ADVERTISEMENT

ഓരോ വർഷവും ലോക ടൂറിസം ഓർഗനൈസേഷൻ (യുഎൻ‌ഡബ്ല്യുടിഒ) ഓരോ രാജ്യത്തിനും ലഭിക്കുന്ന രാജ്യാന്തര ടൂറിസം സന്ദർശകരുടെ എണ്ണം ശേഖരിക്കുന്നുണ്ട്. ഇന്റർനാഷണൽ ടൂറിസം ഹൈലൈറ്റ്സ് 2019 പതിപ്പ് അനുസരിച്ച് , വിനോദസഞ്ചാരികളുടെ വരവ് അടിസ്ഥാനമാക്കി ഏറ്റവും തിരക്ക് കുറഞ്ഞ സ്ഥലങ്ങളുടെ പട്ടിക ഇതാ. 

തുവാലു

തെക്കൻ പസഫിക്കിൽ ചിതറിക്കിടക്കുന്ന നൂറിലധികം ചെറുദ്വീപുകൾ ഉള്ള തുവാലുിൽ 12,000 ൽ താഴെ നിവാസികളാണുള്ളത്. ലോകത്തിലെ ഏറ്റവും ഒറ്റപ്പെട്ട രാജ്യങ്ങളിലൊന്നായി  അറിയപ്പെടുന്ന തുവാലുവിൽ എത്തിപ്പെടുക അങ്ങേയറ്റം ദുഷ്കരമാണ്. ഈ ദ്വീപ് രാഷ്ട്രം സന്ദർശിക്കാൻ നിങ്ങൾ ആഗ്രഹിക്കുന്നുവെങ്കിൽ, പ്രധാന ദ്വീപായ ഫനാഫുട്ടിയിൽ രാജ്യാന്തര വിമാനത്താവളം ഉണ്ട്.

ഇവിടെ നിന്ന്, ഫിജി എയർവേസ് ആഴ്ചയിൽ രണ്ടുതവണ സർവീസ് നടത്തുന്നുണ്ട്. വൈവിധ്യമാർന്ന സമുദ്രജീവിതം ഉള്ള തുവാലു ,ഡൈവിങ്, സ്നോർക്കെല്ലിങ് തുടങ്ങി നിരവധി ഉല്ലാസ സൗകര്യങ്ങളോടു കൂടി സഞ്ചാരികൾക്ക് മികച്ച ഒരു  അവധിക്കാലം വാഗ്ദാനം ചെയ്യുന്നു. കൂടാതെ രണ്ടാം ലോകമഹായുദ്ധകാലത്തെ ചരിത്രമുറങ്ങുന്ന നിരവധി സ്ഥലങ്ങളും ഇവിടെ കാണാനാകും.

മാർഷൽ ദ്വീപുകൾ

പസഫിക് സമുദ്രത്തിലെ ഒരു കൂട്ടം അറ്റോളുകൾ, ഒറ്റപ്പെട്ട ദ്വീപുകൾ, പാറക്കൂട്ടങ്ങൾ എന്നിവ ഉൾപ്പെടുന്നതാണ് മാർഷൽ ദ്വീപുകൾ. ഹവായിക്കും ഓസ്ട്രേലിയയ്ക്കും ഇടയിലായി  സ്ഥിതിചെയ്യുന്നു. ദ്വീപിന്റെ എൻ‌വെറ്റക് അറ്റോളും ബിക്കിനി അറ്റോളും മുൻ യു‌എസ് ആണവപരീക്ഷണ സൈറ്റുകളാണ്. രണ്ടാം ലോക മഹായുദ്ധത്തിന്റെ പ്രസിദ്ധമായ ക്വാജാലൈൻ ഇപ്പോൾ യു‌എസ് മിസൈൽ പരീക്ഷണ ശ്രേണിയായി ഉപയോഗിക്കുന്നു. കുറഞ്ഞത് 160 ഇനം പവിഴങ്ങളാൽ ചുറ്റപ്പെട്ടിരിക്കുന്നു ഈ ദ്വീപ്.

marshall-islands

വിദഗ്ദ്ധരായ മത്സ്യത്തൊഴിലാളികൾ, നാവിഗേറ്റർമാർ എന്നിവരെപ്പോലെയുള്ള വിദഗ്ദ്ധർക്കൊപ്പം  ഇവിടുത്തെ ജനങ്ങളും സമഗ്ര സാംസ്കാരിക സമ്പന്നരാണ്. പരീക്ഷണ സൈറ്റുകൾ കാരണം, അഗ്നിപർവ്വത ദ്വീപുകളുടെ ഈ വിപുലമായ ശൃംഖല അതിശയകരമായ സ്കൂബ ഡൈവിംഗ് സൈറ്റുകൾക്ക് പ്രസിദ്ധമാണ്.  തിളങ്ങുന്ന ടർക്കോയ്സ് ജലം, ലോകത്തിലെ ഏറ്റവും ഇതിഹാസമായ വെളുത്ത ബീച്ചുകൾ എന്നിവയാണ് മാർഷൽ ദ്വീപുകളെ പ്രശസ്തിയിലെത്തിക്കുന്നത്. 

