത് നിർമ്മിച്ചത്, മൊത്തം  6.7 മൈൽ (10.77 കിലോമീറ്റർ) നീളമുള്ള ഈ റോഡ് ശരിക്കുമൊരു  അത്ഭുതമാണ്. കേബിൾ കാറിൽ നിന്ന് നിങ്ങൾക്ക് ഇത് കാണാൻ കഴിയും. ടിയാൻമെൻ പർവത പ്രകൃതിദൃശ്യത്തിന്റെ ഷട്ടിൽ ബസ് ഉപയോഗിച്ച് നിങ്ങൾക്ക് ഈ റോഡിലൂടെ മലമുകളിൽ എത്തിച്ചേരാം.

473179112

ഗ്ലാസ് സ്കൈവാക്ക്

ഗ്ലാസ് സ്കൈവാക്ക് ടിയാൻമെൻ മൗണ്ടൻ ടൂറിന്റെ  ക്ലൈമാക്സ് ആണെന്ന് പറയാം. സാഹസികർക്ക് ഇത് ഏറ്റവും അനുയോജ്യമാണിത്.  തെളിഞ്ഞ ദിവസങ്ങളിൽ, നീലാകാശവും വെളുത്ത മേഘങ്ങളും നിങ്ങളുടെ നടത്തത്തിനൊപ്പമെത്തും. ആ സമയം മേഘങ്ങളിൽ നടക്കുന്നതിന്റെ വികാരവും നിങ്ങളുടെ പാദങ്ങൾക്ക് താഴെയുള്ള ശൂന്യതയിലേയ്ക്ക് പതിയ്ക്കുമോ എന്ന ആശങ്കയും ഒരു പോലെ നിങ്ങളെ സന്തോഷിപ്പിക്കുകയും ഭയപ്പെടുത്തുകയും ചെയ്യും. കിഴക്ക്, പടിഞ്ഞാറ്, പാൻ‌ലോംഗ് ക്ലിഫ് എന്നിവിടങ്ങളിൽ യഥാക്രമം മൂന്ന് ഗ്ലാസ് സ്കൈവാക്കുകൾ ഉണ്ട്.

453580239

ബോൺസായ് ഗാർഡൻ അഥവാ ഹാംഗിംഗ് ഗാർഡൻ

ഒരു ദേശീയ ഫോറസ്റ്റ് പാർക്ക് എന്ന നിലയിൽ, ടിയാൻമെൻ പർവതനിരകളുടെ കൊടുമുടിയിൽ വലിയ പ്രാചീന വനങ്ങൾ സ്ഥിതിചെയ്യുന്നു, സംരക്ഷിക്കപ്പെടുന്ന പ്രധാന പ്രദേശത്തിന് ബൈ യേ യാവോ തായ്  എന്നാണ് പേര് നൽകിയിരിക്കുന്നത്. പ്രദേശം മുഴുവൻ പ്രകൃതിദത്ത ബോൺസായി പോലെ കാണപ്പെടുന്നു, കൂടാതെ 20 ലധികം ആകർഷണങ്ങൾ അവിടെ കാണാൻ കഴിയും, ടിയാൻമെൻ പർവതനിരകളിലെ നാല് മനോഹരമായ പ്രദേശങ്ങളിൽ ഏറ്റവും വലുതാണ് ഇത്.

ടിയാൻമെൻ ഗുഹയിലെ രണ്ട് അതിശയകരമായ രംഗങ്ങൾ  തിരിയുന്ന വെള്ളവും ഹെവൻസ് ഗേറ്റിന്റെ ചലനവുമാണ്. തിരിയുന്ന വെള്ളം യഥാർത്ഥത്തിൽ വേനൽക്കാലത്ത് പർവതശിഖരങ്ങളിൽ നിന്ന് ഉത്ഭവിക്കുന്ന ചെറിയ നീർചാലാണ്. ഇത് സൂര്യപ്രകാശത്തിൽ വെള്ളം തളിക്കുന്ന പോലെയൊരു പ്രതീതി ഉണ്ടാക്കുന്നു. വെള്ളം പാറയുടെ വലതുഭാഗത്ത് നിന്നാണ് വരുന്നത്, മലഞ്ചെരിവിൽ ജലസ്രോതസ്സുകളൊന്നും കണ്ടെത്താൻ കഴിയില്ല. 

മറ്റൊന്ന് ടിയാൻമെൻ ഗുഹ വടക്ക് നിന്ന് വടക്ക്-പടിഞ്ഞാറോട്ട് നീങ്ങുന്നുവെന്ന പ്രദേശവാസികളുടെ വാദമാണ്. കാരണം ഇപ്പോൾ  നഗരത്തിൽ നിന്നാൽ  പർവതത്തിന്റെ കവാടം കാണാൻ കഴിയില്ലത്രേ. പക്ഷേ അത് മുമ്പ് കാണാൻ കഴിയുമായിരുന്നുവെന്നാണ് പറയുന്നത്.

സ്വർഗ്ഗകവാടത്തിന്റെ പടിക്കെട്ടുകൾ കയറി ആകാശത്തിന്റെ അങ്ങേത്തലക്കലേക്ക് ഒരു യാത്ര പോയേക്കാം.

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN WORLD ESCAPES
SHOW MORE
FROM ONMANORAMA