അതിഗംഭീര കാഴ്ച; പുതുവത്സരം ദുബായിൽ ആഘോഷിച്ച് നയൻതാരയും വിഘ്നേഷും

പുത്തന്‍ പ്രതീക്ഷകളും സ്വപ്‌നങ്ങളുമായി  ആഘോഷങ്ങളുടെ പൊടിപൂരത്തോടെ താരസുന്ദരി നയൻതാരയും വിഘ്നേഷും 2022 നെ വരവേറ്റു. ദുബായ് ബുർജ് ഖലീഫയുടെ വർണപകിട്ടിൽ പുതുവർഷപുലരി ആഘോഷമാക്കി ഇരുവരും. ബുർജ് ഖലീഫയുടെ മനോഹാരിത നിറഞ്ഞ വിഡിയോയും വിഘ്നേഷ് സമൂഹമാധ്യമത്തിൽ പങ്കുവച്ചിട്ടുണ്ട്.

2022 എല്ലാവരുടെയും ജീവിതത്തിൽ സമാധാനവും സന്തോഷവും വിജയവും നിറഞ്ഞ അനുഗ്രഹീത വർഷമകാട്ടെയെന്നും എല്ലാവർക്കും പുതുവൽസര ആശംസകൾ നേർന്നു കൊണ്ടുള്ള കുറിപ്പും വിഡിയോയ്ക്ക താഴെ പങ്കുവച്ചിട്ടുണ്ട്. കൂടാതെ കഴിഞ്ഞ രണ്ടു വർഷമായി ലോകം നേരിടുന്ന മഹാമാരിയുടെ പ്രതിസന്ധികള്‍ മാറി എല്ലാം പഴയനിലയിലാകുമെന്നും പുതുവർഷത്തിൽ എല്ലാവർക്കും എല്ലാ സന്തോഷവും അനുഗ്രഹങ്ങളും ഇൗശ്വരന്‍ നൽകുമെന്നും വിഘ്നേഷ് കുറിച്ചിട്ടുണ്ട്.

828 മീറ്റർ ഉയരമുള്ള ലോകത്തെ ഏറ്റവും ഉയരമുള്ള കെട്ടിടം ബുർജ് ഖലീഫയിൽ വിവിധ നിറങ്ങളിലുള്ള എൽ.ഇ.ഡി, ലേസർ ലൈറ്റുകളാൽ അലങ്കൃതമായിരുന്നു. ലേസർ ഷോയും കരിമരുന്നു പ്രയോഗവും ബുർജ് ഖലീഫയിലെ ന്യൂയർ ആഘോഷത്തിന്റെ പ്രധാന ആകർഷണങ്ങളിലൊന്നാണ്. പുതുവർഷ പുലരിയിൽ ബുർജ് ഖലീഫയിലെ  അലങ്കാരങ്ങളും വർണപകിട്ടാർന്ന കാഴ്ചയും ആസ്വദിക്കുവാനായി എല്ലാവർഷവും നിരവധിപേരാണ് എത്തുന്നത്. 

English Summary: nayanthara and vignesh shivan new year celebration in Dubai