നിയു

ദക്ഷിണ പസഫിക്കിന്റെ മധ്യത്തിൽ സ്ഥിതി ചെയ്യുന്ന വളരെ ചെറിയ മലമ്പ്രദേശങ്ങൾ ഉള്ള ഒരു ദ്വീപ് രാജ്യമാണ് നിയു. ചുണ്ണാമ്പുകല്ലുമലകൾക്കും പവിഴപ്പുറ്റുകളുടെ ഡൈവ് സൈറ്റുകൾക്കും പേരുകേട്ടതാണ് ഈ നാട്. ടോംഗയുടെ കിഴക്ക് ഭാഗത്തായി സ്ഥിതിചെയ്യുന്ന ഈ ചെറിയ ദ്വീപ് രാഷ്ട്രം സംരക്ഷിത പാറകളാൽ ചുറ്റപ്പെട്ടതാണ്, ഇത് ആദ്യത്തെ “വൈ-ഫൈ” രാഷ്ട്രമായി അറിയപ്പെടുന്നു, അതായത് എല്ലാ താമസക്കാർക്കും സൗജന്യ വയർലെസ് ഇന്റർനെറ്റ് വാഗ്ദാനം ചെയ്യുന്നു.

260 ചതുരശ്ര കിലോമീറ്റർ മാത്രം വിസ്തൃതിയുള്ളതും ആയിരത്തോളം നിവാസികളുള്ളതുമായ ലോകത്തിലെ ഏറ്റവും ചെറിയ രാജ്യങ്ങളിലൊന്നു കൂടിയാണ് നിയു. ഈ ഉഷ്ണമേഖലാ ദ്വീപിന്റെ മനോഹരമായ ബീച്ചുകൾ, ഗുഹകൾ, സ്നോർക്കെല്ലിംഗ് സ്ഥലങ്ങൾ, തടാകങ്ങൾ എന്നിവ കൂടാതെ  ഹം‌പ്ബാക്ക് തിമിംഗലങ്ങളോടൊപ്പം നിങ്ങൾക്ക് നീന്താനും കഴിയും. 

സോളമൻ ദ്വീപുകൾ

992 ദ്വീപുകൾ ഉൾക്കൊള്ളുന്ന സൗത്ത് പസഫിക് ദ്വീപസമൂഹമാണ് സോളമൻ ദ്വീപുകൾ. അതിൽ 147 എണ്ണം മാത്രമേ താമസയോഗ്യമായിട്ടുള്ളു.പപ്പുവ ന്യൂ ഗിനിയയ്ക്കും വാനുവാട്ടുവിനുമിടയിൽ നിലകൊള്ളുന്ന ഈ മുൻ ബ്രിട്ടീഷ് കോളനി രണ്ടാം ലോക മഹായുദ്ധത്തിൽ നിർണായക പങ്ക് വഹിച്ചുട്ടുണ്ട്. ഇന്ന്, ഈ പറുദീസ ദ്വീപ്  ലോകസഞ്ചാര ഭൂപടത്തിൽ മികച്ച സ്ഥാനം കൈവരിക്കുകയാണ്.

Solomon-Islands

ലിച്ചെൻ‌സ്റ്റൈൻ

ഓസ്ട്രിയയ്ക്കും സ്വിറ്റ്സർലൻഡിനുമിടയിൽ യൂറോപ്പിന്റെ ഹൃദയഭാഗത്ത് സ്ഥിതിചെയ്യുന്ന പ്രിൻസിപ്പാലിറ്റി ഓഫ് ലിച്ചെൻ‌സ്റ്റൈൻ നിങ്ങളുടെ ബക്കറ്റ് പട്ടികയിൽ‌ ഉണ്ടായിരിക്കേണ്ട ഒരു ചെറിയ ഭൂപ്രദേശമാണ്. 37,000 ജനസംഖ്യയുള്ള ജർമ്മൻ സംസാരിക്കുന്ന 25 കിലോമീറ്റർ നീളമുള്ള പർവതപ്രദേശം ലോകത്തിലെ ഏറ്റവും ധനികവും സമ്പന്നവുമായ രാജ്യങ്ങളിലൊന്നാണ്.

liechtenstein

പർവതപ്രദേശത്തെ കോട്ടകൾക്കൊപ്പം മികച്ച സ്കീയിംഗും ട്രക്കിങ്ങും ഈ പ്രദേശം വാഗ്ദാനം ചെയ്യുന്നു- ഒരു കഥപുസ്തകത്തിൽ നിന്ന് നേരിട്ട് ഇറങ്ങി വന്നത് പോലെ തോന്നും ലിച്ചെൻ‌സ്റ്റൈൻ അനുഭവിക്കുമ്പോൾ. 

 

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
അവശ്യസേവനങ്ങൾ കണ്ടെത്താനും ഹോം ഡെലിവറി  ലഭിക്കാനും സന്ദർശിക്കു www.quickerala.com