ത്രിമൂർത്തി സാന്നിധ്യം നിറഞ്ഞ വൃക്ഷമാണ് ആൽമരം.
വൃക്ഷരാജൻ എന്നറിയപ്പെടുന്ന ആൽമരത്തിന് ഹൈന്ദവവിശ്വാസപ്രകാരം അതീവ പ്രാധാന്യമാണ് നൽകിയിരിക്കുന്നത്.
വൃക്ഷ ചുവട്ടിൽ ബ്രഹ്‌മാവും മധ്യത്തിൽ വിഷ്ണുവും മുകളിൽ ശിവനും വസിക്കുന്നു എന്നാണ് സങ്കൽപ്പം
ശനിദശാകാലം, കണ്ടകശ്ശനി, അഷ്ടമശ്ശനി, ഏഴരശ്ശനി എന്നീ ശനി അനുകൂലമല്ലാത്ത കാലയളവിൽ നിത്യവും ആൽമരപ്രദക്ഷിണം വയ്ക്കുന്നത് ഏറ്റവും ഉത്തമമായ ദോഷപരിഹാരമാണ് .
സാധാരണയായി പ്രഭാതത്തിലാണ് ആൽമരപ്രദക്ഷിണം നടത്തുക, ഉച്ചക്ക് ശേഷം പ്രദക്ഷിണം പതിവില്ല .
ശ്രീബുദ്ധന് ബോധോദയം ലഭിച്ചത് ബോധ്ഗയയിലെ ഒരു ആൽമരത്തിന്റെ ചുവട്ടിൽ ധ്യാനനിരതനായിരിക്കവേയായിരുന്നു. അതിനാൽ ആൽമരം ബുദ്ധമതക്കാർ പവിത്രമായി കരുതിപ്പോന്നിരുന്നു.
പ്രകൃതിയുടെ 'എയർ കൂളർ' എന്നുവേണെമെങ്കിൽ ആൽമരത്തിനെ പറയാം .അതിനാൽ ആൽച്ചുവട്ടിൽ സൂര്യനമസ്കാരം , ധ്യാനം , മന്ത്രജപം എന്നിവ ശീലമാക്കുന്നത് അത്യുത്തമവുമാണ്.